Псалъэжь: Гурымыкъ гурымыкъ и щIасэщ.
ПсынщIэрыпсалъэ: Жамыбгъэ бгъэгу хужь мэжьэгъуашхэ.
Къуажыхь: Жэщым Iэтэ, махуэм лъэнтхъуий. (Жьэгу мафIэ)
ГушыIэ: Си нэм езгъэплъати, азбукэр зэзгъэщIэну къызжаIащ.

ЕгъэджакIуэ

ЕгъэджакIуэСоцIыху сэ егъэджакIуэ,
ЦIыху дахэ сэ соцIыху.
Къэгъуэтыгъуейщ нэхъ жьакIуэ,
Нэхъ хэзыщIыкI зи Iуэху.

И щэхухэм тхэн IэщIагъэм
КъысхуищIмэ сэ и гугъу, —
Уэгу къащхъуэм сихьэу вагъуэ
Къисхыну си гур мэхъу.

Анэдэлъхубзэрщ и псэр,
Ар хэти щещI гунэс.
Лъэпкъ тхыдэр тету набдзэу
КъэкIуэнум йогупсыс.

Яхоплъэ щIэблэ къэхъум,
Яретыр Iэзэу дерc.
КъахэжаныкI илъагъум —
КъыфIокIуэр гуфIэ нэпc.

Къиплъамэ зэ уи нэгум —
ИщIэнкъым уи псэм пcэху. …
СоцIыху сэ егъэджакIуэ,
ЦIыху дахэ сэ соцIыху!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, усэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 507

Сообщить об опечатке

Текст, который будет отправлен нашим редакторам: