Псалъэжь: Iэжьэгъур яукIри, зэрыукIитIыр зэбгъэдэкIыжащ.
ПсынщIэрыпсалъэ: Набдзэ и бдзапцIэр егъэцIу.
Къуажыхь: Махуэм лы гулъэ, жэщым гунэщI. (Вакъэ)
ГушыIэ: Щхьэр узым - пфIэтщ.

Ирегъагъэ къудамэщIэр!

Гугъуэт Заремэ

Гугъуэт Заремэ

КъБКъУ-м филологиемкIэ и инс титутым адыгэбзэмрэ литературэмкIэ и къудамэм щоджэ 1988 гъэм Къармэхьэблэ къуажэм къыщалъху а Гугъуэт Зареми.

«КъудамэщIэ» тхылъым итщ Заремэ и усэ зыбжанэ. Абы и тхыгъэхэм къагъэнаIуэ гъащIэм, дунейм плъыфэ зэхуэмыдэхэр зэраIэр, гъащIэр фIы защIэу е Iей къудейуэ зэрызэхэмылъыр, а псори дунейм щызэхэзэрыхьарэ щызэгъусэу къызэрекIуэкIым зэрегупсысыр, гъащIэр къэзыгъэщIыжри а зэгъусэныгъэр зэрыарар къызэрыгурыIуэр. Апхуэдэ гурыIуэныгъэм усэхэр гъэщIэгъуэн ещI.

Заремэ зытепсэлъыхьхэр, зэ еплъыгъуэкIэ, дунейм и къэхъукъащIэ къызэрыгуэкIхэр, цIыхум махуэ къэс дэтлъагъу и шыфэлIыфэ, гурыщIэхэр арами, абыхэм гупсысэ узыншэхэр, куухэр къахелъагъукIыф.

Дунейр сфIэцIыкIущ,

КуэдыIуэ мэхъур пцIыр…

 

ЗанщIэу догупсыс: «Сыт дунейр щIэцIыкIур?» — жыдоIэри икIи усакIуэм и псалъэр мытэмэму къытщыхъуныр зыхуэIуа щыIэкъым. Ауэ къыкIэлъыкIуэ сатырхэмкIэ дегъэлъагъу «дунейр цIыкIуу» усакIуэм къыщIилъытэр. Пэж дыдэуи, ди зэманым пцIыуэ зекIуэм дунейр йоцIыкIуэкI:

 

«КуэдыIуэ мэхъур пцIыр».

 

АтIэми, дигу дигъэухыжыркъым усакIуэм, мыпхуэдэ сатырхэмкIи дегъэфIэж:

 

Ауэ солъагъу:

ЩызокIуэ пэжи щIым,

Абы и щIагъ

ЩIэкIуэдэжынкъэ пцIыр…

 

Мыбдеж щапхъэу къэсхьа мащIэми къегъэнаIуэ Заремэ усакIуэ гупсысэкIэфI зэриIэр. Ар яхыболъагъуэ адрей усэхэми.

«ЗыкъэщIэж» усэр цIыхум иIэн хуей нэмысымрэ напэмрэ тегъэпсыхьащ. Напэм епцIыжыным нэхърэ нэхъ тхьэмыщкIагъэ цIыхум зэримыIэм щыхьэт тохъуэ мыпхуэдэ сатырхэр:

 

Сыт уи напэм епщIэжар, тхьэмыщкIэ?

Щхьэ захуагъэр бжэм дебгъэпIытIа?

 

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7 8 9

Зыхыхьэр: Бэрбэч Аслъэнджэрий, Гугъуэт Заремэ, Жамбэч Рабия, КIарэ Альбинэ, Къаныкъуэ Анфисэ, КъуэщIысокъуэ Марьянэ, Къэзан ФатIимэт, Нартокъуэ Анжелэ, ХъыбарыщIэхэр, Хьэх Сэфарбий, Щомахуэ Залинэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 747

Сообщить об опечатке

Текст, который будет отправлен нашим редакторам: