Псалъэжь: Узэуэр къоуэж.
ПсынщIэрыпсалъэ: Пыжь пызу пыту жыг.
ГушыIэ: Сыт хуэдиз сымыщIа иджыри сымыщIэныр сыт хуэдиз
Къуажыхь: Вагъэр хужьщ, жылэр фIыцIэщ. (Тхылъ)

Къэплъыхъуэр

ПщылIыпIэр увыпIэ мыгъуэщ

ПщылIыпIэр увыпIэ мыгъуэщ,
Ди гъуэгуи тхузэпаупщI,
КъыдэмыупщIуи мэл жьагъэу дат,
Дызратри, дызытам хуэдэхэу,
Зы дахи къызыжьэдэмыкIщ.
Мэл кIапэр фэ пщыжьхэм фошх,
Шы гъэшхам дэ дакъыдожэ,
Дызыгъэныбажэр шэжыпсщ,
Псынэпсри шэчауэ фогуэш.
Насыпыр щагуэшым дэ дыIыхьэншэт,
Iыхьэншэ къабзэуи дыибэт.
Сабафэр ди пщIантIэщ,
IэжьакIуэ фийр ди унэщ,
Унэ пхашэри уэшхыбэщ,
Псымэр кърех ди жьэгум,
Зы гуэгуэни димыщIу
Фызу дищIри лэгъуп-псырыхьщ,
Къызыхуихьри я бынкъым,
Уэркъыжь бынырщ ди пщэм дэсыр,
Сэрмэлычыр (1) зыхыхьэнхэр!
Щам… Щамрэ пэт!
Щам мыпсалъэу,
И гум илъыр жеIэ.
ЦIутI жимыIэу,
IэщкIэ къащIэ.
IэщIэвыщIэр бэуэ ират,
Тетыжь къэсым, Щам хуогуфIэ,
И мафIэпэр жыгей дэпщ,
И Iыхьэпэри бгъэлыгубэщ,
Щам дубынкIэ дэ дыхуиткъым.
Къазыкъейхэ я щауэгъущ,
Бэгъуэжауэ бейгуэл ныпщ,
«Шэджэрейри (2) щызэпрадз»,
Дзыдзэм хуэдэу пщылI бжьо дахи, —
Гупэ хэлъкIи щызэралъафэ.
Сыти и махуэ
Щам Iуэху пщIынуи:
И унапIэр бадзэуапIэщ,
И бжэIупэр джэдзыжь (3) кIыпIэщ,
И тепIэн бацэ Iэтэщ,
Зы мэкъу Iэти къезымышалIэр
ЛIыIуэлIыфэу зы фи теткъым.
И къамэкIыр мес аршавщ (4),
И пэвейри мес къыIуоплъ,
Нэ гъуаплъафэр кърегъэж.
И цеикIэр гуэн дыкъуакъуэщ,
Пэ дыкъуакъуэр егъэфий,
ЩIэфиежу ар жеибэщ.
Быну мацIэр лъакъуэ фIыцIэу
НацIэу хьэблэм зэщагъакъуэ.
Къуэдыр (5) кIыхьу къытхуагъанэри,
Бжыхьри нейуэ идохуэкI,
ЕкIэпцIитIри и сэх куэбжэу,
ПхъэрыгъажитIри худобзыху,
Уэс тэхубэр щIылъэм къэсым,
СэхыбгъуитIми щрагъажьэ,
Бжыхьыжь тIэкIури ирехуэкI.
«ЕгъэкIуэкI Щам и бжыхьыр!» —
Хьэблэм хъуэну къыффIащащ.
(1) Сэрмэлыч — уз бзаджэ (Сибирская язва).
(2) Шэджэрей — белджылы мыщIа псалъэщ.
(3) Джэдзыжь — удз лъэпкъщ.
(4) А р ш а в — мельхиорщ. дыжьыныфэ зиIэ гъущIхэкI лъэпкъщ.
(5) К ъу э д ы — зыгуэрым етхьэкъун, тезыр телъхьэн.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Агънокъуэ Лашэ

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 18

Сообщить об опечатке

Текст, который будет отправлен нашим редакторам: