Псалъэжь: Жылэм ямыщхьым бабыщыщхьэ къыфIокIэ.
ПсынщIэрыпсалъэ: КIыгуугур хьэгуагуэ? ХьэкIагуэ кIыгуугу?
ГушыIэ: Сызыхуейхэр зристхэм из хъуащ.
Къуажыхь: Тхьэмпабгъуэ и къуэ нэ хъурей. (МыIэрысэ)

Къэплъыхъуэр

Жылау Нурбий

(1931-2004)

Жылау НурбийЖылау Нурбий Хьудин и къуэр КъБАО-м и Бахъсэн районым хыхьэ Зеикъуэ къуажэм 1931 гъэм январым и 19-м къыщалъхуащ. Ар къызыхалъхуар мэкъумэшыщIэ унагъуэщ.
И адэ-анэр дунейм ехыжа нэужь ар и къуэш нэхъыщIэмрэ и шыпхъумрэ и гъусэу и адэшхуэм ипIыжащ.
1947-1948 гъэхэм илъэсибл Зеикъуэ школыр къиухащ. 1950-1951 гъэхэм школым зэрыщеджамкIэ тхылъ къратащ.
1955 гъэм нэсыху е 5-нэ е 7-нэ классхэм математикэмрэ физикэмкIэ щригъэджащ, япэ щIыкIэ Къызбрун езаyэм, иужькIэ Зеикъуэ къуажэ школым.
Дзэм къулыкъу щищIэн хуей мэхъури пIалъэкIэ и еджэнымрэ лэжьыгъэмрэ къигъэнащ.
И къулыкъур зэфIэкIа нэужь КъБКъУ-м и физико-математическэ отделенэм къыщIэкIыжри заочнэу историко-филологическэ факультетым щIэтIысхьащ, егъэджакIуэу Гундэлэн щылажьэрт. Нэхъ иужьыIуэкIэ «Знамя коммунизма» газет редакцэм и унафэщIу, Эльбрус районым методисту щылэжьащ. Адыгэбзэмрэ литературэмкIэ егъэджакIуэу лэжьащ. 1964 гъэм еджэныр къиухащ.
1963-1983 гъэхэм завучу пэщIэдзэ классхэм щылэжьащ егъэджакIуэу адыгэбзэмрэ литературэмкIэ, Зеикъуэ етIуанэ школым, еплIанэ школым и унафэщIу щылэжьащ.
1965-1986 гъэхэм къриубыдэу сборник зыбжанэ къыдигъэкIащ гушыIэ рассказхэмрэ педагогическэ лэжьыгъэхэмрэ иту: «Сатыр паскIуэхэр», «Дизыкъуажэ къуажэхэр къекIухь», «ЩIэблэр — гугъапIэщ», «Личная книга школьника», абы нэмыщIкIэ АбытIэ Хьэжмурат Цацым и къуэм и гъусэу къыдигъэкIащ тхылъ: «Заюково раньше и теперь», 1991 гъэм «Щэнгъасэ» тхылъыр къыдэкIащ.
Республикэм япэ дыдэу къуажэм къыщызэригъэпэщащ лIыгъэмрэ гуащIэдэкIымрэ я музей. Библиотекэм кружок къыщызэригъэпэщащ, «Анэгу» зи фIэщыгъэцIэ Хасэ.
1980-1985 гъэхэм щIэх-щIэхыурэ радиом къыщызэригъэпэщащ «ХъэщIэщ», «Балигъхэми сабийхэми» зыфIища и тхыдэ-этнографическэ нэтынхэр.
Жыджэру общественнэ лэжьыгъэм зэрыхэлэжьыхьамрэ щIэблэщIэ къэхъур гъэсэнымкIэ зыIэригъэхьа и ехъулIэныгъэхэм папщIэ, тхылъхэмрэ знакхэмрэ къыхуагъэфэщащ:
«Отличник народного просвещения РСФСР» (1969 г.), «Победитель социалистического соревнования» (1947 г.), «За активное участие в работе общества книголюбов» (1981 г.) «Почетная грамота министерства просвещения, высшей школы и научных учреждении РСФСР», нэгъуэщIхэри.
Медальхэу къыхуагъэфэщащ «Ветеран труда», «За доблестный труд в Великой Отечественной войне 1941-1945 гг , «50 лет Великой Отечественной войне 1941-1945 гг.» жыхуиIэхэр. Жылу Нурбий 1986 гъэм къыщыщIэдзауэ классщIыб школщIыб лэжьыгъэхэр иригъэкIуэкIыу организатору лэжьащ, адыгэбзэмрэ литературэмкIэ, адыгэ хабзэмкIэ СШ № 1-м урок щригъэкIуэкIащ. Жылау Нурбий УФ-м и ТхакIуэхэм я Союзым хэтащ.

Жылау Нурбий дунейм ехыжащ 2004 гъэм апрелым и 7-м. Ар щыщIалъхьэжащ къыщалъхуа къуажэм.


Тхылъ щхьэхуэхэмрэ тхыгъэхэмрэ

Сатыр пIаскIуэхэр. ГушыIэ, щIагъыбзэ, ауан рассказхэр. — Налшык, 1965.
Дизыкъуажэ. ГушыIэхэр, ауанхэр. — Налшык: Эльбрус , 1976.
Личная книжка школьника (1976).
Трудовая книжка школьника (1977).
Заюково (раньше и теперь). В соавторстве с Абитовым Х.Ц. (1978).

Дизыкъуажэ къуажэхэр къекIухь. ГушыIэхэр, ауанхэр. — Налшык: Эльбрус , 1983.
Щэнгъасэ. ЕджакIуэхэм, егъэджакIуэхэм, адэ-анэхэм папщIэ зэхэлъхьа тхылъ. — Налшык: Эльбрус , 1995.
Воспитание характера на народных традициях. — Налшык: Эльбрус , 1995.
Дизыкьуажэрэ Хъуэжэрэ. ГушыIэхэр, ауанхэр, сатыр пIаскIуэхэр. — Налшык: Эльбрус , 2001.
Известные люди села Заюково (2001).
Адыгэ хабхэмкIэ дерсхэр. — Налшык: 2001.

И творчествэм теухуауэ:
ХьэфIыцIэ М. «Сыт ди дедж къэзыгъэзэжыр?» // «А.п» газет, 2001 гъэ майм и 12-м.


Щыуагъэ гуэр къэбгъуэтам, чэм Iам, е нэгъуэщI гуэрхэри хэгъэхьэн хуейуэ къэплъытэм, хъыбар дыгъащIэ. Уэри уиIэм, къытхуегъэхь, е къыщыдгъуэтыфыныр къыджеIэ.

Уи цIэр:

E-mail:

*ТхакIуэм, усакIуэм, актерым е уэрэджыIакIуэм и цIэр:

*И гъащIэмрэ лэжьыгъэмрэ теухуауэ:

И сурэтыр:

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Биографиехэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 79

Сообщить об опечатке

Текст, который будет отправлен нашим редакторам: