ПсынщIэрыпсалъэ: Бадэ бадзэ къеубыд, Бадэ бадзэм иреуд.
Псалъэжь: ЩIалэгъуэрэ дахэгъуэрэ зимыIэ щыIэкъым
ГушыIэ: Лейхэр псори - сабийхэм!
Къуажыхь: Зи цIэ изыIуэж мыкъурт. (КIыгуугу)

Анэм и гур

Жэщ псом си нэр схузэтепIакъым. Си гупсысэмрэ гум гъэпщкIуауэ уз илъымрэ зы схуэхъужат, зэхэзэрыхьыжат. Хьэлъэт гъэмахуэ шылэ жэщым и хуабэри. Арыншами, махуэ зытIущ хъуауэ, зыгуэр къыстехьэлъэрт, си гущIэр пипIытIыкIыу. Къысщыхъурт зы Iей гуэр къэхъуну. КъысщыщIынкIэ хъунухэми сахэгупсысыхьырт. Бынхэм, щхьэгъусэм, адэ-анэм я дежкIэ си гур схуэмыубыду кIуэрт. Абыхэм я зыхэз сфIэкIуэдыну къысщыхъурт. ИкIи сышынэрт апхуэдэ гуIэгъуэр схуэмышэчынкIэ. А щытыкIэ Iейм сызэришхыр унагъуэм яжесIэфыртэкъым. СхузэфIэкIамэ, ар сэ езым зыщызгъэгъупщэжынт. Сыт мыгъуэу пIэрэ, ярэби? Си къуищри, сипхъу закъуэри, щхьэгъусэ- ри узыншэщ. Хэт мэлажьэ, хэти йоджэ. Ефэ, зауэ яхэткъым. Ди хъуреягъыр благъэрэ, ныбжьэгъурэщи, узымыгъэпэжын къахэкIыну сигу къэкIыххэркъым.

Анэгур жьы мэхъу — жысIэри, си нэр зэтеспIащ. МащIэу къыстеуа жейр сымыгъэкIуэду, зестащ. Си нэр зэтеспIэным къещэу щыса нэхъ- ей, пщIыхьэпIэм занщIэу сипхъуэтащ. Псом япэ щIэкIыу школым кIуэн хуей си пхъур гуфIэу къызбгъэдэтщ. ЩIалэхэми а я зы шыпхъур зэрагъэфIэнур къахуэгъуэтыркъым. Щхьэгъусэм абы саугъэт дахэ хуищIащ. Дэтхэнэми и нэгур хуиту слъагъурт. Псом я нэри нэхут, гуфIэгъуэр щIэзу цIурт. УнагъуэмкIэ сэри сыгушхуэрт. Пэшым удз гъэгъам и мэ гуэр къыщIихырт. Апхуэдэмэ зэи зэхэсщIатэкъым. Сыт хуэдэ удз ар къызыпихыр? ИужькIэщ къыщысщIар лIэныгъэм и мэ гуащIэр. ЗанщIэу сыкъэгужьеящ. Си нитIыр быдэу зытызокъузэ, шынэ къэсщтащи. ФIыуэ слъагъу икIи сцIыхухэр дахэ-дахэу си нэм къимыубыдыж, сымыцIыхуж хъуат. Абыхэм я гуфIэгъуэр кIуэда, я нэгухэм уз къищ хуэдэу къысфIэщIырт. КIий макъ гуэр къэIурт: «СынолъэIу, сIэщIумых!».

Ар сэрат.

Сыкъэушри, си Iэ пщIэнтIахэр кIэзызу щхьэнтэр скъузащ. ИтIанэ гъуэлъыпIэм ситIысхьэри, си гур къикIэзызыкIыу кIыфIым куэдрэ сыхэплъащ. Си щхьэри къэузат. Слъэгъуар пщIыхьэпIэм зыкIи ещхьтэкъым. ПщIэнтэкъым къэхъупауэ фIэкI. Гугъу сехьыпэу сыкъэтэдж- ри, си щхьэгъусэр къызэрызмыгъэушын сыхэтурэ, пщэфIапIэмкIэ сыкIуащ. Псы щIыIэ къизгъахъуэри сеIубащ, сыхьэтым сыхуеплъэкIыурэ. Щым нэсат. IIэкIу дэкIмэ, нэху щынут. «Зыхуэгъэ- шэч!» — жесIащ си гум. Хуэмурэ си бынхэм сахэплъащ. Ахэр IэфIу жейрт.

Си пхъум и бостейм си Iэр иризгъэкIуащ. Нэпсхэр напэм хуэмурэ къожэх, къысщыщIар къысхуэщIэркъым.

«Ялыхь, дыщыхъумэ!» — жызоIэри, си пэшымкIэ соунэтIыж.

Щыуагъэ къэбгъуэтам къыхэгъэщи ипIытIэ Ctrl+Enter.

Напэхэр: 1 2 3

Зыхыхьэр: КIарэ Альбинэ, Прозэ, Рассказхэр

Уи цIыхугъэхэм къегъащIэ!




Зыгуэр къэптхыным:

Иужьрейхэр

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 470

Сообщить об опечатке

Текст, который будет отправлен нашим редакторам: