Псалъэжь: Анэр зыфIэIейми ар ихъуэжыфкъым.
ПсынщIэрыпсалъэ: Шыбжииплъ, псы плъыжьыбзэ.
Къуажыхь: Зил IэфIу, зил шыпс. (Джэд)
ГушыIэ: Зэ къэзгъэпцIэфам иджыри хузэфIэкIынущ.

Бажэм и хьилагъэр

Бажэм и хьилагъэрМыщэр, Кхъуэныжьыр, Бажэр жыг лъабжьэм щIэлъщ, мэжэщIалIэщи, псэлъэн я жагъуэщ.

Мыщэм. Дыгъужьым зыгуэр къытхуимыхьмэ, дызэтелIащ.

Кхъуэныжьым. Мес, и щхьэр фIэлэлу къокIуэж. Зыри къыIэрыхьакъым.

Дыгъужьыр къохьэж.

Мыщэм. БгъуэтаIакъэ?

Дыгъужьым. Зы мэлыхъуэ сещэкIуащ нышэдибэ лъандэм. ЩытеплъэкъукIым, зы щынэ къесхьэжьати, хьищ къыскIэлъежажьэри си щхьэр хызагъэлъхьэным тIэкIунитIэщ иIэжар.

Кхъуэныжьым. Зытребгъэхыжа?

Дыгъужьым. Зытромыгъэхыжи, еплъыт!

Мыщэм. Ухуэмыхутэкъыми уэ — щхьэ зытребгъэхыжа?

Дыгъужьым. Си гъащIэр сужэгъужа фи гугъэ? (ЗегъэукIурий)

Бажэм (Дыгъужьым йопщылIэри). Ушхэнтэкъэ, Дыгъужьыжь?

Дыгъужьым. Ар сыт делэ упщIэкIэ?

Бажэм. Делагъэ хэлъкъым. Дыхусймэ, дытхъэжынущ.

Дыгъужьым. Си ныбэр щынэщIым деж укъыздэмыгушыIэ бжесIатэкъэ, Бажэжь цIьгкIу! (ЗрегъэзэкIри мэгъуэлъыж)

Бажэм (Дыгъужьым кIэщIоуIуэри) Ей, делэжь, зэ умыпIащIэ. Сэ сыгушыIэркъым. Дыхуеймэ, тIэпIыжу дышхэфынущ.

Дыгъужьым. Дауэ?

Бажэм. Кхъуэныжьыр тшхынщ.

Дыгъужьым. УмыгушыIэну бжесIатэкъэ?

Бажэм. Уи фIэщ хъуркъэ?

Дыгъужьым. ФIэщ мыгъуэр уигъэщIынщ: плъагъуркъэ абы къыIупс дзапэфIанэр?

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4

Зыхыхьэр: Вагъуэ цIыкIу, Таурыхъхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 594

Сообщить об опечатке

Текст, который будет отправлен нашим редакторам: