Псалъэжь: Узыр уэщынэкIэ къокIуэ, мастэнэкIэ мэкIуэж.
ПсынщIэрыпсалъэ: Лэныстэ-мастэ-къэбыстэ пIастэ.
ГушыIэ: Сылэжьэнщ жысIати, мыбыи Интернет щыIэщ…
Къуажыхь: IэфIыр зыгъэдыдж, дыджыр зыгъэIэфI. (Шыгъу)

УздэщыIэр

Къэплъыхъуэр

Илэ и шыплIэ пылимотыжьыр

Илэ и шыплIэ пылимотыжьыр-minУэлэхьи, щIалэ, дэри зыдмыгъэпIий щхьэкIэ, пэкIэ псы дефэу дыхэмыта а за-уэ кIуам! Сэри жысIэжын си куэдыкIейщ, псалъэ кIыхь сфIэфIкъым ахъумэ. Ухуейм уи фIэщ щIы, ухуэмейм умыщI, ауэ, Илэ жаIамэ, и цхьэфэцыр мытэджу зы нэмыцэ хэтакъым а зауэшхуэм и кIыхьагъкIэ. Си шыплIэ пылимотыр згъэуа нэужь, «уэлэхьи, ар зи шыплIэ пылимот къэуэкIэр Илэм!» жаIэу адэкIи мыдэкIи сыкъыщацIыхурт. «Си фэеплъу зехьэ!»— жиIэри Бидонэм къызитауэ арат а шыплIэ пылимотыр.
НтIэ, йоуэр аби, къэрал гъунэм дыщрагъажьэри, пирот жаIэм дыкърагъэкIуэтым, пирот жаIэм дыкърагъэкIуэтурэ, Днепр жыхуаIэ псыхьым дыкъэсащ. Ди ротэм и зэхуэдитIырат къэнэжари, псым къикIщ аби, пэзицэ гъэхьэзырам зытрагуэшащ: сэ си шыплIэ пылимотыжьыр хьэлъэIуэти, я ужь сыкъинауэ сыкъэсри, Днепр пхъэ закъуэ лъэмыж телъти, сыкъикIащ. СьжъикIри, сыкъэувыIэщ аби, тхьэ сIуащ:
— Тхьэр нахуэу зыгъэпцIа ИлэкIэ фыкъызэджэ, сэ а гъуэгу мыгъуэ ежьа нэмыцэм зы хэщIыныгъэшхуэ хэзмылъхьауэ мы лъэмыж кIапэр сыутIыпщым!— жысIэри.
Апхуэдэу тхьэ сIуэри, си шыплIэ пылимотыжьыр къызэфIэздзэщ аби, дзэ фIыцIэ къакIуэм сахэплъэу сытIысащ. Ротнэм сыкъилъыхъуэри, сыкъы-щимыгъуэтым, Iэкопэм зэриту къоджэ:
— ШыплIэ пылимотчик Илэ, нэ пэзицэм!—жи.
Сэ си тхьэкIумэм цIыв изгъэпщхьащи, цIутI жысIэркъым.
— ШыплIэ пылимотчик Илэ!—жери, къоув аби, къоджэ.
Зызгъэхъейркъым.
— Тэварыщ Илэ!— жери ещанэуи къоджэ.
ЦIутI щыжызмыIэм, «уэлэхьий, шыплIэ пылимотчик тэварыш Илэ псэужу къыщIэкIынкъым, ахъумэ зыгуэркIэ зыкъыдигъэщIэнтэм!» жаIэри, ротэр иу-выкIщ аби, Iэгу ущIакIэ дыуэ къыстращIэри, щхьэж и пIэ итIысхьэжащ.
АпщIондэху дзэ фIыцIэри къос. Къэсыр пхъэ закъуэ лъэмыжым къытохьэри къокIуэ, къыкIэлъысыр къыкIэлъытоувэри къыкIэлъокIуэ, сэри цIутI жызмыIэу къызогъакIуэ. КIапсэлъэрышэу къыздэкIуэм, сэлэт пашэр лъэмыж кIыпэм къызэрысу, и натIэгум изубыдэри сеуащ — абы и натIэм техуа шэр я ужь дыдэ къитым и щхьэпхэтIыгумкIэ щыпхыкIыжри, фриц защIэу щитIым щIигъун къытехьат а пхъэ закъуэ лъэмыжми, псэ зи Iэдэм къытемынэу псори псым хэхуащ, жьгъумпI жиIэу. ЕтIуанэ гупыр къытехьэри, ар дыдэр ясщIащ. Дыдейхэм сызэрыпсэур къагурыIуэри ягу къызэрыгъуэтыжауэ мэкIий, мэ-гуфIэ. Апхуэдэурэ си шыплIэ пылиметым зы пIэтIрон къимынэжыхукIэ, а лъэмыжым къытехьэу хъуар езгъэпсыхащ.
ШыплIэ пылимотышэр сыуха нэужь, сыкъэтэджрэ сыплъэмэ — нэмыцэм я кIэр щиухыр умылъагъуу къокIуэ.
— Е гъуэгу мыгъуэм ежьэн, мыпхуэдиз фрицыр къыздикIыр дэнэ!— жысIэри, лъэмыжым къикIхэм сапэуващ, Iэ ижьымкIэ сэшхуэр сIыгъыу, Iэ сэмэгумкIэ мозыр кIэрахъуэр сIыгъыу. Къэсым сеуэм, и щхьэр пызгъэхуурэ си сэшхуэдзэмрэ сэшхуэ тIыгумрэ зэхуэдэ хъужыху сризэуащ. ПимыупщIыжыххэ щыхъум, сэшхуэр хыфIэздзэри, мозыр кIэрахъуэмкIэ сахэуэу щIэздзащ: зэ сыуэм, зыбгъупщI зэуэ псым хэхуэрт, жьгъумпI жиIэу. ПщIэнтIэпсыр къыспыхуу сешауэ, си кIэрахъуэшэри сыухауэ нэмыцэм къэкIуэн щагъэтащ.
Сэ фашистыдзэр сIэщIэуха си гугъа щхьэкIэ, аратэкъым; Iэказивэицэ, къэхъуауэ мы дзэр зымыгъакIуэр сыту пIэрэ жаIэри, кIэгъуанэжьыр къагъакIуэри сурэт ттрагъэх, сурэтыр Гитлер щрагъэлъагъукIэ, занщIэу сыкъецIыху. СыкъецIыхур аби, къахогубжьэ, къахогъуагъуэ:
— Сыхьэт мыгъуэм ежьэн инэрал гуп, мы псы икIыпIэм деж къэтIысауэ къыIусыр шыплIэ пылимотчик Илэщ!— жи.— Мыбдежым си дзэр евгъэзауэ щIыIувгъэкIуадэр сыт? КъыIуфшыж иджыпсту!— жиIэри Iуригъэшыжауэ арат.
Сэ а псор дэнэ щысщIэнт абы щыгъуэ: «Шыкурыр азалыхьым ейщ: сыуха хуэдэщ мы гъуамэхэр!»— жысIэри, сытIысри зызгъэпсэхуащ. Сышха-зызгъэпсэхуа нэужь, сигу къокI: «Уэлэхьэ, мы нобэ къысIэщIэукIар бжамэ хъунтэм: хэт ищIэн, псэууэ дыкIуэжмэ, тIуэтэжынщ»,— жысIэри, сыкъэтэджщ аби, псым кIартIузу тесыр, къамышыпэкIэ сытеIэбэурэ, збжащ: псым Iуихамрэ щIилъэфамрэ зыхуэдизыр тхьэм ещIэ, ауэ, ахэр хэмыту, пыIэ миниплIрэ пыIэ щиплIрэ пыIэ плIыщIрэ пыIиплIрэ псым кIэрахъуэу тесу къэзбжащ. Си гъусэхэм яукIар псым адрыщI щызэтелъти, ар хэзбжакъым, ауэ ари мы сэ сыукIам къызэрыкIэрыху щIагъуэ щыIэтэкъым.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Таурыхъхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 120

Сообщить об опечатке

Текст, который будет отправлен нашим редакторам: