Псалъэжь: Удз цIынэр выфэм пхыкIкъым.
ПсынщIэрыпсалъэ: Жамыбгъэ бгъэгу хужь мэжьэгъуашхэ.
ГушыIэ: ЦIыхухэр зэкъуэшщ, ауэ псори акъылкIэкъым.
Къуажыхь: Жьэгудэсрилэ, псыкъуий ныбэф. (Къубгъан)

Къэплъыхъуэр

ЩакIуэ

Пщэдджыжьым жьыуэ, дадэ и фочыр къасщтэри, мэзым сыкIуащ. Сэ дадэ куэдрэ сыздишэрт мэзым, ауэ мы зэм си закъуэу сыкIуэну мурад сщIыри, зыми зыкъезмыгъащIэу сыдэкIащ.

Пщэдджыжь пасэр тIэкIу хуэщIыIэтыIэщ. Гъэмахуэпэщ. Акъужь мащIэ щIыфэм зызэпхидзу къопщэ.

Ауэрэ мэзым сынэсащ. Абы зы псэущхьи щIэсу къыпхуэмыщIэну ихъуреягъыр щэхущ, ауэ къуалэбзу цIыкIухэм я уэрэдыр удихьэхыу мэIу.

Хуэмурэ мэзым сыздыщIэкIым макъ гуэр къызыхэсхащ. СызэщIэдэIукIри, макъыр къыздиIукIымкIэ сунэтIащ. Чыцэ гуэрэным сыпхыкIыу, спэмыжыжьащэу къэслъэгъуащ щыхь анэмрэ абы и шырымрэ я Iуфэр къэзуфэрэзыхь дыгъужьыр. ЗанщIэу Iэнкун сыкъэхъуащ. Дыгъужьыжьым мохэр ишхыну зэрыхуейр наIуэт. Сэ сфIэгуэныхь хъуащ щыхьымрэ абы и шыр цIыкIумрэ. СщIэнур сыт? ИтIанэ сигу къэкIыжащ фоч узэда зэрысIыгъыр. Фочыр зыпщIэхэсхри, дыгъужьым сеуэну сытегушхуащ, арщхьэкIэ сыкъэшынэжащ: дыгъужьым схутемыгъахуэу щыхьым сытехуэмэ, жысIэри.

Дыгъужьыр нэхъри йобгъэрыкIуэ. Щыхьым и шыр цIыкIур ихъумэу абы къыпэщIоувэ, ауэ щы­хьыр дыгъужьым пэлъэщын.

Сыкъэгузэвапэри, фочыр дэзгъэуеящ. Фоч уэ макъым игъащтэри, дыгъужьыжьыр щIэпхъуэжащ. Щыхь анэри, зэрыгуфIэр зыхэсщIэу, и шырым бгъэдыхьэжащ. Сэ хуэмурэ абыхэм гъунэгъу иахуэсщIащ, згъэщтэнкIэ сышынэу, ауэ щыхьыр сэ къысщышынакъым. Уеблэмэ, гуапэу къызэплъа хуэ­дэу къысщыхъуащ. ИтIанэ щыхь анэри и шырри мэзым щIэлъэдэжащ. Сэри, сигу зэгъауэ, си гъуэ­гу м пысщэжащ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, Рассказхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 340

Сообщить об опечатке

Текст, который будет отправлен нашим редакторам: