Псалъэжь: Дунейр чэзущ.
ПсынщIэрыпсалъэ: Мыщэр пэщащэурэ мащэм ищэтащ.
ГушыIэ: Улэжьэну ухуей, гъуэлъ - ухуеижынукъым.
Къуажыхь: Мэфий, мэкIий, хьэкъугъыр къреш. (Жьапщэ)

Къэплъыхъуэр

Ванкувер

Канадэ жыжьэм зэй сыщымыIа,

Ванкувер къалэри соцIыху схужымыIэну,

Ауэ мы си псэм фIыуэ илъагъуащи,

Ди лъахэм слъэкIкъым ар езмыгъэпщыну.

ЩIыналъэ дызэрысхэр зэрызэщхьым

И закъуэкъым мы си гур зытхьэкъуар,

Абы ис лъэпкъхэм я къекIуэкIыкIар

Гуэхыншэу ещхыц адыгэм ягъэвам.

Ди жагъуэ зэрыхъунщи, куэдрэ

Дунейм апхуэдэ къыщыхъуащ,

ЩIыпIэ зэрысхэм и дахагъэм

Ис лъэпкъхэр щытекIуэдэжа,

Псэемыблэжу Хэкур яхъумэжми,

Хамэ залымыр тегацэ щафIэхъуа.

БлэкIар блэкIащ, абы дэ сыти тхуетцIэжын,

Лей зезыхьам дунейм къыщыхуэгъуами,

Дыщыгугъынщ: ахърэтым ар щипшынэжынщ!

Мэпсэу Канадэр, зеузэщI мэбагъуэ,

Ванкувер къалэм вагъуэхэр щолыд.

Олимп джэгушхуэр къыщызэIуахащи,

Нэхъ лъэщхэм бжьыпэр яубыд.

А псом дахагъэу кIэлъызрахьам

Зы уасэ гуэр хуэпщIыну гугъущ.

Олимп хужь джэгухэм кIэлъыплъам

Гуимыхужу ар ящIыгъущ.

 

Псом ящхьэу гуапэ лей сщыхъуащ

ЩIыналъэр зей лъэпкъ цIыкIухэм щыщу

ЦIыху куэд утыку зэрырашар,

Нэхъыжьхэм я къуаншагъ ягъэзэкIуэжу,

БлэкIам и пэжыр наIуэ зэращIар.

ПцIыр сыткIэ щхьэпэ, ахэм сехъуапсащ,

Лей къатехьами, зы пщIэ гуэр ягъуэтыжащ…

Олимп джэгушхуэр IцекIуэкIыну

Чэзур Россием къылъысащ,

Зауэншэу лIыгъэ гъэлъэгъуэным

Сочи къалащхьэу хухахащ.

ИкIи зэманкIэ, хэт ищIэн,

Канадэ щапхъэр хъунщ щхьэпэн.

Ди унафэщIхэм лIыгъэ къакъуэкIынщи,

Ди тхыдэм и пэжыпIэр жаIэжышц,

Лъыпсгъажэ зауэм мыхъуж и уIэгъэр

ЗэхущытыкIэ дахэм дэхъужынщ.

 

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, ШэрIужь Аслъэн, ШэрIужь Аслъэн и усэхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 182

Сообщить об опечатке

Текст, который будет отправлен нашим редакторам: