Псалъэжь: Гуэн нэщI нэхърэ хадэ нэщI.
ПсынщIэрыпсалъэ: Мыщэр пэщащэурэ мащэм ищэтащ.
Къуажыхь: Ептмэ, къозыт, къуитмэ, берычэт. (Жэм)
ГушыIэ: Гъуэлъыжын хуейщ зэрыжаIэу, сыкъомэжэлIэж…

Ежьащ мафIэгур уафэхъуэпскIым еджэу…

 Ежьащ мафIэгур уафэхъуэпскIым еджэу,

Гулъытэншэу сблэжри щIэпхъуэжащ.

Си гъащIэр сфIощIыр иджы хъуа теплъэджэ.

Гумм гуфIэгъуэр нэпскIэ къетэжащ.

 

ЩIэрыщIэу псэщIэ къысхэзылъхьэ гугъэм

Щысхьыншэу ирижащ мафIэгур.

Насып Iэрылъхьэ палъэу гъащIэ тыгъэр

Къызэрищтар щIэкIащ си нэгум.

 

Дэнэ иджы си тыгъэ лъапIэр?

Хэтхэ деж увыIэпIэ щищIа?

Щхьэ стихыжын хуей хъуа си плъапIэр?

Насып хуэлIэ псэр щхьэ гъущIа?

 

КъызэупщIакъым, сыкъридзакъым щайуи,

Сигум тридза дыркъуэр имыIуэху.

Сэр хуэдэ куэд къыщыхъуххакъым ауи,

А зым мы си псэр егъэпсэху.

 

Здехь мафIэгум си гур, лъагъуныгъэр,

ГугъапIэр, гурыщIэ хутыкъуар.

Къигъэзэжыну хъунщ си дежкIэ зы гъэ…

Къысхукъуэплъыжынщ насып жэкъуар!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, Хъуэжэ Жаннэ, Хъуэжэ Жаннэ и усэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 267

Сообщить об опечатке

Текст, который будет отправлен нашим редакторам: