Псалъэжь: Узэсэ сэгъейщ.
ПсынщIэрыпсалъэ: Лэныстэ-мастэ-къэбыстэ пIастэ.
ГушыIэ: Сылэжьэнщ жысIати, мыбыи Интернет щыIэщ…
Къуажыхь: Небэ-къебэу джабэм дэкI. (Бабыщ)

Къэплъыхъуэр

Ныбжьэгъу

НыбжьэгъуДыгъэ гуащIэм и бзий пщтырхэм защытхъумэу, си ныбжьэгъу Марьянэ сэрэдэшхуей щIагъымщIэттетIысхьэпIэм дытест. Куэд щIауэ уэшх къешхатэкъыми, хьэнцэгуащэ къетшэкIын мурад тщIат, ауэ къытхузэгъэпэщыртэкъым. Абы дытепсэлъыхьу дыздэщысым, дыплъэмэ, КIурацэ зы бацэжь цIыкIу гуэр иIыгъыу мыжыжьэу къэувыIауэ щытщ. Сыту пIэрэ абы иIыгъыр?

КъэтщIэну дыщыбгъэдыхьэм, КIурацэ иIыгъыр къытетхын и гугъэу шынауэ и бгъэм ирикъузылIащ. ДеплъыIуэмэ, тхьэрыкъуэт.

-Дэнэ мыр къыщыбубыдар? — деупщIащ КIурацэ.

-Мыр ТIорэ къызыхуиубыдар сэращ, зыми фэстынукъым! — жиIэурэ, абы тхьэрыкъуэр нэхъри зырикъузылIэрт, зыIэщIипIытIэнкIэ дигъэшынэу.

-Къыптетхыркъым мыр, апхуэдизу умыкъуз, птхьэлэнущ! — жиIащ Марьянэ.

Сэ Марьянэ Iусшри щэхуу жесIащ:

-Мыбы зы Iэмал гуэр хэдгъалъхьи тхьэрыкъуэр къыIэщIэдгъэх, ахъумэ IэщIэкIуэдэнкIэ шынагъуэщ.

-Хъунут, ауэ…

-Дауэ къызэрыIэщIэдгъэкIынур жыхуэпIэу аракъэ? Сэ тхылъ цIыкIу сиIэщ сурэт дахэ куэд иту. АбыкIэ къэтхъуэжынщ.

-Къыуихъуэжын уи гугъэ?

-Деплъынщ. Абы сагъыз фIэфIщ. Сэ сагъыз сиIэщи ари тетлъхьэнщ.

-Еплъыт, КIурацэ, мы тхылъ цIыкIум. Уэ апхуэдэ уиIэххэкъым.

-ДаIэ?!

-Мис. Еплъыт мыбы сурэту ит къомым… Ухуеймэ, уи тхьэрыкъуэмкIэ узохъуэж.

КIурацэ тетушхуэри тхылъыр сIихыну къэIэбат, ауэ щIегъуэжри икIуэтыжащ. ИтIанэ сагъызри теслъхьэну къыщызгъэгугъэм, тегушхуащ: тхылъри сагъызри сIихащ.

-Иджы тхьэрыкъуэ цIыкIур утIыпщи зэрылъэтэфым дегъэплъыт, — жиIащ Марьянэ.

-Ар лъэтэфыркъым, плъагъуркъэ зэрыщылъыр, — жиIащ КIурацэ, тхьэрыкъуэр удзым хигъэтIысхьэри.

Тхьэрыкъуэр къатщтэри ди деж тхьащ. Гуэщым щIэт ашыкгуэрымидгъэтIысхьэри шхыни еттащ, ауэтхуэшхэр- тэкъым. Дыкъимылъагъумэ, нэхъ шхэну пIэрэ? Къыдогъанэри дыкъыщIокI. Зыкъомрэ дыджэгури тедгъэзэжащ. Тхьэрыкъуэр, а зэрыщыст, зыри имышхауэ. ТIури дызоплъыж. Сыт тщIэнур?

-Сэ и жьэ цIыкIур зэтесхынщ, уэ къыжьэдэлъхьэ, — жиIащ Марьянэ.

Куэдрэ делIэлIами, икIэм-икIэжым тIэкIу едгъэшхащ. ИтIанэ езыр ди Iэгум ишхыкIыу щIидзащ. Зэман дэкIщ, хуэтхьыр ишх хъури, псынщIэу зыкъиужьыжу хуежьащ. Марьянэ сэрэ ар махуэ къэс дгъашхэрт, псы едгъафэрт, езы цIыкIури ныбжьэгъу дыдэ тхуэхъуат. Ауэрэ тхьэ­рыкъуэ цIыкIур лъэтэф щыхъум дутIыпщыжащ. Дигу пыкIыртэкъым, ауэ дутIыпщыжащ… Тырырет дунейм щхьэхуиту, аращ къыщIигъэщIар. Къуалэбзухэри, мэз псэущхьэ цIыкIухэри — тхьэкIумэкIыхьи, цыжьбани, кIэпхъи — дэ фIыуэ долъагъу, ахэр цIыкIухэм ди ныбжьэгъуфIщ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, Таурыхъхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 329

Сообщить об опечатке

Текст, который будет отправлен нашим редакторам: