Псалъэжь: ЩымыIэм жэр щIыхьэркъым.
ПсынщIэрыпсалъэ: Тебэ фIыцIэм ху пцIынэ цIынэ иупцIащ.
ГушыIэ: Сылэжьэнщ жысIати, мыбыи Интернет щыIэщ…
Къуажыхь: Быныр зыгъашхэ, шхалъэм дэпкIэж. (Бжэмышх)

УздэщыIэр

Къэплъыхъуэр

ЛIыжь цIыкIумрэ Дыгъужьыжьымрэ

ЛIыжь цIыкIумрэ Дыгъужьыжьымрэ

ЛIыжь цIыкIу гуэр нартыху трисэри нэд нэщIыр иIыгъыу къигъэзэжауэ къыздэкIуэжым, мэзым щакIуэхэм къыщIахуауэ зы Дыгъужьыжь къыхуэзащ.
– ЛIыжь цIыкIу, уи нэдым сигъапщхьэ, сэ щакIуэхэм саукIыну сыкъаху! – жиIащ Дыгъужьыжьым.
– Хьэуэ, уизгъэпщхьэнукъым, уэ мыбы уихуэрэ?– жиIащ ЛIыжь цIыкIум.
– Сихуэнщ, сумыгъапшхьэу хъунукъым! – щыжиIэм, ЛIыжьри арэзы хъури Дыгъужьыр и нэдым иригъэпщхьащ, нэдыр и дамащхьэм трилъхьэри къежьэжащ. Куэд дэмыкIыу зы шу хьэхэр и гъусэу къыкIэлъыщIыхьэри къеупщIащ:
– Дыгъужь мыбыкIэ къажэу плъэгъуа?
– Хьэуэ, Дыгъужь лъэпкъ слъэгъуакъым.
– АтIэ мы уи нэдым илъыр сыт? – къеупщIащ шур.
– Мыр жэмыжьым удз тIэкIу къыхуэсфыщIауэ схьыуэ аращ‚– жиIащ ЛIыжь цIыкIум.
– Армэ, хъунщ‚– жиIэри шум игъэзэжащ.
Апхуэдэурэ Дыгъужьыр и дамэм телъу куэдрэ къихьауэ, ешри ЛIыжьым жиIащ:
– Хъунщ иджы, сешащ, щакIуэхэри пщхьэщызгъэкIащ, къикIыж!
– Хьэуэ, иджыри тIэкIу сыхьыж, ахъумэ щакIуэхэр иджыри гъунэгъуу щытщ‚– жиIащ Дыгъужьыжьым.
ЛIыжьым аргуэру зыкъомрэ ихъащ, икIэм хуэмыхьыж хъури къригъэкIыжащ:
– Абы фIэкIа слъэкIыжыркъым, кIуэ! – жиIэри.
Дыгъужьыр нэдым къызэрикIыжу кIуэри ЛIыжьым и гъуэгум къыпэтIысащ, къеплъу.
– Сыт иджыри узыхуейр, укъызоплъри?– жиIэри ЛIыжьыр Iэнкун хъуауэ Дыгъужьым еупщIащ.
– Сызыхуейр усшхынущ! – жиIэри Дыгъужьым и дзэлыфэр къыхуитIащ, и дзэхэр зэтригъэуащ.
– Ар дауэ хъун, сэ уз ажалым укъезгъэлауэ, иджы сыпшхыжыну жыпIэу? – ЛIыжьым гъэщIэгъуэн къыщыхъуащ.
– Уделэти, сыкъебгъэлащ, угубзыгъамэ, сыкъебгъэлынтэкъым, аращ ущIэсшхынур,– жиIащ Дыгъужьым. Абы хэту зы Бажэ цIыкIу къарихьэлIащ.
– Сыт къэхъуауэ фыщIызэдауэр? – жиIэри Бажэ цIыкIур яхэупщIыхьащ.
– Плъагъуркъэ, Бажэ цIыкIу, мы Дыгъужьыр щакIуэхэм яукIыну къахурэ пэт, къысIущIащ, къызэлъэIуати, мы си нэдым изгъапщхьэри езмыгъэукIыу къезгъэлащ. Иджы симышхыу идэркъым‚– жиIэри ЛIыжьыр Бажэ цIыкIум хуэтхьэусыхащ.
– Пхуэфащэщ, ЛIыжь цIыкIу, уишхми, пцIы щыбупскIэ. Сыт хьэдыгъуэдахэ жыпIэр, мы Дыгъужьышхуэр уи нэдыжь цIыкIум ихуэну?– жиIащ Бажэм.
– Пэжщ, сихуащ икIи сису щакIуэхэм сакъыблихащ‚– жиIащ Дыгъужьыжьым.
– АтIэ ипщхьи сыгъэлъагъут‚– жиIащ Бажэм. Дыгъужьыжьыр аргуэру нэдым ипщхьащ.
– Догуэ, уи кIэр къощ, уи лъакъуэр къощ‚– жиIэурэ Бажэм Дыгъужьыр нэдым иригъапщхьэри ЛIыжьым жриIащ: – Иджы, и щхьэр упхэж хъунумэ, дегъэплъыт.
ЛIыжьым нэдыщхьэр быдэу ипхэжащ.
– Мис, иджы ухуитщ Дыгъужьыр нэдым ибукIыхьыну!– жиIэри Бажэ цIыкIур мэзым щIэлъэдэжащ.
ЛIыжьым Дыгъужьыр лIэху нэдым ириукIыхьащ, итIанэ и фэр трихри унэм къихьащ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Таурыхъхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 448

Сообщить об опечатке

Текст, который будет отправлен нашим редакторам: