Псалъэжь: Хьэм и гъэрищ, шым и гъэрибл, лIым и гъэ щэщI.
ПсынщIэрыпсалъэ: Лэныстэ-мастэ-къэбыстэ пIастэ.
ГушыIэ: Гъуэлъыжын хуейщ зэрыжаIэу, сыкъомэжэлIэж…
Къуажыхь: Iуащхьэ щIыб бгъитI щызэрошх. (Лэныстэ)

Къэплъыхъуэр

Щыхьымрэ Бажэмрэ

Щыхьымрэ БажэмрэБажэр псы Iуфэм Iутщ, псым адрыщIкIэ къаз хъушэ къыщилъэгъуащи, мэпIэцIеижри.

Бажэм (къежыхь-нежыхь, псым хохьэ, мэшынэри къыхокIыж). Сыту псышхуэIуэт… ЕсыкIэ зэрызэзмыгъэщIам нэхъ сызыхущIегъуэжа къэхъуакъым. ЕсыкIэ сщIатэмэ, мо къаз хъушэм я нэхъ пшэрыр къыхэзудат. МащIэрэ къызжиIа ди адэм: «ЕсыкIэ зэгъащIэ, къыпщхьэпэжынщ», — жиIэурэ. (Щыхьыр кърохьэлIэ) Унасыпыншэ хъункъым уэ, лъакъуэ кIыхь!

Щыхьым. Сыт къэхъуар?

Бажэм. АдрыщIым хъун цIынэ щыплъагъурэ?

Щыхьым. Щызолъагъу.

Бажэм. Абы сыпхуехъуэпсащи, си гурыIупсыр къожэ. НакIуэ дигъэкI.

Щыхьым. НакIуэ. Дыгъуасэ лъандэм сшха щыIэкъым.

Бажэм. Уэ сызытумь, гъэтIысхьэмэ, псым сыникIыфынукъым. Сыгъэшэс. Уэ псыр уи бгым къыпхуэсын къудейщ.

Щыхьым. (зегъэлъахъшэри). Хъунщ, къэшэс.

Бажэм. (Щыхьым мэшэсри). Упсэуащэрэт уэ… Сакъ, улъэпэрэпэнщи, сыбгъэунэхъуащ…

Псым зэпрокI. Заул дэкIауэ, къаз зэхэзехуэ макъ къоIу: «УмыгъакIуэ!» «Еуэ!» «Мыгъуэ зыхуэхъун!» Зыкъом дэкIа нэужь, Щыхьыр псы Iуфэм къыIуохьэж, яубэрэжьауэ.

Щыхьым. СаIэщIэкIуадэ пэтащ. Си тхыр зэпауда си гугъэщ. (Зызэпеплъыхь.)

Бажэм. (къыIуолъэдэжри). Уи Iуэху сытым тет, си къуэшыжь?

Щыхьым. Сытым тетын: уэ къазыр епхьэжьэри уежьэжащ, сэ фызым сакъыIэрыхьэри пхъэхькIэ сыкIуэцIакъухьащ. Дэнэ зыщыбгъэбзэхар?

Бажэм. Плъагъуркъэ, си къуэ­шыжь, сэ зызгъэбзэхауэ аракъым, къазыл сIухуамэ, лъэнккъуэ зезгъэзын хуейуэ апхуэдэ хьэл схэлъщи, аращ.

Щыхьым. ХьэлыфIи ар…

Бажэм. Ди адэм къысхуигъэна уэсятщ…

Щыхьым. НакIуэ-тIэ, дикIыжынщ псым. Къэшэс, себгъэубэрэжьами, сыт сщIэн — узэпрысхыжынщ.

Бажэм. Упсэуащэрэт уэ! ИгъащIэкIэ сщыгъупщэнкъым нобэ къысхуэпщIар…

Бажэр Щыхьым мэшэс. Псыкум нэсауэ, Щыхьыр зэщIотIысыкI.

Щыхьым. Сеша жызоIэ…

Бажэм. Сыт пщIэр, щхьэ утIыса? Себгъэтхьэлэнущ!

Щыхьым. Ди адэм и уэсятщ: «Уакъуа нэужь псым зыщIэгъэмбрыуэ», — къызжиIэгъащ.

Бажэм. Сыбогъэтхьэлэ! Делэ ухъуа?!

Щыхьым. ИгъащIэм си хьэлщ, емыкIу сыкъомыщI…

Бажэжь цIыкIур псым итхьэлэжащ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, Таурыхъхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 330

Сообщить об опечатке

Текст, который будет отправлен нашим редакторам: