Псалъэжь: ЛIым и лIыгъэр лэгъунэм щиIуатэркъым.
ПсынщIэрыпсалъэ: Пыжь пызу пыту жыг.
ГушыIэ: Индиям судым ущыщIэсым деж уэрэд жыпIэу ядэкъэм.
Къуажыхь: Зи щхьэ гъуаплъэ, зи лъэ цIу. (Шэрхъ)

Къэплъыхъуэр

Пащтыхь

Пащтыхьхэр зэрахъуэкI щIэщыгъуэу,
Сэ си щхьэм срипащтыхьыжщ.
Узигъусэнумэ ныбжьэгъуу,
Пащтыхьхэм бзэгу яхуумыхьыж.

Пащтыхьхэм яIэкъым дарэгъу,
Абыхэм яхуумыщI си гугъу:
ЯфIэфIкъым я Iумэт имыхьэу
Щхьэхуиту щIым къыщызыкIухьыр.

КъыщызокIухьыр си щIыналъэм,
Си жылэр тызосэж си хьэсэм,
Къезгъэжьууфу си пшыналъэм,
ЦIыхугъэм псэр хузогъэусэ.

А хьэлыр и псэм къыхуимыщтэу,
Апхуэдэхэм пащтыхьыр щощтэ.
НэгъуэщI къимыхьу зыри и нэм,
ЩIохъуэпсыр ар дыщэ чэщанэ.

СщIэркъым зэрищIынури чэщанэр –
КIуэдыжынущ зэтрипIэм и нэр.
Къыхэхуакъым, уеблэмэ си пщIыхьым
Сыщытыну зэгуэрым пащтыхьу.

Срипащтыхьыжщи си щхьэм, сыщхьэхуиту,
Сэр нэхъ насыпыфIи щIым темыту
КъыщызокIухьыфри мы дунейм,
Пащтыхь псоми къысщыхуэ я ней!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Усэхэр, Уэрэзей Афлик

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 15

Сообщить об опечатке

Текст, который будет отправлен нашим редакторам: