Псалъэжь: Джэду щысу шыпсэ жумыIэ.
ПсынщIэрыпсалъэ: Зазэ и зэзыр зэзэмызэ мэуз.
Къуажыхь: КIуэ пэтми, бжьиз зымыкIу. (Гущэ)
ГушыIэ: Сэ жысIахэр си Iуэхужщ, ауэ уэ зыхэпхар сщIэкъым…

Ажэмрэ Дыгъужьхэмрэ

Ажэмрэ ДыгъужьхэмрэАжэр хъуакIуэурэ мэз лъапэм нос. ЛэгъупыIэмпIэ зэфIадзауэ, дыгъужьитI мафIэм бгъэдэсщ. Ажэр къыщалъагъум, дыгъужьхэр къыщолъэт.

Япэ дыгъужьым. Мы ди насыпым жъихьам еплъыт: Ажэ бэгъуа къыдихьэлIащ!

ЕтIуанэ дыгъужьым. Дыунащ жыпIэркъэ! Ажэл хуэдэ щыIэ! Дытхъэжынущ!

Ажэм. ХъуакIуэ сыкъежьа къудейщ. Ажэ уэдыкъуам сыт къыфхуищIэн. ТIэкIу сывгъэхъуакIуи, пшэр сыхъумэ, итIанэ сыфшхынщ.

Япэ дыгъужьым. Пшэр ухъуху дыппэплъэфынукъым. ДымэжэщIалIэщ. Фи къуажэм ныжэбэ дыныдыхьати, хьэ джаурхэм дыкъыщIагъэIащ. Иджы, мис, хъудыр дгъэвауэ, упщIыIуным дыпоплъэри дыщысщ.

ЕтIуанэ дыгъужьым. Ди гурыIупсыр къожэри дыщысщ, плъагъуркъэ?

Ажэм. ФысфIэгуэныхьщ, пцIыр сыткIэ щхьэпэ. ИтIани зэ фыкъытримыч. Зывэзмыгъэшхыну аракъым ар щIыжысIэр. Хьэлэл сыфхухъу, сыфшх. Ауэ сыуэдыкъуащ вжесIакъэ — зэ дзэкъэгъуэ сыфхуэхъунукъым. Мыдэ си джабэм фыкъеIусэт — си дзажэналъэр къыхоплъ. Си тхы къупщхьэри аращ. ТIэкIу сывгъэхъуакIуи, сыфшх.

Япэ дыгъужьым. Апхуэдэ хущIыхьэгъуэ диIэкъым дэ: уэ ухъуэкIуэху, дэ кIэ дгъуэтынкIэ хъунущ.

ЕтIуанэ дыгъужьым. ГущIэгъу хуэтщIын? Плъагъуркъэ: и ныбэр иуэжащ. И хьэтыр дыгъэлъагъу.

Ажэм. Лы пшэрым фигу нэхъ къыщIиубыдэнкъэ! ФыкъызэмыпIэщIэкI.

Япэ дыгъужьым. Дыппэплъэ- фынукъым апхуэдизрэ. Мес, хъудыр дгъэващи, ефэ. Хъуным нэхърэ нэхъыкIкъым хъудырыр. НапIэзыпIэм пшэр уищIынущ.

ЕтIуанэ дыгъужьым. ИIэ, иIэ, зумылъэфыхь! КъетIысылIэ мыдэ лэгъупым.

Ажэм (лэгъупым щхьэщоувэри). Фэ щхьэкIэ сымыщIэн щыIэкъым. Хъудырым сефэху, зыхуэвгъэшэчыж… Сыту хъудыр IэфIыIуэ! Сывгъэтхъащ! Хъун цIынэри дэнэ кIуэжын?.. (Хъу­дырым хоф) Пшэр симыщIмэ, фэраи зи лажьэр.

Япэ дыгъужьым. УзэщыпкIыу уищIынущ. АбыкI укъыхэмыщтыкI, ефэ.

ЕтIуанэ дыгъужьым. Мес, слъагъуурэ пшэр уохъу, ефэ. Уи хьэлэлщ, фIыкIэ ушх.

Ажэм. Мыпхуэдэ хъудыр урихьэлIауэ зыхэбгъэкIыж хъурэ!

Япэ дыгъужьым. Урикъуамэ, зыдгъэшх. Укъытхуэарэзыкъэ?

Ажэм. Сывихьэлэлщ, сыфшх.

ЕтIуанэ дыгъужьым. Упсэуащэрэт уэ! Ди ныбэм и лажьэ дыбгъэIуэтэжынущи, игъащIэкIэ тщыгъупщэнкъым.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2

Зыхыхьэр: Вагъуэ цIыкIу, Таурыхъхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 366

Сообщить об опечатке

Текст, который будет отправлен нашим редакторам: