Псалъэжь: ЩIакIуэ ныкъуэщIыр щыгъынкъым.
ПсынщIэрыпсалъэ: Пхъэр сошэр – пхъыр сошхыр.
ГушыIэ: Псы емыжэхым, бдзэжьейр къыхэпхынукъым.
Къуажыхь: Пыф-сыф лъэгубгъуэ, зразутI-лэтIинэ. (Iэжьэ)

Къэплъыхъуэр

ЗауэлIым и псылъэ

Илъэс щэщIкIэ щIым щIэлъауэ
ЦIыкIухэм псылъэ къагъуэтащ.
Псощ ар, зауэми къелауэ,
Псы итари зэритащ.
СыпIейтейуэ, соплъыр псылъэм,
Си гум жеIэ: «Хэт урей?
Псэууэ тету пIэрэ щIылъэм.
Е IэщIыб ищIа дунейр?
Къыщелатэм Курп лъагапIэм,
Уэ абы укъигъэнэнт?
Хуэмыхъуатэм абдеж лIапIэ,
Псылъэм псыри къыринэнт?..»
ХэмыщIами псылъэм итым.
Сигу, слъэмыкIыу сфIыхегъэщI…
Хэкум папщIэ гъащIэр зытым,
ЛIа нэужькIи, куэд къегъэщI.
А зауэлIыр дымыцIыхуми,
ЩIэлъщ и псылъэр школ музейм.
Абы кIуауэ щеплъкIэ цIыхухэр
ЩIогупсысыр мис ар зейм.
Я гущIэгъум щIыгъущ тхьэрыIуэр
Хуэфэщэну псэр зытам…
А зауэлIым мыр къыджиIэу
Хуэдэщ псылъэр къыдита:
«СолIэр сэ. Си цIэ къудеи
Къытезнэфыркъым дунейм,
КъэвмыщIэнкIэ хъунщ сызейри…
Мис си псылъэр, псы фыхуейм.
Зывгъэбыдэ, фигу сщIэгъуамэ.
Си псэр схъумэу сикIуэтынт?!
Сэ аргуэру стын хуей хъуамэ,
Хэкум папщIэ гъащIэр стынт».
Зэхызохыр сэ а макъыр,
Гур а макъым дыхолъэт.
Псылъэр зей зауэлIыр лIакъым,—
Псэухэм ноби ар къытхэтщ!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, усэ

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 366

Сообщить об опечатке

Текст, который будет отправлен нашим редакторам: