Псалъэжь: ДэIэбеи ет, еIэбыхи къашэ.
ПсынщIэрыпсалъэ: Бадэ бадзэ къеубыд, Бадэ бадзэм иреуд.
ГушыIэ: Си нэм езгъэплъати, азбукэр зэзгъэщIэну къызжаIащ.
Къуажыхь: ГъуэгунапщIэм джатэ телъщ. (Блэ)

Къэплъыхъуэр

ЩIымахуэ пшыхьым

Къытеплъхьэм уи щхьэр
Си дамащхьэм,
Си Iупэр щхьэцым хэкIуэдэнщ.
КъикIауэ сщIэркъым тхьэм и пащхьэм
Бзылъхугъэ закъуи
Пхуэзгъэдэн.
Iэпкълъэпкъ пщыкIутIыр гъэIущащи,
Гухэлъ гъущIар
КъэгъэщIытэж.
Уи бауэ макъым и даущым
Къару жэщIар
КъыщIеIэтэж.
ЛъэIэсыхункIэ
Си щхьэц налъэм,
Си нитIым
ХъуаскIэхэр къыщIедз.
Толъкъуну къодзри
Уи пшыналъэр,
Уэрэдым лъынтхуэ къэс зыпхедз.
Къиздзэжкъым пэшыр
ЗэрыщIыIэр,
Хуэгъэдиижкъым
Уаем псэр.
Псэм ещIэри узэрыщыIэр,
НэхъыфIым пэплъэурэ мэпсэу.
Пшыхь псом я лей
ЩIымахуэ пшыхьым
Пэхъуну гъатхи къэмыхъуа.
СыпIуплъэхункIэ,
Насып пщIыхьу
КъызэщIогъагъэ
Си щхьэ тхъуар.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: усэ, Уэрэзей Афлик

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 61

Сообщить об опечатке

Текст, который будет отправлен нашим редакторам: