ПсынщIэрыпсалъэ: Пхъэр сошэр – пхъыр сошхыр.
Псалъэжь: Гъэми щIыми зи павэжь.
ГушыIэ: ЦIыхухэр зэкъуэшщ, ауэ псори акъылкIэкъым.
Къуажыхь: Быныр зыгъашхэ, шхалъэм дэпкIэж. (Бжэмышх)

Си Iэлъыныр узот

щIогъури, сыкъызэтоувыIэж. Сэр къызощтэ.
— Ар упщIыIужакIэщ. Къэгъэплъыж.
ЖиIар согъэзащIэри, сыбгъэдохьэр. Ар спиртым ину еIубри и Iэ иджыри къэс зыкIэрикъузар хуэмурэ къетIатэр. Си нэр къихут сызэIусэнур къыщыслъэгъуам. ЛIы Iэпкълъэпкъ быдэм зикъузт. Лым къару куэд зэрехьэлIар къапщIэу шэщIат. АпхуэдизкIэ лъы защIэти, къысхуэлъагъуртэкъым сызэIэзэнур. И Iэблэм хъурей фIыцIэ цIыкIу къыхэслъагъукIыху зэпызоплъыхь, итIанэ си нэр соуфIыцIри, лIыгъэу схэлъыр зэхызолъхьэ. Iэпэ кIэзызхэмкIэ сэр соший. Молэ мэгурым. ЩэIуурэ, адрей IэмкIэ стIол дзакIэр быдэу екъуз.
Шэм япэу сыкъыщеIам зигъэхъеякъым. ЕтIуанэу сыщылъэIэсым къыхэхуащ, лъыр уэру къижу. ГъущIым макъ ищIу лъэгум щехуэхым, щIалэр нэхъ кIащхъэу къэбэуэжат, и фэр пыкIами. Лъыр къэувыIэртэкъым. Сигу къокIыж, быдэу уIэгъэ здытелъыр спхэн зэрыхуеяр. Сэбэп хъужынуми сщIэркъым, ауэ пызопхыкI бинткIэ лъэныкъуитIымкIэ. КъапщIэу лъыр нэхъ мащIэ мэхъу. Иджыри бинт къыпызотхъри, перекиськIэ солъэщIыр.
— ТекIэ! ФIей ирихьэ хъунукъым, — жи макъ ткIийкIэ, ар къарууншэ хъуащи мэкIэзыз.
Псалъэншэу и унафэр согъэзащIэр. Бинт къабзэкIэ пызопхыкIыжри, шэнтым сотIысэх, зысхуэмыгъэхъеижу. Дакъикъэ зыбжанэкIэ тIури дыщэхущ. СтIолым дыбгъэдэсщ, ди зэхуакум фочыр дэлъу. И щхьэр блыным кIэригъэщIауэ нитIыр зэтрекъузэ. Ар уз зезыхуэр токым хуэдэу си Iэпкълъэпкъым пхырыжу къысфIощIыр. АпхуэдизкIэ сфIэгуэныхьти сэбэп сыхуэхъуфыну сщIатэмэ, схузэфIэкI къэзмыгъанэу сыдэIэпыкъунт. Дапхуэдэу дунейм темытми, ари цIыхущ, анэ къилъхуащ.
— Уей, угъэщIэгъуэным уэ хъыджэбзыр, — зэманыфI дэкIауэ къобэдзэуэжыр.
— Сыту?
— Мыр къапщтэу – и щхьэр ещIри фочымкIэ, — укъызэуэу, си гъусэхэри зэтебукIэфынут.
Соплъыр, сытыфэ къызиплъар жысIэу. Езыр цIыхуукIмэ, хэти апхуэдэу къыщIыщыхъур сыт?
— Уи ныбжьэгъухэр къебгъэлынт, уэри уи щхьэр пхъумэжынт!
— Сэ… — сыкъызыщхьэщыжыну къызогъажьэр, ауэ сызэпеуд.
— Догуэт, сыгъэухыт. Уэ е уделэ цIыкIущ, е жаIэ псор уи фIэщ мэхъу, е угуапэщ, уугъурлыщ.
— Утехуакъым! Сигу ныпщIэгъуа къудейщ, – си щхьэр пагэу дызоIэтейр. Гузэвэгъуэ сызыхэтым а псор си гущхьэ къэкIыхакъым. Пэжыр жысIэнщи, сщIэркъым сытым къыхэкIми, ауэ дзыхь хузощIыр. ИкIи си фIэщщ и псалъэхэр иIыгъыжыну.
Ауэрэ зэманыр ипIэм иткъым. Ар пIащIэурэ йокIуэтэкI. ЩIыбымкIэ кIыфI къохъу. Мо гъуэгу дыздытетам, нерв згъэкIуэдар хыхьэжри, зызмыIыгъыжыфу блыным зыкIэрызогъащIэр сэри. АпхуэдизкIэ сешати, зыхэзмыщIэурэ сыIурех. Дапхуэдизрэ сыжеями сщIэркъым. Ауэ сыкъыщызэщыуам пщэфIапIэ плIанэпэм хэт шэнт кIыхь, зыкъэзыгъэшыжым сытелът, Iэдял гуэр къыстепхъуауэ. ПщIыхьым сыхэтауэ къысфIощI, зыри къэмыхъуауэ. Мы

Щыуагъэ къэбгъуэтам къыхэгъэщи ипIытIэ Ctrl+Enter.

Напэхэр: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

Зыхыхьэр: КIарэ Альбинэ, Прозэ

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 5 290

Сообщить об опечатке

Текст, который будет отправлен нашим редакторам: