ГушыIэ: Си нэм езгъэплъати, азбукэр зэзгъэщIэну къызжаIащ.
Къуажыхь: Ди джэд хужь цIыкIу псыбафэщ. (Кхъуей)

Си Iэлъыныр узот

къыслъегъэIэсыр. Си нитIыр щоункIыфIыкI асыхьэтым. Си пщыхьэпIи къыхэхуакъым мыпхуэдэ къэхъуфыну. Ар сщIамэ? Емынэм сызэрихуат? Щхьэи къэсша? Мыпхуэдизым я псэр сэращ зыIыгъыр. Зэрышынагъуэр ящIамэ, зыри къэкIуэнтэкъым. Си адэ-анэ апхуэдизу сакъхэр сыту щыуа? Гулъытэншэу сэри сыкъыщIэкIащ.
— Зыми фыкъыдэIусэнукъэ? – пэжыр зэрызэхэзмыхынур сщIэми, сыгугъэу, сопсалъэ. Адрейхэр сщIэркъым, ауэ мыбы ди Iей зэримыхуэну, псэууэ дыкъигъэнэну къысщохъур. Сыщымыуамэ арат.
— Хьэуэ. Псалъэ узот, щэхуу, жыIэдаIуэу фыщытмэ, фэ зыри къыфщыщIынукъым. Ауэ…
— ПцIыщ абы жиIэр. Ар къыдэмыIусэми, и гъусэм нэкIэ дызэтриукIакIэщ! – Хьэсэн къыдоуэр. Сабыру зэрыщытам къытенами сыт хъунт.
— Щэхуу, жысIакъэ?! Мадинэ, уи ныбжьэгъухэр гъэсабыр. Армыхъумэ… – и фочыжьыр егъэпIий макъ иригъэщIу и щхьэм телъыр къытреш.
Хьэсэн соплъыр – зыIыгъ.
— УемыIусэ зыми! ЖыпIэхэр ди унафэщ.
— Мисри, цIыху губзыгъэу укъопсалъэри! СфIэфIщ мыпхуэдэхэм Iуэху дэсщIэн.
Езыхэм яфIэфIу пIэрэ? – согупсыс.
Ди жып телефонхэр къытIахыр, адрей и пашэгъухэри къыкъуокIри, дыкъаухъуреихь. Ахэр цIыхуипщI хъууэ къыщIокIыр. Къыдоплъхэр нэ IейкIэ, дафIэпуду, дафIэIейуэ. Абыхэм Iэщэ къешэкIахэр шынагъуэщ. СщIакъым апхуэдиз фоч зэмылIэужьыгъуэ щыIэу. Дэнэ щысщIэнт? Си адэр

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.

Напэхэр: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30

Зыхыхьэр: КIарэ Альбинэ, Прозэ

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 5 336

Сообщить об опечатке

Текст, который будет отправлен нашим редакторам: