Псалъэжь: ЗылъэкI и джатэ кIыхьщ.
ПсынщIэрыпсалъэ: Лэныстэ-мастэ-къэбыстэ пIастэ.
ГушыIэ: Псы емыжэхым, бдзэжьейр къыхэпхынукъым.
Къуажыхь: Ди чэтым щынэ хужь щIэзщ. (Жьэ, дзэ)

Къэплъыхъуэр

ЩоджэнцIыкIу Iэдэм

(1916-1995)

ЩоджэнцIыкIу IэдэмАдыгэ лъэпкъ культурэм хэлъхьэкыгъэ хуэзыщIахэм ящыщщ ЩоджэнцIыкIу Iэдэм. Хэку зауэшхуэм и пэкIэ къыщIедзэ абы и литературнэ лэжьыгъэм. Тхылъ куэд и Iэдакъэ къыщIэкIащ Iэдэм. Абыхэм ящыщ куэд нэгъуэщI лъэпкъыбзэхэмкIи зэдзэкIауэ дунейм къытехьащ. Iэдэм ди литературэм хилъхьащ езым и темэрэ и гупсысэрэ. ЩоджэнцIыкIу Iэдэм и усыгъэхэр ди нобэрей гъащIэм поджэж, гупсысэ жанхэмкIэ гъэнщIащ, ахэр адыгэ усэм и фIыпIэм хабжэ.

ЩоджэнцIыкIу Iэдэм Угъурлы и къуэр Бахъсэн районым щыщ Кушмэзыкъуей къуажэм 1916 гъэм къыщалъхуащ.

1926 гъэм Iэдэм къуажэм дэт пэщIэдзэ еджапIэм щIотIысхьэ. Ар къеухри, зы илъэскIэ колхозым щылэжьа нэужь, щIотIысхьэ Налшык дэт Ленинскэ еджапIэ къалэ цIыкIум. Ар 1936 гъэм къиуха нэужь, Къэбэрдей-Балъкъэр пединститутым щIотIысхьэри илъэсищым къеух, икIи занщIэу ар Дыгулыбгъуей къуажэм макIуэ егъэджакIуэу. Ар абы щолажьэ илъэсрэ ныкъуэрэ нэблагъэкIэ.

ЩоджэнцIыкIу Iэдэм 1939 гъэм ТхакIуэхэм я союзым хагъэхьащ.

1941гъэм ноябрь мазэм щыщIэдзауэ къызэрыгуэкI зауэлIу кавалерийскэ дивизэм хэту мэзауэ. Зауэ IэнатIэм здыIутым Iэдэм зэхуэдэу егъабзэ фочри къалэмри. Iэдэм зауэлI гъуэгуанэ кIыхь зэпичащ. Ар яхэтащ Кавказыр, Украинэр, Молдавскэ щIыналъэхэр хунт къэзыщIыжа зауэлIхэм, адэкIэ Румынием, Венгрием, Австрием, Чехословакием и къалащхьэ Прагэ нэсащ.

Зауэ нэужь илъэсхэм Iэдэм къулыкъу зыбжанэ зэблихъуащ, общественна лэжьыгъэшхуэ иригъэкIуэкIащ.

1947гъэ пщIондэ ар Къэбэрдей-Балъкъэр щIэныгъэкъэхутакIуэ Институтым литературэмрэ IуэрыIуатэмкIэ и секторым и унафэщIу мэлажьэ, 1947-1951 гъэхэм педагогическэ институтым и егъэджакIуэщ. 1954 гъэм Iэдэм хах республикам и ТхакIуэхэм я союзым и правленэм и тхьэмадэу. 1955-1956 гъэхэм Къэбэрдейм культурэмкIэ и министрщ. 1965-1970 гъэхэм ЩоджэнцIыкIу Iэдэм «Iуащхьэмахуэ» журналым и редактор нэхъыщхьэщ.

Iэдэм Къэбэрдей-Балъкъэрым и Верховна Советым и депутату, мамырыгъэр хъумэнымкIэ республика комитетым и председателу куэдрэ хахащ. Республикам и жылагъуэ-политикэ гъащIэм жыджэру хэтащ Iэдэм, дунейм ехыжыху. Апхуэдэуи усакIуэ ныбжьыщIэхэм ядэIэпыкъурт, и нэIэ ятригъэтт, иущийрт.

Iэдэм и усэхэр лиризм къабзэкIэ псыхьащ, абы и лирическэ лIыхъужьыр лэжьыгъэ IэнатIэм бгъэдэт цIыху гуащIафIэщ.

Поэзием и жанрхэм я мызакъуэу Iэдэм купщIафIэу щылэжьащ прозэми. Iэдэм и повестхэм къыщыIэтащ адэ-анэхэмрэ еджапIэхэмрэ гъэсэныгъэм зэрыбгъэдэтыр, зэрыхущытыр, щIалэгъуалэхэмрэ нэхъыжьхэмрэ я зэхущытыкIэр. ЩIалэгъуалэм зыпэщIэхуэ лъэпощхьэпохэм ебакъуэурэ зэрызиукъэбзым, я гупсысэр бзыгъэ зэрыхъум набдзэгубдзаплъэу кIэлъоплъ авторыр. Абы и повестхэри и щыхьэтщ, лъэпкъ литературам лирическэ прозэкIэ дызэджэр зэрыщызэфIэувэм. Ди зэманым узыгъэпIейтей Iуэхугъуэ къэхъухэм, цIыхухэм яку къыдэхъуэ, зэхущытыкIэ мытыншхэр къэгъэлъэгъуэным теухуащ Iэдэм и рассказхэри.

ЩоджэнцIыкIу Iэдэм ди литературэм хуищIа хэлъхьэныгъэшхуэм папщIэ 1969 гъэм къыфIащ «Къэбэрдей-Балъкъэрым и цIыхубэ усакIуэ» цIэ лъапIэр, 1976 гъэм Iэдэм къыхуагъэфэщащ Трудовое Красное Знамя орден.

Iэдэм усакIуэ, тхакIуэ, драматургыу щыт къудейм и мызакъуэу ар зэдзэкIакIуэ Iэзэт. Абы адыгэбзэкIэ зэридзэкIащ У. Шекспир, А. Пушкин, Т. Шевченкэ, В. Маяковский, К. Хетагуров, С. Есенин, Н. Тихонов, А. Твардовский сымэ, нэгъуэщТхэми я тхыгъэ куэд.

 ЩоджэнцIыкIу Iэдэм дунейм ехыжащ 1995 гъэм майм и 4-м. Ар щыщIалъхьэжащ къыщалъхуа Кушмэзыкъуейм.


Тхылъ щхьэхуэхэмрэ тхыгъэхэмрэ

 АдыгэбзэкIэ
Гухэлъ усэхэр. Н., Къэбэрдей къэрал тхылъ тедзапIэ, 1951.
Софит и гъатхэ. Повесть. Н., Къэбэрдей къэрал тхылъ тедзапIэ, 1955.
Софят и гъатхэ. Повесть. Н., Къэб.-Балъкъ. тхылъ тедзапIэ, 1962.
Гумызагъэ. Усэхэр. П., Къэб.-Балъкъ. тхылъ тедзапIэ, 1958.
Гъуэгуапэ усэхэр. Н., Къэб.-Балъкъ. тхылъ тедзапIэ, 1961.
Уэлбанэ дыгъэ. Повесть. Н., «Эльбрус», 1966.
Бгыщхьэ мафIэ. Усэхэмрэ поэмэхэмрэ. Н., «Эльбрус», 1968.
Лъагъуныгъэ, лIыгъэ нэсыр. Пьесэ. Н., «Эльбрус», 1970.
Уи цIэр фIэсщынщ. Повесть. Н., «Эльбрус», 1970.
Уи цIэр фIэсщынщ. Повесть. Н., Н., «Эльбрус», 1973.
ЩIылъэ гуапэ. Усэхэр, поэмэхэр. Н., «Эльбрус», 1974.
ГурыфIыгъуэ. Усыгъэхэр. Н., «Эльбрус», 1977.
Щхьэгъубжэ нэху. Повесть. Н., «Эльбрус», 1981.
Щхьэгъубжэ нэху. Повесть. Н., «Эльбрус»,1985.
Тхыгъэхэр. Томищым щызэхуэхьэсауэ. Н., «Эльбрус», 1987-1989.
Повестхэмрэ рассказхэмрэ. Н., «Эльбрус», 1989.
Уэрэд мыух. Н., «Эльбрус», 2001.

УрысыбзэкIэ
Здравица дружбы. Стихи и поэмы. Н., Кабард. — Балкар, кн. изд.-во, 1957.
Весна Софият. Н., Кабард. — Балкар.кн. изд.-во, 1958.
Восхождение. Стихи. Поэма. М., «Советский писатель», 1959.
От сердца к сердцу. Стихи. М., «Советская Россия», 1962.
Солнце перед ненастьем. Повесть. Н., «Эльбрус», 1964.
Весна Софият. Повесть. М., «Советская Россия», 1968.
Назову твоим именем. Повесть. Пер. с каб. М. Дальцевой и Н. Отарова. М., «Сов. писатель», 1970.
Весна Софият. Повесть, пер. с каб. М. Киреева. Н., «Эльбрус», 1972.
Тебе мой друг. Стихи и поэмы. М., «Художественная литература», 1973.
Земная радость. Стихи и поэмы.- «Сов. Россия», 1977.
Огонь негасимый. Стихи и поэмы. М., «Сов. писатель», 1977.
След в сердце. Стихи и поэмы. М, 1980.
Солнечный разлив. Стихи и поэмы. Н., «Эльбрус», 1980.
Дороги. Стихи и поэмы. М., «Современник», 1981.
Избранные поэтические произведения в 2-х томах. М., «Гослитиздат», 1981.
Поющее зерно. Стихи и поэма. М., «Сов. писатель», 1981.
Повести. Н., «Эльбрус», 1986, с. 272.
Поющее зерно. Стихи. Поэма. М., «Сов. писатель», 1986.


Щыуагъэ гуэр къэбгъуэтам, чэм Iам, е нэгъуэщI гуэрхэри хэгъэхьэн хуейуэ къэплъытэм, хъыбар дыгъащIэ. Уэри уиIэм, къытхуегъэхь, е къыщыдгъуэтыфыныр къыджеIэ.

Уи цIэр:

E-mail:

*ТхакIуэм, усакIуэм, актерым е уэрэджыIакIуэм и цIэр:

*И гъащIэмрэ лэжьыгъэмрэ теухуауэ:

И сурэтыр:

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр:

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 192

Сообщить об опечатке

Текст, который будет отправлен нашим редакторам: