Псалъэжь: УпщIэ щIэщхъуркъым, щIэщхъу щIэнэркъым.
ПсынщIэрыпсалъэ: Набдзэ и бдзапцIэр егъэцIу.
ГушыIэ: Сылэжьэнщ жысIати, мыбыи Интернет щыIэщ…
Къуажыхь: Бжьыхьэ нэщэнэ, мамыжь Iус. (Мэкъу Iэтэ)

УздэщыIэр

Къэплъыхъуэр

Дыщэзэрылэу къихухьа сэрейм…

Дыщэзэрылэу къихухьа сэрейм
Къыдэмыплъыфу исщи и лъэхъуэщым,
Егупсысын хулъэкIыркъым нэпсейм:
Хэт сыкъыхэкIа, хэт сызыщыщыр?

КъызыхэкIар ящIэжрэ зэхуэгуапэу,
ЦIыхугъэр ирагъэщу псоми япэ
Зэдэпсэуатэм, цIыхухэм жэнэт лъахэ
ЩIыр ящIыфынут, я псэр къэмыдзыхэу.

Зи гупкIэ исым и уэрэд къыхадзэу,
Дадежьууну дыщыхагъэзыхькIэ,
Дуней лажьэншэм худощI гузэрыдзи,
Гуэныхьыр допшыныж дыпсэухункIэ.

Хамэ пхъэцIычауэм, накъырапщэм
ТхьэкIумэIупсыр щыIуаудым деж,
Ди лъэпкъ пшыналъэр зи IэрыкI лIы Iущхэм
Я деж дыщолъыхъуэжыр гукъыдэж.

Иджыри а лIы Iущхэр кIуэдыжакъым,
ЛIы Iущхэм лъэпкъыр ящIыркъым IэщIыб.
Зэгуэр нэхъыжьхэм тхуаIэта бэракъыр
Ди гъуэгугъэлъагъуэу ноби мэбырыб.

Аращ Iэпкълъэпкъым псэ къыхэзылъхьэжыр
Дигъэгушхуэжу, дищIу нэхъ къулей.
Я уэрэдыжьри жыжьэ къоIукIыжыр,
Ди гъуэгу гугъусыгъум къридзу пкIэлъей.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Усэхэр, Уэрэзей Афлик

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 4

Сообщить об опечатке

Текст, который будет отправлен нашим редакторам: