Псалъэжь: И цищ мэтхъу.
ПсынщIэрыпсалъэ: Зазэ и зэзыр зэзэмызэ мэуз.
ГушыIэ: Гъуэлъыжын хуейщ зэрыжаIэу, сыкъомэжэлIэж…
Къуажыхь: Пыф-сыф лъэгубгъуэ, зразутI-лэтIинэ. (Iэжьэ)

Къэплъыхъуэр

Бэм къыфхуадэнкъым

Совет къэралу
Лей щыземыкIуэр
КъимыкIуэтыжу
Мэбакъуэр.
Ихъумэжыну,
Ди мамырыгъэр
Ныкьуэкъуэгъуншэу,
Еншэу псэуну,
Захуэр зи Iэщэу,
Лъэшу ди пашэр мэтэдж.
Ауэ хы щIыбым
Бэм и биижьхэм
МафIэу зауэщIэр
ЗэщIагъэстыну щIобэн.
Ер зэхэзыщIэу,
Бгыр зытеуэну,
Зи кIуэдыжыгъуэу,
Благъуэ ныбэжьу,
Джеижь пэлъытэу,
Дэпыр жьэдэлъу,
Лъыр къьЛурыжу,
Къэжэпхъыр илIу,
Къэнар и пщылIу
Дунейм тепщэну хущIокъу;
Ны къуэкъуэгъушхуэу
Бэшхуэм пэщытщ.
Джатэр кърехри
Хышхуэм хопыджэ,
Фи джатэ кIэщIыр
ХыщIэм нэсынкъым!
Тенджызыр псышхуэщ,
ФхуикIэщIыкIынкъым!
Къуршыр бгышхуэIуэщ,
КъыфхуэIэтынкъым!
Бэшхуэри лъэщщи,
Фапэлъэщынкъым!
Дунейр фIым хуокIуэри,
КъикIуэтыжынкъым!
Псэбэр зыщIэкъури
КъаIэрыхьэнщ!
Фи залымыгъэм
Гъэрыр IэщIокI.
Корейм фыкIуащи
Ар зэIывощIэ,
Фи жьэр фыущIым,
Щыблэщ къыжьдэхур,
Гитлер и махуэр
Фщыгъупщэжауэ
Ем и IэщакIуэхэр
Фызэрызохьэ,
Дунейр зэIыфщIэу
Фоулъэпхъащэ.
Къэвулъэпхъэщыр
Лъэпкъхэм я мыгъуэщ.
Гугъэу фэ фщIари
Къывэхъулънкъым!
Бгъэр куэдрэ уэмэ –
Дамэр мэкъутэ.
Дунейр фкъутэныр
Бэм къыфхуадэнкьым.
Мы зыр си псалъэу
ИрекI хы щIыбым:
Дэ къауэ-науэ
Ди пщIыхьи хэлъкъым,
Ауэ ди нэм къеIэм
И псэм деIэжу ди хабзэщ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Усэхэр, ХьэхъупащIэ Амырхъан

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 10

Сообщить об опечатке

Текст, который будет отправлен нашим редакторам: