Псалъэжь: Дыгъури дыгъущ, дыгъур щIэзыуфэри дыгъущ.
ПсынщIэрыпсалъэ: Шыбжииплъ, псы плъыжьыбзэ.
Къуажыхь: Хьэжыгъэ нэкIу, дэпкъ екIуэж. (Кхъузанэ)
ГушыIэ: Лейхэр псори - сабийхэм!

Ди хьэ цIыкIур

ХьэпшырДи хьэ цIыкIур бацэщ,
И нэр къыщIэмыщ.
Дызэреджэр Цацэщ,
Зэи ар дымыщ.
Цацэу ди нэIуцэ
Шэнтым долъеиф.
Ар лъакъуэ цIыкIуитIкIэ
Куэдрэ щытыфщ.
Цацэ еш имыщIэу
КIапсэхэм йолъэф.
Чыным хуэдэу псынщIу
ЗегъэкIэрэхъуэф.
Уи Iэр хуэпшиякIэ,
Шынэу зыIуимыдз,
Къодзэкъэну хэтуи
Лъакъуэм зыщIимыдз.
ХьэщIэ къытхуэкIуамэ,
ЩIопхъуэри доджэгу,
Ди бжэр ныхуэщIауи
Темыхуэхэ игу.
ЦIыкIухэм псоми ящIэ —
Цацэ джэгурейщ,
Хьэм къыхуэгумащIэу
Ахэр къэкIуэрейщ.
Нобэ зэблэуауэ,
Ягу къэмыкI къэкIуэн,
Цаци зэгуэпауэ,
Бжэ хуэщIам йобэн.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, усэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 225

Сообщить об опечатке

Текст, который будет отправлен нашим редакторам: