Псалъэжь: Лы зышхар лэпс йофэж.
ПсынщIэрыпсалъэ: Зазэ и зэзыр зэзэмызэ мэуз.
Къуажыхь: Зызымыгъазэу мэзым щIэкI. (Фочышэ)
ГушыIэ: ПсынщIэу къэпщтэжар емыхуэха хуэдэщ.

ЗэщIэмыкъуэ

Мусэ пIэм къитэджыкIащи,

Жейбащхъуэнэм щIоIуэтыхь.

И щыгъынхэр фIэкIуэдащи

Пэшу яIэр къелъыхъухь.

Мис ар къуоплъэ я бжэ къуагъым,

И гъуэншэджыр къыкъуехыж,

Щопэщащэ шэнтжьей щIагъым,

И лъэпэдхэр къегъуэтыж.

ПшДэншэу фIокIуэр и зэманыр,

И школ кIуэгъуэр къэсыпащ.

Дэнэ кIуэнкIэ хъуа и джанэр?

Плъэт — сыхьэтыр им техьащ.

ИщIэн лъэпкъи имыщIэжу

Мусэ цIыкIур гужьеящ,

И батинкIэр щIэлъ фIэщIыжу

И пIэ дыдэм щIэплъэжащ.

Дыщытынкъым дэ апхуэдэу,

Муси быдэу жетIэжынщ:

Здэтхьыр тщIэжу, тфIэмыкIуэду

Ди хьэпшыпхэр зетхьэфынщ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, усэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 216

Сообщить об опечатке

Текст, который будет отправлен нашим редакторам: