Псалъэжь: Куэдрэ шэм ухэплъэмэ, лъы холъагъуэ.
ПсынщIэрыпсалъэ: Пыжь пызу пыту жыг.
Къуажыхь: Адакъэ мыщ, хьэщIэщ кIуэрей. (Щхьэнтэ)
ГушыIэ: Псы емыжэхым, бдзэжьейр къыхэпхынукъым.

КIэпхъ цIыкIумрэ Жыгеижьымрэ

КIэпхъ цIыкIумрэ ЖыгеижьымрэГъуэгу тетати, ешаелIауэ, КIэпхъ цIыкIур жыгей щIагъым щIэтIысхьащ.

КIэпхъым. Уэхухуху! Си псэр ныхуащ, шхын щхьэкIи солIэ. (Жыгейм худоплъейри) Жыгсижь, зыгъэ- сыси, зы мышхумнIэ къысхуедзых!

Жыгейм. Сэ инышхуэм уэ цIыкIужьейм щхьэкIэ дауэ зызгъэсысын?

КIэпхъым. Ей, тхьэмыщкIэ, си хьэтыр къомылъагъумэ, Бжэныжь къозгъэгъунщ. (Бжэныр, хъуакIуэурэ къыIухьати, абы деж мажэ) Бжэ­ныжь, Жыгеижь си жагъуэ къищIащ. НаIкIуи, схуегъу.

Бжэныжьым. Жыгеижь пхъафэ сыту сщIын, КIэпхъ цIыкIу: хъун бэгъуам лъакъуащхьэкIэ сыхэтщ.

КIэпхъым. Ей, тхьэмыщкIэ, Ды­гъужьыжь уезгъэшхынщ! (Дыгъу­жьыжь мэзым къыхэкIати, кIуэри хуэтхьэусыхащ) Дыгъужьыжь, Бжэ­ныжь схуэшх!

Дыгъужьыжьым. Бжэныжь уэдыр сыту сщIын: мэлыбгъэ пшэрым си гур къиуIащ.

КIэпхъым. Ей, тхьэмыщкIэ, ЩакIуэжь уезгъэукIынщ. (ЩакIуэжь, блэкIрэ пэт, хуэтхьэусыхащ) ЩакIуэжь, Дыгъужьыжь схуэукI

ЩакIуэжьым. Дыгъужь бацэ сыту сщIын, КIэпхъ цIьпкIу: къэсщэкIур щыхьщ.

КIэпхъым. Ей, тхьэмыщкIэ, уи фочыпс Дзыгъуэжь зэпезгъэшхыкIынщ. (Дзыгъуэр гъуэмбым къиплъати, хуэтхьэусыхащ) Дзыгъуэжь, ЩакIуэжь и фочыпс схузэпышхыкI

Дзыгъуэжьым. Фочыпс гъурыр сыту сщIын: кхъуей плъыжьым сыкъыбгъэдэкIмэ, кхъуей цIынэм сыбгъэдотIысхьэ.

КIэпхъым. Ей, тхьэмыщкIэ, Джэдуужь уезгъэшхынщ! (КIуэри, Джэдуужь хуэтхьэусыхащ) Джэду­ужь, Дзыгъуэжь схуэшх!

Джэдуужьым (и пащIэкIэр еIуантIэри). Ахьейми пхуэсшхын! Дэ­нэ щыIэ а джаурыр? НаIуэт, сышэт. Сэ хуэфI сыхъунщ абы!

Макъ: Джэдуужь Дзыгъуэжь иригъэлъэтэхащ. Джэдуужь щригъэлъэтэхым, Дзыгъуэжь къызэдзэкъэкIри ЩакIуэжь и фочыпсыр зэпишхыкIащ. ЩакIуэжь къэгубжьри Дыгъужьыжь иукIащ. Дыгъужьыжь къызэпхъуэкIри Бжэныжь ишхащ. Бжэныжь зриупсейри Жыгеижь егъуащ. Сыт ищIэжынт Жыгеижь: зигъэсысри мышхумпIэ къридзыхащ…

КIэпхъым. Мис аращ уэ пхуэфащэр, Жыгеижь! Зы мышхумпI уигу пыкIатэкъыми, иджы укъэзудына! (Жыгей щIагъым щIотIысхьэжри мьиихумпIэм йогъу)

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, Таурыхъхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 278

Сообщить об опечатке

Текст, который будет отправлен нашим редакторам: