Псалъэжь: Хэдэ мэдэхъу.
ПсынщIэрыпсалъэ: Пыжь пызу пыту жыг.
ГушыIэ: ПсынщIэу къэпщтэжар емыхуэха хуэдэщ.
Къуажыхь: IэфIыр зыгъэдыдж, дыджыр зыгъэIэфI. (Шыгъу)

УздэщыIэр

Къэплъыхъуэр

Мыбы епхахэр ‘«Шыхулъагъуэ» хасэм хэтхэм я прозэхэр’

Мы гъэм мэракIуэр мышущ

Къизылъхьар: "Шыхулъагъуэ", . Зыхыхьэр: ГъукIэкъул Иринэ

— КIунэ, хьэм ямышхыжын хъыджэбзыжь цIыкIу, мыдэ къакIуэ!
Хьэрун губжьауэ иреч-иресэ.
— Сыт къэхъуар, Даа? – езым нэхъ цIыху мамыррэ тыншрэ дунейм зэрытемытыр и нэгум къигъэлъагъуэу илъэсипщIым ит хъыджэбз сырыху цIыкIур бгъэдохьэ дадэм.
— А зи унагъуэр бэгъуэн, мы джэдум сыт епщIар?

Лъагъуныгъэ уз

Къизылъхьар: "Шыхулъагъуэ", . Зыхыхьэр: Нартокъуэ Анжелэ

Илъэс зыбжанэ мэхъури, зигъэпагэу, пкъы псыгъуэ, щхьэ бацэ хъужу, зы балий жыг итщ ди хадэм. Ар си анэм сэрэ хэтсауэ щытат. Арагъэнт абы сэ нэхъ гулъытэрэ пщIэрэ хуэсщIу, псыкIэ сыщIыхуэсакъыр, и жьауэм зызгъафIэу си зыгъэпсэхугъуэ зэманыр щIыщызгъакIуэр.

Гум и лъагъуэ

Къизылъхьар: "Шыхулъагъуэ", . Зыхыхьэр: Нартокъуэ Анжелэ

Гъэмахуэт. Июль мазэт. Дунейр хуабэт. Зэныбжьэгъу хъыджэбз цIыкIухэр помидор щIэч губгъуэм дыкIуэрт. Махуэм и кIыхьыгъуэрэ икIи мо хуабэм къыщыттехьэлъэ къэхъурт. Ауэ улахуэр тэмэму къыдатти, гугъуехьри псынщIэу тщыгъупщэжырт. ПщIэнтIэпскIэ къэдлэжьа сомым дыщыгуфIыкIыу дыкъэкIуэжырт.

Псэ псори зэныбжьщ

Къизылъхьар: "Шыхулъагъуэ", . Зыхыхьэр: Нартокъуэ Анжелэ

БжьыхьэкIэт. Жыгхэр пцIанэт, нэщхъейт. ПщIащэхэр щIым щыфыжырт. Пшэ гуэрэнхэм уафэ лъащIэм зыщаубгъуат. Жьы мащIэ зыщIэт уэшх-уэсыр зэхэлъу къехырт.
Дунейр нэщхъейми, щIыIэм пкъыр зэприсыкIми, гум ехуэбылIэу зы хьэблэм, мызу, гуфIэгъуитI дэлът.

Замирэ и гукъэкIыж

Къизылъхьар: "Шыхулъагъуэ", . Зыхыхьэр: Нартокъуэ Анжелэ

— Псалъэ гуапэкIэ, тыгъэ дахэхэмкIэ сыкъыдихьэхат абы, — къеIуэтэж и лъагъуныгъэм и хъыбар Замирэ. КъыскIэлъижыхьырт, дэнэ сымыкIуами, си ужьым итт. Ныбжь нэхъей скIэрыкIыртэкъым. Махуэ лъапIэхэм ирихьэлIэу гулъытэ къысхуищIырт, сигъэгушхуэрт.

Маринэ и гухэлъхэр

Къизылъхьар: "Шыхулъагъуэ", . Зыхыхьэр: Нартокъуэ Анжелэ

Къулъкъужыныпсыр уэрт, бгы лъагэм къыхуэхъущIэу ежэхырт. Псы ежэхыр зыдэт къуэм и джабитIым я зым тесырейт зы щIалэ, и гупэр псым хуэгъэзауэ. Абы ифIэфIт псы ежэхым и макъым щIэдэIуу щысын.

Бланэ щалъху мэкIуэж

Къизылъхьар: "Шыхулъагъуэ", . Зыхыхьэр: Нартокъуэ Анжелэ

Жейбащхъуафэщ дунейр. Уэгу лъащIэм хуэмыхуу зелъэщI. Пщэджыжь дыгъэр сакъыу пшэхэм къызэпхоплъ. Жьыбгъэ щIыIэр уэрамхэм щозэран. ПщIащэ гъуэжьхэр гъуэжькуийм къыдофэ. Къат-къату зэтет фэтэр = унэхэм я щхьэгъубжэхэр зэмыфэгъуу къызэщIонэ.

Зеиншафэщ уэрыншэ дунейр…

Къизылъхьар: "Шыхулъагъуэ", . Зыхыхьэр: ГъукIэ Маринэ

Уэс цIынэ къесагъащIэм лъэгуажьэкIэ сыхэувэри гъущI хъар щIыIэм си нэкIур кIэрыслъхьащ. Хъарым си Iэр дэсшийкIыурэ псэкIэ спэжыжьэ хъуа цIыхум сылъэIэсыну сыхэтщ. Ауэ ар сыт щыгъуи хуэдэу спэжыжьащэщ. Сэ сыкIэлъыIэбэху езыр IуокIуэт.

Жэнэтым лъэтэжхэр

Къизылъхьар: "Шыхулъагъуэ", . Зыхыхьэр: ГъукIэ Маринэ

«Жэнэт бзууэ лъэтэжа» сабий псоми фэеплъ яхузощI

ГъащIэм цIыху куэдым нэIуасэ дащыхуохъу. Языныкъуэхэм гу ялъыдмытэу, псэуми мыпсэуми дымыщIэу, гъащIэу диIэр идохьэкI. Ауэ щыIэщ нэгъуэщI гуэрхэри, дымыщIэххэу ди гъащIэм къыхыхьэрэ лъэужьышхуэ къыщагъанэу, апхуэдабзэуи псынщIэу хэкIыжу. Мис апхуэдэ зыщ зи гугъу фхуэсщIынур. А хъыджэбз цIыкIур си гъащIэм къыхыхьэу зэрыщыхьэщIар зы илъэс закъуэщ, ауэ иджыри къыздэсым ар си гъусэу къысщохъу.

Удз гъэгъам дэгъужхэр

Къизылъхьар: "Шыхулъагъуэ", . Зыхыхьэр: Къаныкъуэ Анфисэ

И щIалэгъуэм цIыхубз гурыхьу щытауэ къыщIэкIынущ Даринэ. КъощIэ ар: цIыхубз псыгъуэ кIыхьыр сытым дежи гуфIэжу, дунейм къыщыхъу псори зыфIэхьэлэмэт сабийм хуэдэу и напщIэр Iэтарэ, и нитIыр къилындыкIыу, щIыфэ хужь щабэм хуэщIыхуфэу къызэпхырыщ лъынтхуэхэм, гурыщIэ щэхухэм кърахуэкI лъы пщтыр ирижэр и Iэпкълъэпкъым иджэгухьыу, къызэщIигъанэрэ нэкIущхьэплъ гуакIуэ къищIыу… Даринэ и ныбжьыр илъэс тхущIым фIэкIами, дэтхэнэ цIыхубзыщIэ цIыкIум пеуэфыну зэкIэлъыкIуэщ, къабзэлъабзэщ. Хъыджэбз Iэпкълъэпкъщ, лантIэщ.

Уд гъащIэ

Къизылъхьар: "Шыхулъагъуэ", . Зыхыхьэр: Къаныкъуэ Анфисэ

— Зы дакъикъэкIэ сыпхуейщи, моуэ, къыщIыхьэт, дахэ! – телефон къэ-зууар къыщытесхым ди унафэщIым и макъыр къиIукIащ.
Си гур пилъэсыкIыу сыкъэмэжэлIами, шей пщтыр къэзгъэхьэзырар зэрыупщIыIужынымкIи, «зы дакъикъэр» сыхьэт ныкъуэфI зэрыхъунумкIи шэч лъэпкъ къытезмыхьэу, ещанэ къатым сыдэжеящ.

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 14