ПсынщIэрыпсалъэ: Шыбжииплъ, псы плъыжьыбзэ.
Псалъэжь: Бацэхэплъ нэплъэжыгъуэ егъуэт.
ГушыIэ: Сэ жысIахэр си Iуэхужщ, ауэ уэ зыхэпхар сщIэкъым…
Къуажыхь: Зи кIэр зылъэф, зи фэр зи бий. (Бажэ)

ЧыцI цIыкIу

ЧыцIЧыцI цIыкIур IэнакIуэщ,

Зыри шхэну хуимыт.

Къызэрынэу и закъуэ,

Ди бжэм Iуейуэ кIэрытщ.

Дыгъэр хуэму бгым къуохьэ,

Дадэ Iэщыр щIехуэж,

Си чыцI цIыкIур къытохьэ,

Iэнэ лъабжьэм къокIуэж.

Нанэ сэ къызошхыдэ,

Гъуэлъыжыгъуэр блэкIащ.

Дадэ ахэр имыдэу,

Iэщым плъэну щIэкIащ.

СыкъамыщIэу сэ зыми,

Нанэ деж сыгъуэлъащ.

СыздэщыIэр ямыщIэу,

Сыкъалъыхъуэу ежьащ.

Си чыцI цIыкIур къагъуэтыр,

Iэнэ щIагъым щыжейрт.

Сэри си нэр соIуэтыр.

Страхуауэ си жейр.

Гъуэлъыжыгъуэр къэсащи,

Мис аргуэру мэIуей,

ЧыцIыр унэм есащи

Iуэм итыну хуэмей.

Щыуагъэ къэбгъуэтам къыхэгъэщи ипIытIэ Ctrl+Enter.


Зыхыхьэр: Батыр Мухьэрбий, Вагъуэ цIыкIу, усэ

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 192

Сообщить об опечатке

Текст, который будет отправлен нашим редакторам: