Псалъэжь: Мастэри саугъэтщи, махъшэри саугъэтщ.
ПсынщIэрыпсалъэ: Тебэ фIыцIэм ху пцIынэ цIынэ иупцIащ.
Къуажыхь: Ботэщ бгырыпх, тIыпх дэIэбэ. (Жыхапхъэ)
ГушыIэ: Сыт хуэдиз сымыщIа иджыри сымыщIэныр сыт хуэдиз

Мирэ мамэ и хъыдэзщ

Мирэ мамэ и хъыдэзщ,

И хъыдэз нэхунэ.

Iэмэпсымэу пхъуантэм дэз

ИIэщ а пыжьынэм.

Зы Iэпхъуалъэ, мастэпэбдз,

ЩIыгъуу мастэ цIыкIуи.

Мирэ мамэ и хъыдэзщ,

Мирэ удэджэгурэ!

Шэщ Мирэ шылэ хужь,

КъыхибзыкIыу джанэ.

БзэнкIэ ирикъуа нэужь,

Къещтэ и Iуданэр.

Гуащэ цIыкIум джанэ хуед,

Гуащэр пцIанэу екIурэ?!

ЕкIуу лъетIэгъэж лъэпэд,

Мирэ удэджэгурэ!

Мирэ мамэ и хъыдэзщ.

НапIэхэр игъалЬэу,

Псалъэу гуащэм ябгъэдэсщ,

Еджэрэ къигъаплъэу.

«АIей гущэ! ЕмыкIуIейщ —

Гуащэ лъабэр фIеи!»

Мирэ краным худоплъей,

Псы къабзабзэ хуейуэ.

Ар шэнтышхуэм ныдопщей,

Къещтэри псы фалъэ,

Гуащэм лъабэр къабзэкIей

НыхуещIыж епсалъэу.

Iэпэр ищIу Мирэ щысщ.

Гуащэхэр щэхубзэщ.

Ахэр псори йогупсыс

Ядж анэдэлъхубзэм:

«Мамэр — ар си мамэращ.

Мирэр — фоцIыхухэ.

ГурыIуэгъуэмэ аращ,

Сэ си хъыдэз цIыкIухэ».

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, усэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 561

Сообщить об опечатке

Текст, который будет отправлен нашим редакторам: