Псалъэжь: Ебгъэлеймэ, лей къыпщощI.
ПсынщIэрыпсалъэ: Лэныстэ-мастэ-къэбыстэ пIастэ.
ГушыIэ: Махуэр ауэ кIуэдакъым.
Къуажыхь: Ди мэз щIагъ къарсыдзэ щIокI. (Ужьгъэ)

УздэщыIэр

Къэплъыхъуэр

Узэуэн щхьэкIэ къысщыхъукъым хуейуэ упсэун

Уи Хэку пхъумэжу е захуагъэм ущIэбэну

Уи гъащIэм къыхэхуэнщ ущызэуэн,

Ауэ къызгурымыIуэ зэи мы дунейм

Узэуэн щхьэкIэ хуейуэ утетын.

 

IэмальшшагъкIэ къамэ кърихамэ,

ЛIы нэсым пщIэншэу ар иримылъхьэжт,

И Хэку къулейсызыгъэ къылъысамэ,

Зиущэхуу къуэгъэнапIэ къуэмыхьэжт.

 

Жагъуэгъу хуэхъуауэ, къарукIэ пэмылъэщу

ЩыIащ цIыху гъуанэдэуэу зыукIа,

Е я щIыбагъым щэхуурэ епщылIэу,

Бийм хузэфIэкIыр хэзыукIыкIа.

 

Хьэщэхурыпхъуэм, гъуанэдэуэм,

Ди лъэпкъым зэи фэ иримыплъа,

Абы нэмыщIуи, Iэщэ зымыIыгъыр

ТегушхуэгъуафIэ ящIу щымыта.

 

АтIэ, сыт къытщыщIа иджы, си къуэшхэ,

А Iэмал фIейхэм ди щхьэр щхьэ хуэкIуа?

Ди жагъуэ хъун дьщыIущIам мы дунеишхуэм,

Лажьэншэм Iэщэр дауэ къыхуитха?!

 

Ахэм яхэтщ уи къуэш, си шыихъу, уи анэ,

Яхэтщ сабий, зэкIэ мыжэпхъа,

Зэфэну псыр иджыри къэмыжауэ,

Япэ лъэбакъуэр гъащIэм щызыча.

 

Сыт хуэдэ зауэ къыдамыщIылIами,

НэхъыфIхэр хаукIыкIыу екIуэкIащ,

Iэгу изщ дызэрыхъужыр, арыншами,

Зэкъуэш зэзауэр сытым къыхэкIа?!

 

КъытщыгуфIыкIыу ди жагъуэгъухэр

Къэнэжа мащIэ тIэкIур зэроукI,

БлэкIам нэщIэбжьэу хэтлъэгъуахэм

Дерс гуэрхэр къыхэтхын тлъэмыкI.

 

Дыгъуасэти зэгъусэу псори школым

Зы класс дыщIэсу дыщызэдеджар,

Дашамэ губгъуэм гъавэ Iутхыжыну,

Тхьэрыкъуэф Iэнэм дьпцызэдэшхар.

 

Къулыкъу зыIыгъьгр е мылъку зыбгъэдэлъыр

Зи Iуэху хуэмызэм щхьэ елъэпауа,

Мыдрейми лагъым щэхухэр, хэх имыIэу,

Лажьэншэ цIыхухэм дауэ кIэщIилъхьа.

 

Дэнэ къикIа апхуэдиз гущIэгъуншагъэр,

Сыт хуэдэ анэ ахэр къэзылъхуар?

Дин тегъэщIапIэ ящIу зэлъэпкъэгъухэм

Ди якум щхьэ бэлыхьыр къыдалъхьа?

 

Зым жеIэ Iэмалыншэу ди цIыхубзхэм

Iэплъэнкъыу яIэр хуейуэ щIэхъумэн,

Адрейм къытхуешэ щыгъын къэбзыхьахэр,

КъыджеIэ модэм хуейуэ лъэщIыхьэн.

 

АтIэ, абыхэм зэи емыфэгъуэкIыу

ДиIэжщ ди фащи ахэр къэдвгъэщтэж,

Хамэ щыгъыным дыхуевмыгъэплъэкIыу,

Ди фащэр ди пкъым псоми идвгъэлъхьэж.

 

ДиIэжщ апхуэдэу дэ езым ди хабзэ,

НэгъуэщIхэм щапхъэ куэд къызытрахар,

УифI бгъэпудыныр мы адыгэ хабзэ,

Хамэбзэр дэ щхьэ нобэ къыхэтха?!

 

Ихуам хэплъэгъуэ цIыхур и щхьэзакъуэу

И пыIэр ещIыр, жаIэ чэнджэщэгъу.

Чэнджэщ зэтхьэлIэу дызыхыхьэм лъэпкъыр,

Тхэтынт дызыщIыфын зэакъылэгъу.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, ШэрIужь Аслъэн, ШэрIужь Аслъэн и усэхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 188

Сообщить об опечатке

Текст, который будет отправлен нашим редакторам: