ПсынщIэрыпсалъэ: Жамыбгъэ бгъэгу хужь мэжьэгъуашхэ.
Псалъэжь: Хьэтыкъуейм тегъэзэж я жагъуэщ.
ГушыIэ: Махуэ ещанэ хъуауэ сынэжьэну сыхуейкъым.
Къуажыхь: Ди боушхуэ къаз хъушэ щIэсщ. (Дзэ)

Си Iэлъыныр узот

сыщыхьа абы? Къызэпсалъэ жысIат? Е, нэгъуэщI еплъауи? Ари зэикI къэмыхъун Iуэхущ. Сэ схуэдэ игъуэтынукъым!
— Сэ зэи сахъуэжынукъым! – си Iупэр зэтызокъузэ, — Уэ губзыгъэ Iейр щхьэ мыпхуэдэ гъуэгупцI утеува хъуа? ЖыIэт?
Ар щIогуфIыкIыр.
— ЩыIащ зыгуэр. ИужькIэ къэпщIэнщ – и макъ щабэу щытар нэхъ ткIий къохъур – къапщтэм, гъуэгу захуэмрэ къуаншэмрэ уэ щIызэхэбгъэкIын лъэпкъ щыIэкъым.
— ГъащIэр дэ езым доухуэ. Ухуеямэ къабзэлъабзэу улажьэрэ къэблэжьыжыр пшхыуэ удэтынт. Нэмэзлыкъым утесу уи унэ ущIэсыжынт – си макъыр мэкIэзызыр. Сыщошынэр, ауэ къызэрезмыгъэщIэн сыхэтщ.
— Дэ езыми? НтIэ щхьэ умыухуарэ? Сыт уэ плъэгъуар? Зыри мы дунейм щызэхэпщIакъым иджыри. ЗэфIэкI гуэр уиIэу, Iуэху къебгъажьэу и кIэм нэбгъэса? А гъащIэ бгъэIум зыри хэпщIыкIкъым. ПщIэрэ, цIыху щэхуу псэум Iэщэ къыщIищтэфынур? Уэ уи унэ хуабэ цIыкIум, адэ-анэм я къуагъ укъуэсу уесащи уи гупсысэкIэхэри сабий гъэфIам ещхьщ. Къулей шыр ухъужу. Зыгуэр къыпхуищIэфрэ уи ахъшэм? Щыгъын хъушэ кърибощэху, уегъашхэ, ауэ псэр дзапэкIэ щыпIыгъым деж зыкIи къыпхуэсэбэпыжкъым. Зэи зыхузэфIэмыкI удэIэпыкъуа хъункъым, дауикI! Зы щIалэм укъидатэкъыми, зыбгъэпсэхуну укъэсащ, уи еджэгъу гуп къыздэпщтэри. Мы цIырушырухэм къахэбгъуэтэн уи гугъауэ къыщIэкIынт зэран дымыхъуамэ. ЗэгъащIэ-тIэ, си ныбжьэгъу жыхуэпIэхэм зы закъуэщ къыпхуэпэжари, къыпщIэупщIари, укъызыфIэIуэхуари. Зыбгъэдэгъуэу зыхэпшурэ удэтауэ къыщIэкIынщ. А уи фIыр бдагуэшащ иджыри къэс «ныбжьэгъухэм», ауэ гугъуехь фыщыIущIэм фызэбгрылъэлъыжащ! Арат фызэрыхъури? Фи зэхущытыкIэр зэрыфейцей! Дауэ мыхъуми, ухьэщIэмэ унэр зэхэбутэну къыплъысыркъым. УпщIэншэщ!
— Щыгъэт! — и псалъэхэм сыкъызыIагъыхьауэ сокIий.
— УпщIэншэщ! – ауэ къызэдаIуэркъым. Сапэ памцIэмкIэ си гур зэхачатхъэу къысфIощI. Си тхьэкIумэм къыщоIуж и псалъэхэр.
Мобыи щигъэтыжу, сэри нэхъ сабыр дыщыхъужым сыщIоупщIэ, жыхуиIар хэтми.
— IэплIэ зэпшэкIа хъыджэбзыращ. Сурикураторщ жиIащ зыгуэрми. Ар щэ? Апхуэдизыр епшажьэу, ущIэкIуэныр сыт хьэдрыхэ нэс? Нэсри къэсыжауэ Iущу къыщIэкIащ. ЩIалэшхуэ абрагъуэ фи гъусэхэр – щэ? Iэщэ тIыгъхэм щышынами, апхуэдизу я шынэр щIагъэлъагъуэр сыт? Уэ лIыгъэ пхэлъыр куэдкIэ нэхъыбэщ, абыхэм еплъытмэ. Зы закъуэ, арикI суIаращ нэхъ зызыIыгъари, лIы хуэдэу щытари. КIэщIу жыпIэмэ, зыбгъэпагэу зыхэпшми, Мадинэ, укъэгъэсэбэпыгъуафIэщ. Апхуэдэу ущытыхукIэ, я лъакъуэхэр къыптралъэщIыхьынущ цIыхухэм. УщалъагъукIэ гуфIэу, уи щIыбыр зэрыбгъазэу, ухаутэу. Ара ныбжьэгъугъэ жыхуаIэри? Апхуэдэу къызэрыбгурыIуэр? Уи гур щIэкIэзызыкIыу, уатогузэвыхь. Езыхэр апхуэдэкъым. УакъыфIэIуэхукъым зыми…
Сыту сытхьэмыщкIэт сэ? А дакъикъэм щIыр зыгуэхуу сыдэхуамэ, е уIэгъэм силIыкIатэмэ, нэхъыфIтэкъэ? Сэ сызэгупсысын сызыщышынэхэр наIуэу плъагъуу къыщIокIыж. Си Iэпкълъэпкъыр зыгъэузыр зырикIт, си гур къэзэрыхэузыкIам елъытауэ. Нэпс къудамэ напIэм къытелъэдар згъэпщкIуу, си щIыбыр хузогъазэ. АрщхьэкIэ къысхуидэркъым.
— Сухакъым сэ иджыри. КъыщедгъэжьакIэ къызэдаIуэ! Ахъшэр дэфпхъейуэ, къулей бынхэр фызыхэтщ. Ауэ, зым зыгуэркIэ и Iуэху мыхъурэ, къыфкIэрыхум, зыхэвгъыхьэжынукъым. НтIэ, ухуеймэ дэ, ухуейм умыдэ – мылъкур къэгъуэтыгъуафIэщ икIи кIуэдыжыгъуафIэщ. Ныбжьэгъугъэ, лъагъуныгъэ къабзэр, пщIэ зыхуэщIыныгъэ апхуэдэ нэгъуэщI куэди зэман кIыхькIэ къыщумылэжьыфи щыIэщ. Ар гум къыщыбгъэдэкIыращ щыкъабзэри, насып къущитри. Армыхъумэ, къэпщэхуам и фэр щIэх мэкIуэд. Къапщтэмэ, узыщымысхьу хъуар апхуэдэщ. Зумыхьари уимыIари зыщ.
Молэ и псалъэхэм сэ папцIэу зыкъысхасэрт. ПцIы сыщыпсэур пэжкIэ зэтрикъутэрт. Ар дыджми нэхъыфIщ, натIэкIэ сеуэу сыкъызэрыувыIэжар. Зезгъэсэн хуейщ псэукIэ, щыIэр Iейми къасщтэу, си щхьэр къэзмыгъэпцIэжу.
— КъыбгурыIуа иджы уи утыкур инми, гукIэ, псэкIэ узэризакъуэр?
Си щхьэр сощI. Сэ абы арэзы сытехъуэу.
— Ауэ, уэ езыр уныбжьэгъуфIщ. Хьэм ущысхьу, уи псэр птыну ухэтащ. Къапщтэмэ, мыбы щыIэхэм а зырщ ныбжьэгъукIэ узэджэ хъуну сэ слъэгъуар.
— КхъыIэ сыгъэлъагъу. Си Мыщэ сегъэплъ — солъэIур си нэпсхэр

Щыуагъэ къэбгъуэтам къыхэгъэщи ипIытIэ Ctrl+Enter.

Напэхэр: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

Зыхыхьэр: КIарэ Альбинэ, Прозэ

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 5 290

Сообщить об опечатке

Текст, который будет отправлен нашим редакторам: