Псалъэжь: ЩакIуэр зэIузэбзмэ, бажэбз къехь.
ПсынщIэрыпсалъэ: Пхъэр сошэр – пхъыр сошхыр.
ГушыIэ: Зыри жызмыIэм щыуэну къыщIэкIынкъым.
Къуажыхь: Адакъэ мыщ, хьэщIэщ кIуэрей. (Щхьэнтэ)

Си Iэлъыныр узот

псалъэхэм къибгъэкIыр? — арщхьэкIэ жэуапыншэу сыкъегъанэ.
Си нэпс къудамэ нэм къытелъэдар схуэмыIыгъыу, напэмкIэ къежэхащ. Си макъри къокIэзыз.
— А унафэр уэ езым пщIыжа, хьэмэрэ зыгуэрым къыбжиIа?
— НетIэ жысIаи, «адрейхэм я Iуэху зесхуэркъым».
— Зыбохуэ. Хэту пIэрэ унагъуэ хъыджэбз хъуну къэплъытар?
Зыри щыжимыIэм, машинэбжэр езгулIу, сыкъикIыжащ.
— Е, Мадинэ, къэушыж! Дэнэ ущыкIуэда? – Зухра си дамэм къетIыркъри гукъэкIыжхэри игъэкIуэдыжащ.
— Алим сэр нэмыщI нэгъуэщI хъыджэбз епсалъэу щытащ, – бгэуэ щыс удым ещхьу си нитIыр топлъызыкI. СтIолым зы хъурей гуэр хэзубыдыкIауэ соплъ.
— Хэту пIэрэ? Мыр яхьынущ жиIэурэ къыптегузэвыхьу, уи ужьым имыкIыу, зэрыхъукIэ уи закъуэу укъимыгъанэу зэрыщытар пщыгъупща? Апхуэдизыр здихьыфынутэкъым зэикI. Уэри и лэжьыгъэри…
— Дапхуэдэу зэхуигъэхъуами, иIащ, – си нитIыр партэм тещIыхьа гу сурэт цIыкIум тенат схутемыгъэкIыу. Абы хэту, сэмэгурабгъумкIэ щыс хъыджэбз цIыкIум тхылъымпIэ къысхуеший.
— Мыр къуатыжащ – жи.
— Упсэу, Сэкимэ.
ТхылъымпIэр зэкIуэцIызохри, нэкIэ срожэ. Абы компьютеркIэ тхауэ ит тхыгъэм сыкъоджэ:
«Мадинэ, умынэщхъей апхуэдизу. ПщIэнукъым пфIэкIуэдами къэбгъуэтаинкIи хъунущ. ПсэухукIэ цIыхур зыгуэрым поплъэ, а зылъыхъуэр и пащхьэм илъу. Поплъэ зыгуэрым, апхуэдабзэу езыми цIыхур зыпигъаплъэу. Дауэ зыкъысхуумыщIми, уэращ си псэр, си гъащIэр. Сэ уэ фIыуэ узолъагъу…» — КIыхьыщэти, унэм сыкъыщеджэнщ жызоIэри, зэкIуэцIызолъхьэж.
— Сэкимэ, хэт мыр къозытар?
— УмыщIэ хуэдэ!
— СщIэуэ щытамэ, сыноупщIынт?
— Аслъэн си гугъэщ.

Ари си еджэгъут. Игу срихьу жиIэрт. Ауэ, щIалэ сиIэу зэрызэхихрэ, зэ и щхьэр къиIэту си нитI къыщIэплъакъым. Зыкъысхуигъазэу и гум илъхэри къысхуиIуэтакъым. Мис мыпхуэдэу итхырти, къызитыжырт. Ар укIытэхт егъэлеяуэ. Армыхъуамэ, езыр теплъэкIи и псэлъэкIэкIи гурыхьт. Спорт зыхэтым ехъулIэныгъэхэр щиIэу жаIэ. ТIэкIу нэхъ тегушхуауэ псалъэу щытамэ, сыт хъунт?
— Уи поклонникыр аргуэру къэтхауэ ара? – дыхьэшхыурэ, Зухра тхылъымпIэмкIэ къоIэбэ, къищтэну.
Сэ нэкIэ Аслъэн къызолъыхъуэ. Ар ипэ дыдэ партэм дэст. Ди нитIыр щызэхуэзам гуапэу къысхупыгуфIыкIат, ауэ тхылъымпIэр къызбгъэдэсым зэриIыгъыр щилъагъум, плъыжьу къызэщIонэ. И нитIымкIэ къызгурыIуэщакъым укIытарэ зыгуэркIэ шынарэ.
— Зухра, къэхьыт, сэ езыр семыджауэ уэ дэнэ укъыщыпыт?
— Зэт, зэт. Сыту пIэрэ иджы итхар.
— Зыхуатхар сэращ. Зэхэпхакъэ нэгъуэщIхэм я письмо уеджэ зэрымыхъунур?
Къызимыту си Iэ сшияр щыIуидзыжым, сыпхъуэри къыIэщIэсчыжащ.
— Уий мыр! СыбукIырти щIалэ щхьэкIэ, — абы зигъэгуса хуэдэу и щIыбыр къегъазэ.
— ЗэрыщыпщIым еплъыжи, итIанэ псалъэ.
СфIэфIтэкъым, минрэ си ныбжьэгъуми, фIыуэ слъагъуми, си хьэпшып къызэмыупщIу къыщищтэм деж. Сэ езым ар си хьэлтэкъым. Зэкъым зэрыжесIар, къыщыгурымыIуэкIэ, зэхрещIыкI.
— Уи щIыб Iузэм сыхуэзэшати! – тхылъымпIэр си

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

Зыхыхьэр: КIарэ Альбинэ, Прозэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 5 339

Сообщить об опечатке

Текст, который будет отправлен нашим редакторам: