Псалъэжь: Бжьэрэ пэт я бжьапцIэр яукIыж.
ПсынщIэрыпсалъэ: Шыбжииплъ, псы плъыжьыбзэ.
ГушыIэ: Махуэ ещанэ хъуауэ сынэжьэну сыхуейкъым.
Къуажыхь: Ди мэз щIагъ къарсыдзэ щIокI. (Ужьгъэ)

Къэплъыхъуэр

Мэз лъапэм къыщыхъуар

ЗэрысщIэж лъандэрэ дадэ мэзхъумэщ. Гъэмахуэр къызэрихьэу абы мэз лъапэм зы пщыIэ дэгъуэ щещIри, ущыжеину, зыщыбгъэпсэхуну уасэ иIэкъым. Мы гъэми аращ. ПщыIэ зэкIужыр и чэзум мэкъупIэм къыхэуващ, пхъэ зэфIэбдзам къыхэщIыкIауэ гъуэлъыпIитIи щIигъэуващ.

Дадэ махуэ псом мэкъу йоуэ, Iэнэ ещтэ, Iэтэ ещI, шызакъуэгум щIигъэхуа шым тотIысхьэри мэз лъанэхэр къызэхекIухь. Сэ пхъэгъэсын къызохьэлIэ, шыр согъэхъу, дадэ шэджэгъуашхэ щигъэхьэзыркIэ сыдоIэпыкъу… Зэш сымыщIэу си зыгъэпсэхугъуэ зэманыр согъакIуэ.

Зы махуэ гуэрым дадэ сэрэ тIэпIу дышхэщ, фIыуи зыдгъэпсэхури, щхьэж и Iуэху иужь дихьэжащ. ЛэпIанкIэр шэмэджым дидзэри, дадэ аргъынэ бгъуфIэшхуэ ирихьэжьащ. Сэ шым и хэщIапIэр къэслъыхъуэну мэз лъапэмкIэ сежьащ. Асыхьэтым си нэм къыфIэнащ жыжьэу щигъуэлъыкIа губгъуэшхуэм къытещ фIыцIагъэ къомыр. Япэ иту зы пIащэ гуэр къажэрт. Абы къыкIэлъыжэхэр нэхъ цIыкIут.

—      Дадэ, дадэ, модэ плъэт, — сыкъэкIиящ сэ.

Дадэ зыкъиIэтри Iэдакъэ жьауэ ищIащ.

—       ПсынщIэу фочыр къэхьи, уэ пщыIэм зыщIэдзэ,- жиIащ абы. — ХьэIуцыдзхэм щыхь кърахужьауэ къаху.

Фочыр игъапкIэри, къэхъунум пэплъэу дадэ иувыкIащ. Щыхьыр, ину къалъэурэ, напIэзыпIэм къэсащ икIи дадэ и щIыбагъым дэлъадэри, аркъэн лъэщкIэ яубыдам хуэдэу, и пIэм ижыхьащ…

Дадэ фоч зэгуэтымкIэ яхэуэу щыхуежьэм, хьэIуцыдз гупыр щхьэж и гъуэгу и занщIэу зэбгрыжащ.

Сэ сышынапэурэ пщыIэм сыкъыщIэкIащ. Дади щыхьым дежкIэ зигъэзащ. Абы и лъакъуэхэр щIэкIэзызыкIырт, и пэщхъынхэм къариху гъуэзым удзыпцIэр щIигъэхъаерт, гузэвэгъуэр къызыщГих и нитIыр вагъуэ нурым хуэдэу къилыдыкIырт.

—       Аращ, си щIалэ, псэ мышынэ щыIэкъым,- жиIащ дадэ. — Мэз псэущхьэхэр цIыхум щошынэ, ауэ нобэ хуэдэу гузэвэгъуэ ихуамэ, гугъапIэ закъуэу къахуэнэри аращ… СощIэж, зэгуэрым щIымахуэ ткIийр пасэу къыщыттеуам, хьэкIэкхъуэкIэ куэд мэжэщIалIэу къуажэм къыдэужьгъауэ зэрыщытар. Бажэм, у нэм щIыхьэурэ, Iэнэм телъыр щагъэкIуэщI къэхъурт, е гъуэгу Iуфэхэм Iуст, зыгуэрым щIакхъуэ Iыхьэ къахуидзынкIэ щыгугъыу…

Щыхьым хуэм-хуэмурэ зыкъищIэжри ди дежкIэ къэплъащ, итIанэ хьэIуцыдзхэм здагъэза лъэны- къуэмкIэ кIуэцIрыплъащ. ИужькIэ, хьэлъэу бакъуэурэ, мэкъупIэр зэпиупщIу ежьэжащ. Щыхьыр мэзым щIыхьэжащ, дэри ди Iуэху дыпэрыувэжащ.

Жэщым сэ куэдрэ сымыжеифу сыхэлъащ, къэхъуам сегупсысу.

Абы иужькIэ щыхьыр Iэджэрэ «лъагъунлъагъу» къытхуэкIуащ. Тпэмыжыжьащэу къэувыIэрт, зыкъомрэ къыдэплъырти, IукIыжырт. ХьэIуцыдзым къазэредгъэлар зэрыщымыгъупщэр къыдигъащIэ хуэдэт.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Вагъуэ цIыкIу, Рассказхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 376

Сообщить об опечатке

Текст, который будет отправлен нашим редакторам: