Псалъэжь: Выри лъэщ дыдэщ — къаубыдри щIащIэ.
ПсынщIэрыпсалъэ: Пыжь пызу пыту жыг.
ГушыIэ: Ахъшэм зэ иухын щIедзэ, зэм щIидзэн еух.
Къуажыхь: Хьэ хужьитI зэрошх. (Дзэ)

Къэплъыхъуэр

ХьэфIыцIэ Мухьэмэд

(1946)

ХьэфIыцIэ МухьэмэдТхакIуэ, журналист, общественна лэжьакIуэ цIэрыIуэ ХьэфIыцIэ Мухьэмэд Мусэбий и къуэр 1946 гъэм мартым и 30-м Бахъсэн районым щыщ Зеикъуэ къуажэм къыщалъхуащ. Я къуажэм дэт курыт еджапIэр 1965 гъэм къиухри КъБКъУ-м и историко-филологическэ факультетым щыщ адыгэ-урыс отделенэм щIэтIысхьащ икIи ар къиухащ 1970 гъэм.

Щеджэ зэманхэм тхэным гу хуэзыщIа щIалэр общественнэ лэжьыгъэхэми хэша хъуащ, литературнэ сотрудникыу зригъэгъуэта IэщIагъэми хигъахъуэ зэпыту екIуэкIащ. Мухьэмэд Къэбэрдей-Балъкъэрым и общественно-политическэ, культурнэ гъащIэм жьщжэру холэжьыхь. Ар щытащ «Университетская жизнь» газетым (1968-1972) и редактору, «Советская молодежь» газетым и ответственнэ секретару; редакторым и заместителу (1973-1978), «Iуащхьэмахуэ» тхылъ тедзапIэм художественнэ литературэмкIэ и редактору (19781982), «Точка зрения» журналым и отвественнэ секретаруи и редактор нэхъыщхьэуи (1982-1991). Мухьэмэд

1991гъэм и ноябрь мазэм щыщIэдзауэ 1997 гъэм и октябрым нэсыху Республиканскэ газет-журнал издательствэм и директору лэжьащ.

Мухьэмэд илъэс куэдкIэ «Хэку» обществэм и Къэбэрдей-Балъкъэр къудамэм (отделенэм) и Президиумым хэтащ, 1990-1993 гъэхэм КъБР-м и совет Нэхъыщхьэм и депутату щытащ. Лэжьыгъэм псэ хьэлэлкIэ зэрыбгъэдэтыр кърибгъэлъэгъуэну ирикъунщ ар конкурс, саугъэт зыбжанэхэм я лауреат зэрыхъуари: Художественнэ агитбригадэхэмкIэ Россиепсо конкурсым (1964 гъэ, Москва); КъБР-м и профсоюз Щхьэхуитхэм я саугъэтым («Лучший журналист года» 1992) и лауреат; КъБР-м и Журналистхэм я союзым и саугъэтым и лауреат (1994 гъэ).

ХьэфIыцIэ Мухьэмэд 1996 гъэ лъандэрэ АМ(Ч) АН-м (Адыгэхэм я дунейпсо щIэныгъэхэмкIэ академием) и член-корреспондентщ, иджы и академикщ. А гъэ дыдэм и декабрь мазэм щыщIэдзауэ Дунейпсо черкесскэ фондым и секретарь лэжьыгъэри хамэ къэралхэм запыщIэнымкIи егъэзащIэ, председательш и чэнджэщэгъущ.

Печатым щиIэ зэфIэкIым къыхэкIыу абы 1997 гъэм и январь мазэм «КъБР-м щIыхь зиIэ и журналист» цIэ лъапIэр къыфIащащ. Абы имызакъуэуи, ХьэфIыцIэ Мухьэмэд и тхьэмадэщ (Международнэ) Къандурым и цIэкIэ щыIэ саугъэтхэр зыт комиссэм. Ар хэтщ США-м (Чикаго) щызэхэт кавказоведческэ обществэм.

1997 гъэм и октябрь мазэ лъандэрэ «Адыгэ псалъэ» газетым и редактор нэхъыщхьэщ.

ХьэфIыцIэ Мухьэмэд и щхьэкIи и цIэкIи и тхыгъэкIи къыщацIыху адыгэ зыщыпсэу къэрал куэдхэм икIи и тхыгъэхэр щытрадзэу щытщ «Зэкъуэшыныгъэ» (Мейкъуапэ) журналым, «Литературная Россия», «Неделя», «Известия», «Аль-Уахьэ» (Иордания); «Кавказоведение» (Чикаго, США), «Кавказ», «Нартлери сес» (Тырку) газетхэм, нэгъуэщIэсэми.

Мухьэмэд поэтическэ, прозаическэ, публицистическэ тхыгъэ пщыкIуийм языныкъуэхэр и IэдакъэщIэкIщ, языныкъуэхэри зэхэзыгъэувар аращ. Абыхэм ящыщу блыр нэгъуэщI къэралхэм щыпсэу адыгэхэм теухуа публицистическэ, критическэ, къэхутэныгъэ тхыгъэхэр зэрыт тхылъхэщ.

Абы общественнэ лэжьыгъэхэм зыкъыдигъахуэурэ, газети къыдегъэкI, тхылъи етх. Псалъэм папщIэ, ар и учредителщ икIи и редактор нэхъыщхьэщ «Черкесское зарубежье» газетым.

Абы имызакъуэуи Мухьэмэд Къэбэрдей-Балъкъэр Республикэ телевиденэм щрегъэкIуэкI мыпхуэдэ нэтынхэр: «Черкесское зарубежье» (1978 гъэ лъандэрэ), «ХьэщIэщ» (1986 гъэм щыщIэдзауэ). Мухьэмэд американскэ къалэ Стиллуотер (Оклахомэ) штатым щIыхь зиIэ гражданинщ, КъБР-м Мамырыгъэр ХъумэнымкIэ комитетым и лIыкIуэщ.

            ХьэфIыцIэ Мухьэмэд Урысей Федерацэм и Журналистхэми, ТхакIуэхэми я союзхэм хэтщ.


Щыуагъэ гуэр къэбгъуэтам, чэм Iам, е нэгъуэщI гуэрхэри хэгъэхьэн хуейуэ къэплъытэм, хъыбар дыгъащIэ. Уэри уиIэм, къытхуегъэхь, е къыщыдгъуэтыфыныр къыджеIэ.

Уи цIэр:

E-mail:

*ТхакIуэм, усакIуэм, актерым е уэрэджыIакIуэм и цIэр:

*И гъащIэмрэ лэжьыгъэмрэ теухуауэ:

И сурэтыр:

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр:

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 77

Сообщить об опечатке

Текст, который будет отправлен нашим редакторам: