Псалъэжь: И къуэ фIэмылIу, илI фIэмыдахэу фыз щыIэкъым.
ПсынщIэрыпсалъэ: Зазэ и зэзыр зэзэмызэ мэуз.
Къуажыхь: Ди вы хужь цIыкIу шыгъу бэшхщ. (ДжэдыкIэ)
ГушыIэ: Махуэр ауэ кIуэдакъым.

Шэдыбжь

Йопщэ папщэу

Шэдыбжьыжьыр:

Пыху-пыху-пыху!

Йопщэ лъэщу

Шэдыбжьыжьыр:

Пыху-пыху-пыху!

Йопщэ

МафIэр зэщIэплъэхукIэ

Пыху-пыху-пыху!

Нал ящIыну гъущIыр

ПлъыхукIэ:

Пыху-пыху-пыху!

Епщэ, епщэ,

Шэдыбжьыжь:

Пыху-пыху-пыху!

Епщэ, епщэ,

Жьы ныбэжь:

Пыху-пыху-пыху!

ГъукIэр

ГъущIым

Йоплъри —

Плъащ.

Узри укъызэщIэплъащ:

Пыху-пыху-пыху!

ГъущIыр

Дэпым къыпэрех,

ГъущIым

Гъуэзыр къыщхьэщех.

ГъукIэм

ГъущIыр хеупIэщIыкI:

Дзу-дзу-дзу!

Нал дахэшхуэ

КъыхещIыкI:

Дзу-дзу-дзу!

Уэ уезэшкъым,

Шэдыбжьыжь:

Пыху-пыху-пыху!

Уэ уезэшкъым,

Уемышыж:

Пыху-пыху-пыху!

ТIэкIу увыIи

Зыгъэпсэху,

Шэдыбжьыжь,

Нал ищIахэр

Ипсыхьыху,

Пыху-пыху-пыху!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, усэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 188

Сообщить об опечатке

Текст, который будет отправлен нашим редакторам: