ПсынщIэрыпсалъэ: Зазэ и зэзыр зэзэмызэ мэуз.
Псалъэжь: ПцIы IэфI нэхърэ пэж дыдж.
ГушыIэ: Зыри жызмыIэм щыуэну къыщIэкIынкъым.
Къуажыхь: Ди хъурей лыгъуапцIэщ. (Къэб)

Си Iэлъыныр узот

сынэгъуэщIщ. Япэрей Мадинэ хэкIуэдащ щIэщхъум. Сэкимэ IэпкълъэпкъкIэ, сэ псэкIэ. Си Мыщэжь мыгъуэ сиIэжамэ! Сыту си гум къэкIрэ ар… Закъуэныгъэм сехь. ЗымикI сакъыгурыIуэркъым. А махуэ телъыджэр зыщызгъэгъупщэну сыхуейми, хъуркъым. Абы и сэбэпщ судым дызэрашэр. Щыхьэт нэхъыщхьэр сэращи сыкъралъэфэкI. Молэи зыхуимыт куэд зэхищIыхьауэ къытралъхьащ. ТхьэмыщкIэжьым и фIыгъэкIэ дэ зыри къызэрыдэмыIусар гулъытэншэу къанэри хьэпсыр унэ хуащIащ. КъафIэIуэхукъым зыми абы ишэчар, и бынунэ къыщIэнар. Си жагъуэ ищIами, сфIэгуэныхьщ. Си еджэгъухэм зыкъаIэтауэ мэтхьэусыхэхэр. Зэ зэфIэкIамэ, нэгъуэщI еджапIэ зезгъэдзыжынт. Схуэшэчыжкъым ахэр. Си адэ – анэр къысхуогузавэ. Мэшынэхэр си щхьэр зэIыхьэнкIэ. Псалъэмакъ къекIуэкIхэм сыщахъумэну хэтщ. АрщхьэкIэ, хуейхэм зэхызагъэхыфыр къызэрыстепсэлъыхьхэр. Молэ зэрымилицэр зыми тщIакъым дэ. АтIэ си псэр схъумэжын папщIэ, адрейхэр къысфIэмыIуэхуу, и гъусэу зызгъэпщкIуауэ, ди закъуэу пэш нэщIхэм дыщIэсауэ жаIэ. Сыхаутэ, сагъэпуду. Иныкъуэхэм я псэлъэкIэр дзасэ гъэплъам хуэдэщ.
— Умынэщхъей, сипхъу цIыкIу. Зыхуэгъэшэч, си дахэ. Москва удэдгъэтIысхьэжынущ тIэкIу дэкIмэ… — си анэр къызодэхащIэр Iэ щабэкIэ, псалъэ IэфIкIэ. Дапхуэдэу сымыIеями, сощIэ фIыуэ сыкъызэралъагъур. Адэ-анэрщ си дунейр.
Мамэ жыхуиIар къэмыс щIыкIэ хъыбар бзаджэ сызыгъэгуIэ зэхызохыр. Алим хъыджэбз ихьащ. Ари Зухрауэ къыщIокI. Сыгъуэгт, мыщэ щабэ цIыкIу Алим къызитауэ щытар бгъэм кIэрыскъузэу. Гум къэкIыжт си щIалэри си ныбжьэгъу хъыджэбзри. Ди зэхуэзэхэри, ди зэпсалъэхэри. Си жагъуэщ пэжу къысщыхъуахэр нэпцIу къызэрыщIэкIыжар. Сыкъагъэсэбэпу сызэрыхыфIадзэжари къызохьэлъэкI. Ныбжьэгъугъэри, лъагъуныгъэри къызэпцIыжат. Иджы къызгурыIуат, Зухра си IэфIыр ишхыу къыщIызбгъэдэтар. ЩIалэ, езым нэ зрищар дэсхьэхати арат. Ежьэу щысауэ къыщIэкIынщ ди зэхуаку къыщыдыхьэным. Зэм си гур сфIожалIэ лIэныгъэм. Ауэ, а гуауэр зытеслъхьэнхэри сфIэгуэныхьщ.
— ТIэкIу жьы зыщIегъэху, дэкIи къэкIухь! – фызышэ махуэ пщэдджыжьым сыдехур мамэ.
Махуэ псом къалэм сыдэтащ. Ари си гум ирихьащ. Иджы махуэ къэскIэ си нэгу зезгъэужьыну мурад сощI. Ди дунейр псэхущ. Гъэмахуэр хуабэми, сэ щIыIэм сыдесхьэ. Дыгъэр щабэу къызэдэхащIэрт, сыкъигъэвыжыну хэту, арщхьэкIэ къехъулIэртэкъым. Сопсэу икIи сыпсэун хуейщ…
Бжьыхьэм, адэ-анэм сыкъызэрагъэгугъар зэфIагъэкI. Къалэшхуэ мыцIыхум пщэдджыжьым сежьэнут. Арати, зэ закъуэ Налшык зыщысплъыхьыжыну мурад сощI. Къалэ паркыр имыхьэлу нэщIт. Си закъуэт сэри. Псы Iуфэм Iут тетIысхьэпIэм сытесу, дуней дахэм сеплъырт. ЩIыIэтыIэ къэхъуакIэт. Уэшх щабэм къригъэжьами, зызгъэхъейркъым. ТкIуэпсхэр нэхъ ин къыщыхъум, шхапIэ сыщIыхьэну мурад сощIыр. Уэшхыр хуабжь хъурт, сэри сепIэщIэкIт, си щхьэр ехьэхауэ сыздэкIуэм зыгуэрым си цIэр жеIэ.
— Мадинэ…
Сыкъэщтауэ зызоплъыхьыр. АрщхьэкIэ зыри щыIэкъым.
— Мадинэ! – Зэхызохыр аргуэру. Иджы къызгуроIуэр ар къыздиIукIыр. Псы нетIэ сыздыIусар арт. Согъэзэжыр. ЗызмыщIэжу лъапцIэ зызощIыр, сыхуейщ сыхыхьэну. ЛъэбакъуитI сымыч щIыкIэ, си бгым псыр фIихуами, къысфIэIуэхукъым. СокIуэ, макъымкIэ. АрщхьэкIэ, къызэхъулIэркъым:
— Уитхьэлэнущ! – къарууфIэ IитIым сыкъаубыдри сыкъыхахыж. Сышынарэ, сыгужьеяуэ согъыр.
— Мадинэ, къысхуэгъэгъу! – жи щIалэм. Зыри къызгурымыIуэу соплъыр си нитIыр тезмыгъэкIыу. Ар Сэкимэ и щIалэу щытар арт. Зыри жызмыIэу, сIыгъIамэ къызощтэжри, сыщIопхъуэжыр.

ДауикI зыми жесIэжакъым къэхъуар.
Пщэдджыжьым зэрытедухуауэ, кхъухьлъатэхэр здытелъэтыкIым жьыуэ дыкIуащ. Си рейсыр зэрыжаIэу, благъэхэм сэлам ясхыжри, си анэр си гъусэу дотIысхьэр кхъухьлъатэм. Ар егъэлеяуэ инщ. Шэнтхэр щырыщу зэбгъэдэту лъэныкъуитIымкIи къохыр. Я зэхуакум цIыху зекIуапIэ зэв иIэщ.
Ди билетым ит тетIысхьэпIэр, бжэм деж щыт хъыджэбз лъагъугъуафIэм дегъэлъагъур. Ещанэ щхьэгъубжэ хуэхъурейм хуэзанщIабзэу шэнтищым тIур дыдейт,

Щыуагъэ къэбгъуэтам къыхэгъэщи ипIытIэ Ctrl+Enter.

Напэхэр: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

Зыхыхьэр: КIарэ Альбинэ, Прозэ

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 5 290

Сообщить об опечатке

Текст, который будет отправлен нашим редакторам: