ГушыIэ: Улэжьэну ухуей, гъуэлъ - ухуеижынукъым.
Къуажыхь: Жэщым Iэтэ, махуэм лъэнтхъуий. (Жьэгу мафIэ)

ЖыгитI

Зэпэмыжыжьэу щытщ мы жыгитIыр. ТIури зэныбжьщ, къызэ­дэкIащ, къызэдэхъуащ. Зэхуэдизщ я лъагагъкIи я инагъкIи. Я щхьэкIэхэм я зыубгъукIэ къудейкIи зэщхьэщыкIыщэу гу ялъыптэр­къым абыхэм.

ИтIани а тIyp зэхуэдэкъым: зым къыпокIэ, адрейм къыпы­кIэркъым. Абы къыхэкIкIэ а тIyp дуней зырыз тетщ — зыр ад­рейм зыкIи емыщхьу.

КъызыпыкIэ жыгым гугъуехь хэмыкIыу и гъащIэр ехь. КъыпIыкIэм къритыркъым псэхугъуэ, хигъэкIыркъым бэIутIэIу, бэлыхь.

Ар илъэс псом увыIэ имыIэу мэлажьэ. ЩIым псыр, IэфIыр къыщIеш зыщымысхьыжу. УвыIэ иIэкъым. КъыщIеш, къыщIеш, къыщIеш! И пхъэщхьэмыщхьэр нэхъ дахэ, тхъуэплъ, IэфI хъун папщIэ гугъу зрегъэхь.

Ауэ апхуэдэу зэрылажьэм и закъуэкъым абы тыншыгъуэрэ псэ­хугъуэрэ къезымытыр, бэлыхь хэзыдзэр, и фэр изыхыр. И пхъэ­щхьэмыщхьэр хъугъуэ нэсыным зэман иIэжу щIадзэнщ къыдэфыщIейуэ, мывэкIэ, башкIэ къеуэу. И тхьэмпэхэр Iисраф зэтра­щIэнщ, уэм икъутам хуэдэу. Ари щацIынэгъуэ, псыр къащыщIэ­жым ирихьэлIэу. И къудамэхэр къракъутэхынщ, зэпаудынщ. И щхьэ дыдэм къыдэкIуеинщи, зэхаутэнщ, къращIыкIэхынщ.

А псори елъагъу мыдрей жыгым. Абы зыри eIycaкъым икIи еIусэркъым. Удыни техуэркъым, дыркъуи игъуэтыркъым. ПIэскIугъэ зимыIэ и къудамэхэр жьым ходжэгухь. И зы тхьэмпэ къудей зыми химыгъэзауэ нос бжьыхьэм. Жьым, псым яп­хъэхри, гъуэжь дыдэ хъуауэ езыр-езырурэ къыпощэщыж.

Мыдрей и ныбжьэгъур щаудынкIэ, ар егупсысу къыщIэкIынщ: «3езыхуэр сыт… Щхьэи лажьэрэ, щхьэи зытригъэухьрэ!»

Ар икъукIэ фIыуэ къыгуроIуэ къызыпыкIэ жыгми. Мис иджы­пстуи аращ. Бжьыхьэр къэсащи, псэууэ зы IэпапIэ хэмылъыж жыхуаIэм хуэдэщ — ныбафэ фIей хъужауэ кIэрымыкI щIалэжь цIыкIухэм я деж къыщыщIэдзауэ къуалэбзухэм нэсыху, абы и фэр изымыха щыIэж! 3ы пхъэщхьэмыщхьэ закъуи къыпынэжыр­къым. Тхьэмпэ зырызхэр адэ-мыдэкIэ щыпIийуэ уолъагъу. И къу­дамэхэр зэпыщIыкIащ, къолэлэх, и фэр щIыпIэ куэдым щытелъэ­фащ. Шэрхъ щIагъым къыщIидзыжа фIэкIа пщIэнкъым зэры­жыгыу!..

Сыт хуэдиз бэлыхь темылъами, удын хьэлъэ куэд къытехуами, абы лэжьэн щигъэтынукъым. Щытыфынукъым ар и гъунэгъум хуэдэу. Гъатхэр къэсынщи, аргуэру щIым псыр, IэфIыр къыщIи­шу щIидзэжынщ. ЩIидзэжынщ пхъэщхьэмыщхьэм телажьэу. ЕщIэ, фIыуэ къыгуроIуэ: нэхъыбэ къилэжьыху, нэхъыбэ къыпы­кIэху, удын нэхъыби къытехуэнущ. ИтIани, сыт ищIэн, хузэфIэ­кIыркъым мылэжьэн.

Апхуэдэщ абы и жыг щIыкIэр!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: Прозэ, Хьэх Сэфарбий

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 289

Сообщить об опечатке

Текст, который будет отправлен нашим редакторам: