Псалъэжь: ДэкIакIэ,- мыхъумэ – дефIэ.
ПсынщIэрыпсалъэ: Жамыбгъэ бгъэгу хужь мэжьэгъуашхэ.
ГушыIэ: Си нэм езгъэплъати, азбукэр зэзгъэщIэну къызжаIащ.
Къуажыхь: Хьэщхьэжьей кIэлъэфщ. (Iуданэ зыфIэлъ мастэ)

Къэплъыхъуэр

Аслъэнрэ Беслъэнрэ

Аслъэн илъэсиплI, Беслъэн илъэсищ мэхъу. А цIыкIуитIыр зэкъуэшщ. Зэгуэрым Аслъэнрэ Беслъэнрэ зы браныч сэмб къыхуахьри, зэхуэдитIу хуагуэшащ. Аслъэн езым и Iыхьэр игъэтIылъри, Беслъэн ейр зэрызыIэригъэхьэным ещакIуэу хуежьащ.

—      Бесик, сэ мамэ жвачкэ къысхуихьынущи, абы телъ мультикыр уэстынщ, уи бранычыр къызэти…

Дадэ щIалэ цIыкIухэм къакIэлъыплъу лъэныкъуэкIэ щысти, къуэрылъху нэхъыжьым жиIэр щызэхихым, щIалэ цIыкIум щIэгубжьащ:

—       Хьэмэ къилъхуа, укIэрымыхъыжьэу хьэлэлу сгъэшх абы и бранычыр! Уэ езым уиIэкъэ?!

Ар жиIэри Дадэ щIэкIащ. Адэшхуэм и щIыб къызэригъазэу, Аслъэн аргуэру Беслъэн кIэрыхъыжьащ:

—       И, Бесик, къызэптын, а жвачкэр зыкIуэцIылъ тхылъымпIэм сыт хуэдэу мулътик дахэ тет!

ДзыхьмыщIу зыкъомрэ хэплъэри Беслъэн жиIащ:

—      Хъунщ, уэстынщ.

Арати, Беслъэн и бранычхэр зыIэригъыхьэри, и куэщIым ирикIута къудейуэ, Нанэ къыщIыхьащ.

—        Беслъэн, уи бранычхэр дэнэ пхьа? — щIэупщIащ Нанэ.

—         Аслъэн естащ. Абы мамэ жвачкэ къыхуихьынущи, жвачкэм телъ мулътикыр къызитынущ.

—        А хъарып! Мамэ абы къыхуихьым хуэдэ уэ къыпхуихьынукъэ?! — жиIащ Нанэ икIи Аслъэн щIэгубжьащ: — НэхъыщIэ цIыкIухэр апхуэдэу къагъапцIэрэ?! Етыж абы и Iыхьэр.

Бранычхэр ирыригъэтыжри, Нанэ щIэкIыжащ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2

Зыхыхьэр: Вагъуэ цIыкIу, Рассказхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 419

Сообщить об опечатке

Текст, который будет отправлен нашим редакторам: