Псалъэжь: Къочэнджэщыр щIэнакIалъэ умыщI.
ПсынщIэрыпсалъэ: Зазэ и зэзыр зэзэмызэ мэуз.
ГушыIэ: Тыншу упсэуныр Iейуэ гугъущ.
Къуажыхь: Ди жэм гъуэжьыжь псыбафэщ. (Курыбэ)

Къэплъыхъуэр

ГъащIэ

Зоныкъуэкъужыр куэдым я псэр,
ЗафIешхыхьыжыр куэдым я гум,
КъахуэмыщIэурэ ар зищIысыр,
Нахусыр цIыхум гъащIэ гъуэгур.

Дакъикъэ къэс зы гъащIэ псощи,
Лъэбакъуэ къэскIэ щIы хъурейщ:
ДыкъыщIалъхуари дыщIэпсэури
КъыщытщIэфыну мы дунейм?..

Щытхъупсым игъэжакъуэ цIыхуу,
Къыщымытхъу псори зи жагъуэгъум
Дуней зытетыр зэрыхьэхур
КъыгурыIуэну хъуакъэ игъуэ…

Зи уахътыр къэблагъи къэмыблагъи
ЯхулъэкIкъым яутIыпщыну гугъэр.
Мылъку къащIэныжынум хуэныбаблэу,
Сыту пIэрэ я нэхъуейр къыщIеблыр?

Мазэгъуэ бзийхэм зыхагъапскIэу,
Уэм вагъуэхэр щощхъуэкIэплъыкIэ.
Уахътыр къэсауэ, вагъуэ уафэм щижкIэ
ЩIым тет мелуанхэм ящыщ гуэр къегъаскIэ.

КъэмыскIэжыни къигъэщIакъым зыри,
ЗэлъищIысыфкъым зыми уэгури щIыри.
КъытщищIащи Алыхь лъапIэм зы фарз гуэр,
Махуэлыншэу къезыгъауэр аращ гур.

ЯфIэжэкъуащи куэдым я псэр,
ЯхуэгъэнщIыжкъым Мэлэчыпхъу и чысэр.
ТетыхункIэ и гъащIэ гъуэгум,
Аращ зыщIишхыхьыжри цIыхум и гум.

Сом лейм къиIэтми гукъыдэжыр,
А сомым зэрытекIуэдэжыр
И фIэщ мыхъужу мэпсэу цIыхур
Iахыжыхун и гъащIэ хьэхур.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Усэхэр, Уэрэзей Афлик

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 29

Сообщить об опечатке

Текст, который будет отправлен нашим редакторам: