Псалъэжь: Тхыдэр дерс хэкIыпIэщ.
ПсынщIэрыпсалъэ: Зазэ и зэзыр зэзэмызэ мэуз.
Къуажыхь: Къэрабэу плъыфэ, уафэм едзэкIа. (Лэгъупыкъу)
ГушыIэ: ЩIалэм пыIэ къигъуэтащ. Хуэхъупсуращ.

Абрэджхэр (Хъыбарыжь)

ЦIыхубзыр щIэкIыжащ, хъарбызыр щIихыжри. ЕтIуанэ хъарбызри игу ирихьакъым щIалэм:
— Мыри хъуакъым, хъуа къытхуэхь.
Ещанэри щIригъэхыжащ. ЦIыхубзри увыIакъым, «къэхь» жиIэху, къихьащ…
— Уи щхьэгъусэм хъарбызыр хъуарэ мыхъуарэ къыхуэщIэркъыми, — жаIащ абрэджхэм, — накIуэ, дэ дыхэплъэнщ.
ЩIалэри ящIыгъуу абрэджхэр амбарым щIыхьащ. Зыхэплъэн щIэлътэкъым амбарым: зы хъарбыз закъуэт щIэлъыр, арат щIэчэ имыIэу къахуихьри…
— АргуэрыжьымкIэ укъыттекIуащ, — жиIащ абрэджхэм я тхьэмадэм.
ЦIыхубзыр къриджэри еупщIащ:
— Уи лIым мыпхуэдиз нэмыс щIыхуэпщIыр къызжеIэ.
ЛIыжьым и нысэм жэуап ет:
— Гъеишхуэ щыхъуа гъэр фщIэжу къыщIэкIынщ. Абы щыгъуэ сэ сыхъыджэбз дэст. Унэм тшхын илътэкъыми, си нысэм сэрэ губгъуэм дыкIуэуэрэ щIэрыкIуэ къэтхьырт. Си нысэр уэндэгъушхуэт, нобэ-пщэдейт… Зэгуэр, щIэрыкIуэхьэ дыкъикIыжу, си нысэм къытелъэдащ. ЦIыхубзитIым ди закъуэщ. Жэщ къыттехъуащ. И нитIыр къилыдыкIыу дыгъужь нэщIа къытпэтIысащи, дунейм къытехьэнум поплъэ, зыIуригъэлъэдэн хьэзыру. Сэ къурагъкIэ дыгъужьым сыхуолъ, арщхьэкIэ зигъэхъейркъым: къалъхунум поплъэри щысщ. ЩIалэ цIыкIу къалъхуащ. СыгуфIэри сыкIиящ: «ЩIалэ къытхуалъхуащ!» — жысIэри. Ар щызэхихым, дыгъужьым IуигъэзыкIащ… Абы лъандэрэ сигу изубыдащ: «ЦIыхухъум я нэхъ мыгъуэми пщIэ хуэсщIынщ», — жысIэри. Дыгъужьрэ пэт цIыхухъум пщIэ хуищIащ, сэ сыт щхьэкIэ хуэзмыщIынрэ?..
ЛIыжьым фIашха вым и уасэу яшхэр къыхуагъанэри, абрэджхэр лъэсу дэкIыжыгъащ а пщIантIэм.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3

Зыхыхьэр: Вагъуэ цIыкIу, Хъыбарыжьхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 607

Сообщить об опечатке

Текст, который будет отправлен нашим редакторам: