ГушыIэ: ЦIыхухэр зэкъуэшщ, ауэ псори акъылкIэкъым.
Къуажыхь: Къуажэр зыгъапцIэ, пцIым кърихьэкI. (КIыгуугу)

Си Iэлъыныр узот

зысхуэгъэхъейтэкъым. СхулъэкIтэкъым пэшым сыщIэкIуэтэнуи, згъазэу сыIукIыжынуи. Абдеж жьы къыкъуэуар сэбэп схуохъур. Бжэмрэ, щхьэгъубжэмрэ жьы зэпеуэм макъ ищIу Iуехыр. Гу къыслъатэр мобыхэм. ЦIыхубзыр къыщолъэтри, щхьэгъубжэр хуещIыр.- Къеблагъэ! – жи, зыкъысхуигъэзауэ.
Абы сыхуэныкъуэт сэ иджыпсту?! Сыхуейт Молэ зэхищIыхьхэр къыдэзгъэжеину, и нитIыр хузэтесхыну. Апхуэдизу сабэхэр зытрихуж щIалэжьыр нэгъуэщI хъыджэбзхэм зэреплъыр къезгъэщIэнут. Ауэ сабийм сыщысхьащ. А тхьэмыскIэ цIыкIур сфIэгуэныхь хъуати, сащыгуфIыкIри, сыщIэкIуэтащ. Тэмакъым къытрихьа тыкъырым сигъэпсалъэртэкъыми, сыщэхут.
— Мыр Мадинэщ.
— А, къэсщIэжащ, а жыхуэпIарауэ къыщIэкIынщ! – жи хъыджэбзым.
— Мыращ шэр схэзыхыжар… — жеIэр зыгуэрхэр. И щхьэгъусэри къызоплъыр, упсэу жиIэурэ. Сэ сыщысщ зыспIытI-сызхузэу. ИТIанэ, Молэ и щхьэр ещIри, цIыхубзым сабийр иIыгъыу щIокIыр.
— Сыт укъыщIэкIуар? – и макъым губжь гуэр хэтщ.
— Услъэгъуну, сыпщIэупщIэну. Хъунутэкъэ? – къарууэ схэлъыр зы сощIри, сотыжыр жэуапыр.
— Хъуакъэ, зызэрыпщIымкIэ нэгъуэщI гуэрщ уэ узыхуейр.
— Пэжщ. Иджыпсту нэгъуэщIщ. СыкъыщыкIуэм уи Iуэху зытетыр къасщIэну арат, ауэ иджыпсту услъагъу зэрымыхъур бжесIэнущ. Зыбгъэпэжыурэ, пцIыупсыжьу укъыщIэкIащ.
Ар къызоплъыр, си псалъэхэр къыгурымыIуэ хуэдэу.
— Укъызэмыплъ мыпхуэдэу! – сокIийр зызмыщIэжу.
— Мыр сымаджэщщ, уи унэ щыкIииж. Уэ сыбдэгушыIамэ, къипха къомыр сыт?
— Дауэ… укъыздэгушыIауи? – схуэщIыркъым си фIэщ. Зэм зыр, зэм адрейр ироджэгур си гурыщIэм, гъащIэм. Дауэ апхуэдэу зэрыщытыр? Сыту насыпыншэ дыдэу сыщыт…
Зы дакъикъэм нэм щIокIыжыр иужьрей махуэхэр.
— Уи жагъуэ умыщI, Мадинэ, уэлихи хъыджэбз дахэм сыдэпхьэхати тIэкIу сыджэгуа къудейм. Ди тхьэшхуэм уигъэфIащ уэ теплъэкIэ!
— ЦIыхукIэ уджэгуфыфэ птеткъым…
— УкъызгуроIуэр, ауэ сэ унагъуэ, зэрыплъэгъуащи сиIэщ. ПщIэнукъым, нэхъ япэIуэу дызэхуэзатэм.
— И Молэ, — сыхэтщ сыпыгуфIыкIыну, — моууэ сегупсысат, сигугъат сынасыпыншэу, ауэ иджы сощIэр, сызэрыщыуар. Насыпкъэ, уэ пашэгъу узэрысхуэмыхъуар? – дэнэ къисхами сщIэртэкъым мыпхуэдэ къару, ауэ зы нэпс напIэм къытелъэдами, къезгъэхуэхкъым.
— Тхьэм узыншэ дыдэ уищIыж! — Сыкъыщолъэтри, сыщIожыжыр.
Гъуэгу сыздытетым сызыщыгугъамрэ, зэхэсхамрэ сагъэгумэщIт, и псалъэ бзаджэхэм сигу пIыщIам зыхасэрт. «СыбдэгушыIамэ…» — ар гушыIа къудейт…
Сыту сыкъарууншэт сэ мы дакъикъэхэм. СыздэкIуэри, сыщIэкIуэри сымыщIэурэ уэрам сымыцIыхухэм сытетт сыгъуэгыу. Зэуэ нэщI хъуат си гури, си псэри. Зыри къысхуэмынэу иуныщIат пцIым. Гу къакIыжхэр къыстехьэлъэрт, ахэр къызэуэрт си лъакъуитIыр щIаудыну хэту. Дунейр ину, сэ сыцIыкIунитIэрэ гу къыслъамытэу сапIытIу сфIэщIт.
Пщыхьэщхьэм си унэ секIуэлIэжащ. Нэху щыхукIэ гъыным сыкъыдэхуакъым. Нэхущым сыхьэт зыбжанэкIэ сыIурихати, абыи щызолъагъур Сэкимэ. МахуэщIэм, пэдджыжьыжхи сымышхэу, кхъэмкIэ сыдэкIыну мурад сощIыр. Сыхуейт сыдэуэршэрыну Сэкимэ. Адэ-анэм жаIэм семыдаIуэу, сыдокIыр, удз гъэгъа и фIэфIу жыхуиIар сIыгъыу:
— Мисыр, сэ дуней бзаджэм сыщыIэщ, уэ щIым – сIыгъыр хьэдащхьэм теслъхьауэ, лъэгуажьэмыщхьэу сыщхьэщысщ. Нэпсым игъэбэга нэгум псы шыугъэр ирожэ, ибжьэу. Сыздизакъуэм, си макъыр сутIыпщауэ согър, сыIущащэу:
– Сэкимэ, зэи дызэныбжьэгъуакъым, ауэ, нэхъыфI дыдэу слъагъу сфIэкIуэдам хуэдэу, си гум ущIыхьащ. Си хъыджэбз цIыкIу… КхъыIэ къысхуэгъэгъу. Къысхуэгъэгъу…
Зэманыр къысфIэIуэхутэкъыми, сщIэркъым дапхуэдизрэ сыщысами. Гуауэр куууэ псэкIэ зэхэсщIати, гу лъыстакъым гъунэгъу схуэхъуаIауэ зэрыщытыр, езым зыкъысхуигъэзэхукIэ. Аращ дунейми сыкъытезыдзэжар:
— Уэра Мадинэ жыхуаIэр? – щIалэ макъ си щIыбымкIэ щызэхызохыр.
Си нэпсхэр еслъэщIэкIыурэ, зыкъотэджыжри, сыкъызогъазэ. Си пащхьэм къитщ цIыхухъу лъагэ къамылыфэ. Ар къызоцIыхужыр. Арат, сыщаIуIам си пщIыхьым хэтар.
— Сэращ. Уэ хэт ухъуну? – соплъыр си нитIыр къихуу.
— Сэри? – сигъэщIагъуэу къызоплъыр, — Щауэ мыхъу щIыкIэ, нысащIэр зыфэкIуэда! — гузавэм и макъыр кIэзызу зэхызощIэр.
— Тхьэм пщимыгъэгъупщэкIэ.- ЗумыгъэфэрыщI! ЦIыху зыхэдз пщIыуэ, уэмыщхьхэр зумыпэсу щытауэ, иджыпсту щIы щIыIэр унэ зыхуэхъуар уигу щIэгъуу си фIэщ хъунукъым. Хэт ухуейми къэгъапцIэ, ауэ сэркIэ пхузэфIэкIынукъым. ЗызыщIэкъуи, мыбы афIэкIа укъыIумыхьэ!
— Сыкъуэншащ. Къысхуэгъэгъу… — арщхьэкIэ, къызэплъкъым. Сыным Iэ щабэу делъэ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

Зыхыхьэр: КIарэ Альбинэ, Прозэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 5 336

Сообщить об опечатке

Текст, который будет отправлен нашим редакторам: