Псалъэжь: НэрыIэзэ Iэпэзадэ.
ПсынщIэрыпсалъэ: Жамыбгъэ бгъэгу хужь мэжьэгъуашхэ.
Къуажыхь: ЗэкъуэшитI гъуэгунапщIитIым щопсэу. (Нэ)
ГушыIэ: Зыри жызмыIэм щыуэну къыщIэкIынкъым.

Хэт и хъупIэ?

Хэт и хъупIэДыгъужь ныбаджэр мэзым къыщIэкIащ. Зиплъыхьмэ, мэз лъапэм мэхъуакIуэри зы Щынэ тетщ. Щынэр ишхын мурад ищIащ Дыгъужьым.

Дыгъужьым (Щынэм зэхримыгъэхыу). Мы си насыпым къихьар елъ! Мыгъэрей щынэщ. Iэджэ щIауэ хэт ишхыжа щынэл! КIэ уэзмытмэ, сэ сыдыгъужькъым, Щынэ цIыкIу! (Щы­нэм щIокIие) Мы си хъупIэр щхьэ быутэрэ, напэншэ?

Щынэм. Уи хъупIэ сыутэркъым сэ. Мыр мэлыхъуэм и хъупIэщ.

Дыгъужьым. А мэлыхъуэ жыхуэпIэр дунейм къытехьатэкъым, сэ мы хъупIэр къыщызатам! Мы хъупIэр быутэну хэт хуит узыщIар? Ы?! Фэри фэ! Уи щIыб зэрахуэбгъазэу, узэIурадзэнурэ ежьэжынущ иджырей щынэхэр. ФызоцIыху сэ фэ!

Щынэм. ХъупIэр мэлыхъуэм ейщ. Мэлыхъуэм жесIэри сыкъэкIуауэ, сохъуакIуэ. Ууей сшхыркъым.

Дыгъужьым. Сысейщ пшхыр! Хьэрэм фIэкI фшхыркъым фэ лъэпкъым. Си хъупIэ укъыщытехьаикIэ, хьэрэмкъэ пшхыр?

Щынэм. Мыр узэрихъупIэмкIэ щыхьэт къэбгъэувыфыну?

Дыгъужьым. Мэзым хьэкIэкхъуэкIэу щIэсыр си шыхьэтщ.

Щынэм. АтIэ мыпхуэдэу дызэгурыгъаIуэ. Уи щыхьэтыр къыздэши, пщэдей къакIуэ. Сэри си щыхьэтыр къыздэсшэнщ. ЖыпIэр пэжмэ, узыхуейр къызэщIэ.

Дыгъужьым. Хъунщ. Aуэ, сыкъэбгъэпцIэнщи, къызжиIакъым жомыIэж.

Щынэм. ПцIы зыупсым сащыщкъым сэ.

ЕтIуанэ махуэм Щынэр хъупIэм кIуащ, мэлыхъуэхьэр здишэри. Хьэр пабжьэм хэтIысхьащ. Дыгъужьри къэ­сащ, Бажэр щIыгъуу.

Дыгъужьым. Мис си щыхьэ­тыр — Бажэм нэхъ щыхьэтыфI сыхуейкъым. Дэнэ щыIэ уи щыхьэтыр?

Щынэм. Си щыхьэтыр мо паб­жьэм хэсщ. ПцIы къыфхуиупсынукъым. Бажэми пцIы иремыупс.

Бажэм. ИгъащIэм пцIы сыупсакъым, тIасэ, сыупсуи си хабзэкъым. Мы хъупIэр Дыгъужьым зэреймкIэ тхьэ пхуэсIуэфынущ. Сызэрышыр лъандэрэ зэхызох мэз лъапэр Дыгъу­жьым и хъупIэщ жари. Мэлыхъуэм и цIэ ираIуэу зэхэсхакъым зэи. Лей епхащ Дыгъужьым, уекъуэншэкIащ.

Щынэм. АтIэ, жыпIэр пэжмэ, мо пабжьэм хыхьи, тхьэ Iуэ. ИтIанэ си фIэщ хъунщ жыпIэр.

Бажэм. СIуэм къыщызнэнкъым! (Пабжьэм хохьэ, хьэм Iуоплъэри щIэх дыдэ къыхоцIэфтыж, и фэр пыкIауэ) Сэ… сэ… емыкIу сыкъомыщI тхьэ зэраIуэ мывопцIэр гъуэм къизнэри сыкъежьащ, ар симыIэу тхьэ сIуэ хъунукъым. (КIэбгъу зещIыж)

Дыгъужьым. МывопцIэ хуэдиз ухъуркъым уэ цы топыр! Сэ фэзгъэлъагъунщ тхьэ зэраIуэ! (Пабжьэм хохьэри хомбыIуу мэтIыс) Мы мэзым хьэкIэкхъуэкIэу щIэcым я нэлатыр къыстихуэ, мо Щынэ бэгум дыгъуасэ лъандэрэ лъакъуащхьэкIэ нутэ мо хъупIр хьэрэкъуакIэ дэкIуэдэжа си адэшхуэм къыщIэнауэ сэ си мы хъупIэмэ!..

Мэлыхъуэхьэм (Дыгъужьым къыжьэхолъэри). ХъупIэ плъагъумэ, уи нэр узу укъэзмыгъанэмэ, сэ сыхьэкъым, напэншэ!

И кIэр зыкIэщIеупщIэри, Дыгъужьыр мэзым холъэдэж.

Щынэм. ХъупIэр ууейуэ жыпIати, Дыгъужьыжь, щхьэ ущIэпхъуэжа?

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, Таурыхъхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 272

Сообщить об опечатке

Текст, который будет отправлен нашим редакторам: