Псалъэжь: Улъэсу шум ущIэмынакIэ.
ПсынщIэрыпсалъэ: Тебэ фIыцIэм ху пцIынэ цIынэ иупцIащ.
ГушыIэ: Тыншу упсэуныр Iейуэ гугъущ.
Къуажыхь: Ди гуэн цIыкIу лы изщ. (Iэпхъуалъэ)

Къэплъыхъуэр

Къуажыхьхэр

Абрэмывэм зегъазэри купрауз къыщIокI. (Щхьэл)

Адакъэ мыщ, хьэщIэщ кIуэрей. (Щхьэнтэ)

Адакъэ пщIыпщI, анэ пщIэгъуалъэ. (Шылэ джэд)

АдакъэкIэ, пшагъуэхэплъ. (Мазэ ныкъуэ)

АдрыщIэ лэгъуп цIыкIу къыщовэ. (Лулэ)

АдрыщIым узэпрыплъмэ, цеиплъ щедзащ. (Лыгъэ)

АдрыщIым шыуан цIыкIу къыщовэ.(ХъумпIэцIэдж Iуащхьэ)

Алэрыбгъур инщи, пхуэIэтыркъым, мывэкIэщхъыр куэдщи, пхуэщыпыркъым. (Уафэ, вагъуэ)

Арэфыпс, псыхэкIыкI. (Жызумей)

Бгырыпхыбгъуэ, лIыбгъуэ кIэщI. (Чей)

БгъэтIылъмэ, далъэ, бгъэлъеймэ, даIуэ. (Арыхъ)

БдзапцIэм нэхърэ нэхъ хьэлъэ, фом нэхърэ нэхъ IэфI,

уи щIыб иплъхьэмэ, пхуэмыхь, бэзэрым   пхьымэ,   ямыщэху. (Жей)

Бжьыхьэ нэщэнэ, мамыжь Iус. (Мэкъу Iэтэ)

Бжьыхьэм ягъэтIылъ, гулъ къищIмэ, къащтэж. (ФIанэ)

Бзэрабзэ-бзэмыIу. (Выгу)

БлапцIэ къарэ, къарэ убыд. (Аркъэн)

Блыным зыщызыгъазэ, зэман пыбжыкI. (Сыхьэт)

Бо нэщI шкIащIэ щокIэрахъуэ. (Бзэгу)

Ботэщ бгырыпх, тIыпх дэIэбэ. (Жыхапхъэ)

Быныр зыгъашхэ, шхалъэм дэпкIэж. (Бжэмышх)

Быныр зыгъэгуфIэ, мафIэр зыгъэункIыфI. (Тебэ)

Быныр зыгъатхъэ пхъэ дакъэ хъурей. (Iэнэ)

Быргуэ-быргуэ, быргуищэ, къуажищэ къызэптами, уэзмытын. (Лъэмыж)

Бырыбыплъ, бырыб лъэщ, зауэлIищэм я напэ. (Нып)

Вагъэр хужьщ, жылэр фIыцIэщ. (Тхылъ)

ВагъуитIым яку Iуащхьэ дэтщ. (Пэ)

ВакIуэ дэкIым кIэлъоджэ, къаджэ-наджэу къекIухь. (Хьэрхьуп)

Пхъэ лъапэ кIыхь, мэз щIыхьэрей. (Iэжьэ)

Вы плъыжь здэщысым удз къыщыкГыркъым.   (МафIэ)

Губгъуэр гъунэншэщ, хъушэр бжыгъэншэщ. (Уафэ, ва­гъуэ)

ГъуэгунапщIэ удзым лъы пцIагъэ хэлъщ. (МэракIуэ)

ГъуэгунапщIэм джатэ телъщ. (Блэ)

ГъуэгунапщIэ удзым цы мыудэ хэлъщ. (ТхьэкIумэкIыхь)

Гъуэгу нэшэкъашэрэ лы Iыхьэ пшэррэ. (Блэ, хьэндыркъуакъуэ)

Дагъэжь цIыкIу гъуанибгъущ. (Щхьэ)

Дадэ и жьакIэ мэуфафэри псы Iуфэм Iутщ. (Къамыл)

Дарий мэз шыбзыбэ щIаху. (Ужьгъэ)

Дэнэ укIуэми, пкIэрымыкI. (Ныбжь)

Ди бжэгъу щхьэкIэ   джэдыкIэ   хужь   цIыкIу пысщ. (Уэс)

Ди бжэщхьэIу хьэ къарэ телъщ: мыбанэ, мыдзакъэ, ущIимыгъэкI, ущIимыгъыхьэ. (IункIыбзэкъэб)

Ди бжыхь лъабжьэ лы IэшкIэ щIэлъщ. (Хьэндыркъуакъуэ)

Ди бжыхь джабэ хьэ дзэкъэрей кIэрысщ. (Шыпсыранэу)

Ди бжыхьыпэ лы цIыкIу пызщ. (Бзу)

Ди боушхуэ къаз хъушэ щIэсщ. (Дзэ)

Ди вы хужь цIыкIу шыгъу бэшхщ. (ДжэдыкIэ)

Ди гуэнэщ бгъитI щызэрошх. (Щхьэл)

Ди гуэн цIыкIу лы изщ. (Iэпхъуалъэ)

Ди гуэн цIыкIу   сабалъэщ,   имылъыжмэ,   мэлъаIуэ. (Чысэ)

Ди джэд хужь цIыкIу псыбафэщ. (Кхъуей)

Ди жэм гъуэжьыжь псыбафэщ. (Курыбэ)

Ди къуакIэ дамэкъуэ шыхьа дэлъщ. (ТхьэкIумэкIыхь)

Ди лIыжь цIыкIу  дурэшплIэрэшым   щоутхэ.   (Къубгъан)

Ди мэз щIагъ къарсыдзэ щIокI. (Ужьгъэ)

Ди мэл хужь цIыкIу псыбафэщ. (Кхъуей)

Ди нысащIэ мазащхьэщ. (Дыщэ пыIэ)

Ди къуэкГий уэс досэ. (Щхьэл)

Ди пщIантIэм хъэжыгъэ дэзщ. (Уэс)

Ди унэ щIыбагъ бгъитI щызэрошх. (Щхьэл)

Ди хъурей лыгъуапцIэщ. (Къэб)

Ди хъурей шыгъулъэщ. (Фэлъыркъэб)

Ди чэтым щынэ хужь щIэзщ. (Жьэ, дзэ)

Ди чей цIыкIу махъсымэ изщ. (ДжэдыкIэ)

Ди шындэбзийм джэдыкъ матэ щIэтщ. (Уафэ, вагъуэ)

Дунейм тетым я нэхъ кIыхь, пабжьэ кIыхьым   къыхэмыщ. (Гъуэгу)

Дыгъэ къепсмэ, си гъусэщ, щIыхьэжмэ, зегъэпщкIу. (Ныбжь)

Дыгъэрыгъу, псырыгъущIэ, IэпхъуамбипщI, нэ пщыкIуз. (Арджэн)

Дыжьын щIыIуу зэрылъэлъ. (Гуэдз)

Джэд хужь цIыкIу щIокIацIэ. (Бжьыныху)

Дзэ уз зымыщIэ, дзэ куэд зыIут. (Пхъэх)

Дзэпкъыбэ-тIэхъуэрей. (Мажьэ)

Емынэ нэф, щIы гъэуфэрэнкI. (ПхъэIэщэ)

Ептмэ, къозыт, къуитмэ, берычэт. (Жэм)

Жэщым Iэтэ, махуэм лъэнтхъуий. (Жьэгу мафIэ)

Жыг дакъэкъым, пхъэ къэбкъым, зегъэкъри щылъщ (Щхьэхынэ)

Жыгыщхьэм къыщрабзэ, бзэмыIум къыхуахь. (Выуэч)

Жыгыщхьэм къыщрабзэ, къан хъыджэбзым   къыхуахь. (ПыIэ къупхъэ)

Жыг зылъахъэ, лъахъэбжьэншэ. (Лъэнтхъуий)

ЖыжьэрыплъэкIэ   пщIэгъуалэщ,   къэблэгъэжмэ,   дакъэжыц. (Кхъуафэжьей)

Жьэгудэсрилэ, псыкъуий ныбэф. (Къубгъан)

ЗэкъуэшипщIым джэдыгуипщI ящыгъщ. (Iэлъэ)

ЗэкъуэшитI гъуэгунапщIитIым щопсэу. (Нэ)

Зэкъуэшищ псыхъуэм кIуауэ, тIум загъэпскI, зыр псы Iуфэм Iулъщ. (ПэгунитIрэ пхъэхьрэ)

ЗэкIэрыблаблэу блыным еубгъуа. (Уанэ)

ЗэнысэгъуитI пхъэх темыхщ. (Нэрэ набдзэрэ)

Зэпэзэдакъэ — уэркъ унэлъащIэ. (Пхъуантэ)

Зи бжьэ дыгъэрыгъу, зи кIэ мыгъуэ   Iус, хьэдэIус хамылъхьэ. (Бжэн)

Зи бын псори дзыгъуащэ. (Джэду)

Зи гупэр пхых цIыкIу, зи щIыIур цей фIыцIэ, зи щIагъыр чэсейфэху. (ПцIащхъуэ)

Зи кIэр дыкъуакъуэ, бгыкъур зи унапIэ. (ПцIащхъуэ)

Зи кIэр зылъэф, зи фэр зи бий. (Бажэ)

Зи кIэр памычу бом щIэмыхьэ. (Кхъужь)

Зи макъыр пшыналъэ, зи лъакъуэр кIэрахъуэ. (Выгу, шыгу)

Зи пащIэкIитIыр ауз, Тэрч аузкIэ дэзыгъэзей. (Аргъуей)

Зи пэр папцIэ, зи кIэр гъуанэ. (Мастэ)

Зи цIэ изыIуэж мыкъурт. (КIыгуугу)

Зи щхьэ гъуаплъэ, зи лъэ цIу. (Шэрхъ)

Зи щхьэр матэ, зи кIэр топ. (Аслъэн)

Зи щхьэр пхъэIэщэкI, зи   кIэр куэтэншэрхъ.   (Гуэгушыхъу)

Зи щIагъыр дэлэн-дэлэн, зи щIыIур дэлэн бзыхьэхуэ. (Лы, лэпс)

Зи пэр гъущI, зи щIэр пхъэбгъу, зызыгъэпщ, зызыгъэщхъ, фIыцIэр плъыжьу IузылыкI). (Шэдыбжь)

Зи щIыIур хъэрахъэ, зи щIагъыр хъарибл, жылиблым я дахуэдапсэ, жылиблым я гъэпсэхупIэ. (Псыхъуэ).

Зил IэфIу, зил шыпс. (Джэд)

Зы хьэ къарэ къоIэбых, зы хьэ къарэ дрехьей. (Лъахъш)

Зызымыгъазэу мэзым щIэкI. (Фочышэ)

Зыр мажэ, зыр мэжей, зыр мэджэгу. (Псы, мывэ, бдзэжьей)

Зыргъэ-зыргъэ Iэгуауэ, бзэрабзитI пэтIинэ. (IункIыбзэ)

И тхьэкIумэр дзасэ, и пэр сыринэ, и нэр вагъуэ, мапкIэ,

малъэ, мэлъей.  (ТхьэкIумэкIыхь).

Къадз-надзурэ, Андзор и къуэр зыгъашхэ. (Кхъузанэ)

Къан хъыджэбзитI зэлъэпагъщ.  (Набдзэ)

Къандзэгу   бгъэбатзмэ, бэтэжауэ   къыщIоху. (KIэpтIоф)

Къэрабэу плъыфэ, уафэм едзэкIа. (Лэгъупыкъу)

Кърым къикI лъакъуэ кIыхь, ди унэ къихьэ фэрэкIнапэ. (Iэпхъуалъэ, мастэ)

Къуажэр зыгъапцIэ, пцIым кърихьэкI. (КIыгуугу)

КъуапиплI,   плIаний,  тхьэхуэлажьэ,    лэжьапщIэншэ. (Гущэ)

КIапсэнэ-кIапсэнэ, кIапсэнэ зэрыдзэ, зэрыдзагъищэ, лэгъунэ щий. (МафIэгу)

КIащхъуэ бацэ къыдохьэ, зэракъутэ кIэлъадз, зэрыдзам яфIолъэ, лъагъуэр яфIеубыдри быдапIэм яфIокIуэж. (Дыгъужь, джыдэ, бжыхь, гъуэ)

КIэ къуацэ къокIуэри кIэншэ ныдех. (Дыгъужь, бжэн)

КIэн-кIэну зэрыс, Арысейм кърах. (Лъахъш)

КIэн-кIэну зэрыс, Сосрыкъуэхэ я хьэщIэ. (Лъахъш)

КIей лъздакъэху, Iэрыху дыщэкI. (Фоч)

КIуэ пэтми, бжьиз зымыкIу. (Гущэ)

Лъэмыж щIагъым шыуан цIыкIу къыщокъуалгъэ. (Хьэндыркъуакъуэ)

ЛъэщIабгъуэ, щхьэ гъуанэ, щIыбышэ, пэ шия. (Къуб­гъан)

МафIэм имыс, псым имытхьэлэ. (Мыл)

Махуэ псом къекIухьри   пщыхьэщхьэм   бжэкъуагъым къуогъуэлъхьэж.  (Жыхапхъэ)

Махуэм къолъых, жэщым долъей. (Джэд)

Махуэм лы гулъэ, жэщым гунэщI. (Вакъэ)

Махуэм Iэтэ, жэщым лъэнтхъуий. (ТепIэнщIэлъын)

Мэзым ибгъу, вым и бгъуитI. (Выуэч)

Мэзым къыщрабзэ, бзэмыIум къыхуахь. (Выуэч)

Мэзышхуэ, мэзышхуэ и щIагъ мэз цIыкIу, мэз цIыкIу и щIагъ лыд, лыд и щIагъ пыф, пыф и щIагъ щIам, щIам и щIагъ щIакъ, щIакъ и щIагъ Iуащхьэ. (Щхьэц, набдзэ, нэ, пэ, жьэ, дзэ, жьэпкъ)

Мэл хужь псы йофэ. (Дзэ)

Мэфий, мэкIий, хьэкъугъыр къреш. (Жьапщэ)

Модэ къикI лъакъуэ кIыхь, ди  унэ къихьэ   сэрэбжэн, хьэджафэнэ, фэрафибл, къуажибл къызэптами, мытын. (Къру)

МыкIуэф, мыфий, алащэ, щэныбэ. (Мэкъу Iэтэ)

НэджэIуджэ, тен джэдыгу цIыкIу зыщыгъ. (Дзыгъуэ)

НатIэрыдз, лъэрыдзын, уеуэ пэтми, мыуз. (Топ)

НэкIущхьэплъ-плъыжьыбзэ. (Шыбжий)

Нэрынэ-нэрынэ, нэрынэ пщыкIутI,   къуажэ   пщыкIут къызэптами, уэзмытын. (Лэпс)

Небэ-къебэу джабэм дэкI. (Бабыщ)

Псым и щIыIуми къандес, псым и щIагъми къандес, кунди-сынди къандес. (Бдзэжьей)

ПхъэцIыч, пхъэ чо, пхъэ кумылэ, пхъэ лъэдакъэ, щыхьым и бжьэ, бжьом и щIыб. (Фоч)

Пшэрым и уэд, уэдым и дагъэ. (Шыгъу)

Пщым и пIэщхьагъ тхъурыжь щIэлъщ. (ТхьэкIумэ)

ПщIэгъуалащхъуэ, куафэ щхъуантIэ, кумбым йопкIэ, къопкIэтыж. (Хьэндыркъуакъуэ)

Пыф-сыф лъэгубгъуэ, зразутI-лэтIинэ. (Iэжьэ)

Си пыIэжьым и мыуасэ, бын уасэ зышэч, уджурэ-уджурэ къоуджэкI. (ЦыкIуэкI)

Тхьэмпабгъуэ и къуэ лIы хъурей. (Къэб)

Тхьэмпабгъуэ и къуэ нэ хъурей. (МыIэрысэ)

TIyp къоплъэ, тIур къодаIуэ, тIум япхъуатэ, тIум ирахьэжьэри йожьэж. (Нэ, тхьэкIумэ, Iэ, лъакъуэ)

Уафэм щыкъарэ-щыкъарэ, щIылъэм щыкъэрэгъул, пхъэ гъурыкI щып. (Лыгъэ).

Уэ нэхъри нэхъ жэрщ, сэ нэхъри нэхъ жэрщ, жэкIи, ущIыхьэнукъым. (Жьы)

Уд бын ди бжыхь гъуанэ къыдоплъ. ((Шыбжий)

Уеплъмэ—банэ топ, и пэр умылъагъу. (Цыжьбанэ)

Уеплъмэ — гъуджэ, уеджэм —дэгу. (Мыл)

Унэ лъэгу лъэщI, Iэ мытхьэщI  нысащIэ.   (Жыхапхъэ)

Унэм икI, щIым икIыж. (Iугъуэ)

Фыз фIыцIэ нэгъуд, щIым дыд хэзыIу. (Уэшх)

Хадэм соплъэри къэб ныкъуэ солъагъу. (Мазэ)

Хьэ къаритI зэгъунэгъущ. (Нэ)

Хьэ хужьитI зэрошх. (Дзэ)

Хьэжыгъэ нэкIу, дэпкъ екIуэж. (Кхъузанэ)

Хьэлъэ темылъу бом щIэмыхьэ. (Бжэмышх)

Хьэуазэ и къуэ щIыбыбгъуэ. (ЩIакхъуэ)

Хьэщхьэжьей кIэлъэфщ. (Iуданэ зыфIэлъ мастэ)

ХьэщIэм ядэшхэ, шхалъэм дэпкIэж. (Бжэмышх)

ЦIыкIунитIэ, ятIэ хэпщ. (Ху)

Шууищэм зы шу къахоуэ. (Гухъу)

ЩабэрыкIуэ мэз кIуэрей. (Iэжьэ)

Ямыгуауэ хугу нэд, ямыдауэ дарий джанэ. (ШырыпI)

IэфIыр зыгъэдыдж, дыджыр зыгъэIэфI. (Шыгъу)

Iуащхьэ щIыб бгъитI щызэрошх. (Лэныстэ)

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Къуажыхь

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 1 066

Сообщить об опечатке

Текст, который будет отправлен нашим редакторам: