ПсынщIэрыпсалъэ: КIыгуугур хьэгуагуэ? ХьэкIагуэ кIыгуугу?
Псалъэжь: Сотей зэхудипIалъэщ.
ГушыIэ: Гъуэлъыжын хуейщ зэрыжаIэу, сыкъомэжэлIэж…
Къуажыхь: Жэщым Iэтэ, махуэм лъэнтхъуий. (Жьэгу мафIэ)

УздэщыIэр

Хабзэ, гъэсэныгъэ, цIыхугъэ

Адыгэм и хьэщIэ быдапIэ исщ.

Адыгэм я нэхъ тхьэмыщкIэри бысымщ.

АдрыщIым ущIэдэумэ, мыдрыщIыр къыплъысынщ.

Акъыл зимьIэм насып иIэкъым.

Акъыл эиIэр акъылыншэми йочэнджэщ.

Баш ягъэувами, уедэIуэн хуейщ.

Бэлэрыгъым гъатхэр къыхуэлъэщ.

Бэлэрыгъи Iыхьэр хьэм фIешх.

Бгъэр куэдрэ уэмэ, и дамэр мэкъутэ.

Бзаджэ къэзылъху м тут лъапэ щIетIэж.

Бзаджэ лщIауэ фIым ущымыгугъ.

Бзаджэм уи кIэ иубыдмэ, ныупщIи, блэкI.

Бзаджэр уи пэшэгъумэ, уи анэр мыгъуэ мэхъу.

Биижь умыгъэблагъэ, благъэжь умыгъэбий.

Биим ущысхымэ, уIэгъэ ухъунщ.

Бийр къыпщытхъумэ, умыбэлэрыгъ.

Благъэжь бий умыщI, псы жапIэжь унэ тумыщIыхь.

БлэкIам укIэлъымыджэ.

Быдэ и анэ гъыркъым.

Вы ныш нэхърэ нэщхъыфIэ.

Гуащэ мыхъу жьаптIакIуэщ.

Губгъуэм ущымыкъэрабгъэ, унэм ущымылIыхъужь.

Гугъэ нэпцIыр щхьэгъэпцIэжщ.

ГужьеигъуафIэ унэхъугъуафIэщ.

Гузэвэхыр щIэх жьы мэхъу.

Гупсыш, псалъэ, зыллъыхьи, тIыс.

Гур кIуэдмэ, лъэр щIэкIыркъым.

ГушыIэкIэ зымыщIэр IэштIымкIэ мауэ.

Гъуэгум лъыхъуэркъым — щIоупщIэ.

Гъуэгум пкIэлъей ебдзмэ, кIэщI мэхъу.

Гъунэгъу зыгъэпудым пудыныгъэ къылъос.

Гъусэ бзаджэ пщIыгъумэ, мыщэ уемыбэн.

Гъусэ ямыщIынум блэкIрэ пэт йоджэ.

Дахэ жызымыIэм укъигъапцIэркъым.

Делэ лIыкIуэ умыщI.

Делэм сэ сыфIокI, губзыгъэр езыр къысфIокI.

Делэм уи пыIэ ети, блэкI.

Дыгъуэм и кIэр мыгъуэ мэхъу.

Дыгъужьым деж хьэщIапIэ укIуэмэ, хьэ зыщомыгъэгъупщэ.

Дыщэ уанэ зыгъэжыр гухъум тет псэжьым еупщIыжащ.

Джатэм пиупщIыр мэкIыжри, жьэм пиупщIыр кIыжыркъым.

Джэду щысу шыпсэ жумыIэ.

Дзей хуэщIэ фIыщIэ хэлъкъым.

Дзы зиIэм дзы хуаIуатэркъым.

Дзы зыфIэпщым дзы къыпфIещьж.

Е пщIамэ, фIым ущымыгугъ.

ЖьантIэм ущIэмыкъу, пхуэфащэмэ, къыплъысынщ.

ЗэгурыIуэ я Iуэху псынщIэщ.

Зэзэуэрей адакъитI пшэр хъуркъым.

ЗэхуэзыщIэ зэщIэнэкIэжкъым.

Зи мыIуэху зезыхуэм и щхьэм баш къохуэ.

Зи нэхъыжь едаIуэ и Iуэху мэкIуатэ.

Зи пIалъэ умыщIэ шыкIэ утыку уимыхьэ.

Зи щхьэ илъым и щхьэ урилъытынщ.

Зи щхьэ мыузым уи щхьэуз хуумыIуатэ.

Зи Iыхьэ зыфIэмащIэм хьэм фIешх.

Зы жьэм жьэдыхьэр жьищэм жьэдахьэ.

Зы лIым щэ уигъапцIэмэ, уделэщ, зы мащэм щэ уихуэмэ, унэфщ.

Зы пцIым пэжищэ егъэулъий.

Зызыгъэгусэ Iыхьэншэщ.

Зыр зым фIэмыкIтэмэ, лIы укIыным кIэ иIэнтэкъым.

Куэд къыубжмэ, уи тхьэмадэжь и цIэри къыхэхуэнщ.

Къоджэр нэхъыжьщ.

Къыдыхьэр думыхуж, дэкIыжыр умыубыд.

КъыпкIэлъымыкIуэм узыкIэлъигъэк Iуэнукъым.

КIапсэр кIыхьмэ, фIыщи, псалъэр   кIэщIмэ,   нэхъыфIыжщ.

Лей зезыхьэм къыщIэкIуэркъым.

ЛъапэкIэ хыфIэбдзар дзапэкIэ къэпщтэжынщ.

ЛIам гукъанэ хуащIыжыркъым.

ЛIы здашэ щIэупщIэркъым.

ЛIы и псалъэ епцIыжыркъым.

ЛIы ищIа иIуэтэжыркъым.

ЛIыгъэр Iыхьэ мыгуэшщ.

ЛIыхъужьыр зэ лIэгъуэщи, къэрабгъэр тIэу лIэгъуэщ.

ЛIыкIуэ яукIыркъым.

Махуэ гъуэгу утехьэмэ, махуищ гъуэмылэ здэщтэ.

МащIэм зытебгъэгусэмэ, яри къыплъысыжынкъым.

МащIэр фIыщIэ зымыщIым куэдри  фIыщIэ  ищIынукъым.

МэжэщIалIэр пщогъупщэж, псалъэ гуауэр гум къонэ.

Мэзрэ мазэхэрэ уи щэху щумыIуатэ.

Мыщащхьэ плъагъумэ, мыщэ лъэужь умылъыхъуэ.

НэгъуэщIым ухуэхъуапсэмэ, уэри бгъуэтынщ.

Нэмыс зыдэщымыIэм насыпи щыIэкъым.

Нэмыс пщIымэ, уи щхьэщ зыхуэпщIыжыр.

Нэрылъагъу щытхъу щIыбагъырыубщ.

Нэхъыжь зымыгъэлъапIэр щхьэ лъэпIэгъуэ ихуэркъым.

Нэхъыжь кIэлъыджэркъым — кIэлъокIуэ.

Нэхъыжь теIущIыкIыпIэщ.

Нэжъыжьым жьэ ет, нэхъыщIэм гъуэгу ет.

Нэхъыжьыр гъэлъапIи, уи щхьэр лъапIэ хъунщ.

Нобэ пщIэфынур пщэдей умыхь.

Нысэ мыхъунур жьантIакIуэщ.

ПащIэгъэлыгъуэ джэгу хэлъкъым.

Псалъэр бутIыпщамэ, аркъэн кIэлъумыдзыж.

Псалъэр куэдрэ жыпIэмэ, мэ щоу.

Псэр ящэри напэ къащэху.

Пхуэмыфащэ щауэгъу умыщI.

ПщIэ псор жумыIэ, жаIэ псор зэгъащIэ.

ТIу зэпсалъэмэ, уабгъэдэмыхьэ.

ТIум зэдащIэр щэхущи, щым зэдащIэр нахуэщ.

Уэшх блэкIам щIакIуэ кIэлъумыщтэж.

УзэпэгэкIыр къопэгэкIыж.

УзрихьэлI шхыныфIщ.

Узэчэнджэщын умыгъуэтмэ, уи пыIэжь гъэтIыси, ечэнджэщ.

Узигъусэм и фэ къуаплъ.

УзыгъэтIыс уиубыжыркъым.

Узыдэмыхьэ къуэладжэ лыжь дэзщ.

Узыхэтым уемыкIумэ, уи унэ умыкIуэж.

Узыщымыгугъын ущыгугъмэ, уи гурыгъыр ижынщ.

Узыщымысхьри уимыIэххэри зыщ.

Уи гуащIэ еплъи, уи лъэ гъэбакъуэ.

Уи гъунэгъур бзаджэмэ, щIы хущынэ.

Уи жьэ зэсэмэ, уи нэмыс мэкъутэ.

Уи кIэ зэрымыкIынум уи щхьэ иумыIу.

Уи мыгъусэ уи лъатэпс иумыгъапхэ.

Уи напщIэ темылъ тумылъхьэ.

Уи тепIэн еплъи, уи лъэ укъуэдий.

Уи хъуэрыбзэ зымыщIэм уи гухэлъ жумыIэ.

Уи шым ижынур ищIэжын хуейщ.

Уи щхьэм иумыпэсымкIэ нэгъуэщIым ухуэмыупсэ.

Уи щхьэ темылъ тумылъхьэ.

Уи щхьэ ущымытхъуж, уфIмэ, укъалъагъунщ.

УкъыкIэрыху нэхърэ гупхэ тIысыпIэ.

УмыгъэтIылъ къэпщтэжыркъым.

УмыащIэм ущIэупщIэныр емыкIукъым.

Унэм зьщыгъаси, хасэм яхыхьэ.

Ущысу укъэзымылъагъум утэджкIэ укъилъагъункъым.

Фащэм я нэхъ дахэр укIытэщ.

ФэкIэ зыхуэпщI къупщхьэм къыхуонэ.

ФIы зыхуэпщIэм йомыхъуэныж.

ФIы щIэи, псым хэдзэ.

Хабзэжь хэкужь къранэркъым.

Хабзэр убзэ зыфIэщIым хуэпщIэнум и ныкъуэр къегъанэ.

Хэплъыхь Iыхьэншэщ.

ХъуэхъукIэ узэхыхьамэ, хъуэнкIэ узэхэмыкIыж.

Хьэ закъуэрэ лIы закъуэрэ уатемыгушхуэ.

ХьэфI дэплъейр хьэфI мэхъури, шыфI дэплъейр шыфI мэхъу.

ХьэщIапIэ ущыIэмэ, къыпхуащI уи унафэщ.

ХьэщIэ щIалэ щыIэкъым.

ХьэщIэр куэдрэ исIмэ, шхуэдыгъу мэхъу.

ХьэщIэр мэшым нэхърэ нэкъ Iэсэщ.

ХьэщIэм насып къыдокIуэ.

ЦIыхугъэншэм удэпсэу нэхърэ цIыхугъэ зиIэм удэкIуэд.

ЦIыхур лIэмэ, и цIэр къонэри, выр лIэмэ, и фэр къонэ.

ЦIыхур уи щхьэ еплъытмэ, емыкIу къэпхьынкъым.

ЦIыхуфI и тхьэкIумэ дэгущ.

Чэнджащэ щыуэркъым.

Шым уеуэмэ, масэри, вым уеуэмэ, мэсэхъу.

Шыр птымэ, шхуэри дэщIыгъу.

Шыр увыIамэ, уемыуэ.

Шыщхьэр пIэщIэкIамэ, шыкIэм укIэлъымыбэнэж.

ЩхьэкIуэ зышх щхьэ шхыгъуэ йохуэ.

Щхьэр псэумэ, пыIэ щыщIэркъым.

ЩыкI и кIапэр хьэм печ.

Ямыгъэпсалъэ яукIыркъым.

Я мыхабзэ къэзыублэм и анэр щыблэм еукI.

Япэ джэлам ущIэмынакIэ.

Iущыр щэ мэчэнджащэ.

Щыуагъэ къэбгъуэтам къыхэгъэщи ипIытIэ Ctrl+Enter.


Зыхыхьэр: Псалъэжьхэр

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 608

Сообщить об опечатке

Текст, который будет отправлен нашим редакторам: