Псалъэжь: Щыхум и уасэр и лэжьыгъэрщ.
ПсынщIэрыпсалъэ: Жамыбгъэ бгъэгу хужь мэжьэгъуашхэ.
ГушыIэ: Махуэ ещанэ хъуауэ сынэжьэну сыхуейкъым.
Къуажыхь: Бгырыпхыбгъуэ, лIыбгъуэ кIэщI. (Чей)

Къэплъыхъуэр

Псы

«Псыр псэ хэлъхьэжщ», жиIащ ди пасэрейм.

Псыр псэм хуэзыгъэдэ, гупсысэр зейм

Псым пщIэуэ хуищIым и лъагагъыр

А псалъэхэм, шэчыншэу, уагъэлъагъу.

Псэм пищIа псыр щежэх ди псыхъуэм

Къабзагъэу дэлъым пщищIт ар нэрылъагъу.

ЗыгуэркIэ гугъу удемыхьауэ,

Уасэшхуэ гуэри щIумытауэ,

Зэрыхъур зыми жимыIауэ,

Зы пщалъэ гуэр ирамыкIауэ,

Ди тхьэшхуэм тыгъэ къыпхуищIауэ,

УиIэныр псыр насып мыухщ,

Зыхуэбгъэдэн къэгъуэтыгъуейуэ,

Ди дежкIэ ар уасэншэ мылъкущ.

Къэукъуреяуэ ар къежэхми,

Е псынэу къуакIэм къыщьпцIэжми,

Псыр къох насыпым хуэушауэ,

Изыфым тхьэр къыхуэупсауэ.

Махуэ къэскIэ, ди псэм зигъэнщIыху

Итф пэтми, псоми дэ къытщохъу

Дызэфэн псыр къемыжэхауэ

ГъащIэ нэсыпым и IэфIагъ

ЗэкIэ ди деж къимыхьэсауэ.

Мис, ноби сокIуэ сэ ди псыхъуэм,

Гум и псэхугъуэ къыщыслъыхъуэу.

Iубыгъуэ закъуэкIэ нэхъ мыхъуми,

Псэр згъэгуфIэну сыщыгугъыу.

Ауэ мы слъагъур сыт зшцIысыр,

Псы Iуфэм жыжьэу сынэсыфкъым!

Дыщысабийм дыщыджэгуауэ

УдзыпцIи тафи сэ слъагъужкъым.

Куэншыб, пхъэнкIий, пластмасс, гъущIыжъ,

Жыг ухъуэнщIахуэу къудамэжь…

Къиплъыхьыр нэм яуфэбгъуащ,

Лъэс лъагъуэ цIыкIури щыхъумащ.

Нэм илъэгъуам сыкъигъащтащ,

Псэм гузэвэгъуэ къыритащ

Дэ ди нэхъыжьхэр хуэсакъыпэу

Псэм щIыгъуу псыри тхуахъумащ,

Чэзур зэманкIэ къьпцытлъысым,

А псом датеубжьытхэжащ!

Мыпхуэдэу дыкIуэм дауэ хъун,

КъэкIуэнум сыт яжетIэфын?

ФIей гуэркIэ псыр ирамыIауэ

Дэнэ кърахыу ирафын?!

Ей маржэ, цIыхухэ, фыщымыс,

КъэкIуэну щIэблэм фегупсыс,

ИраIа псыхэри IэфIыпсщ,

ЖызыIэм пцIышхуэ къытхуеупс

Псы ежэхыпIэрщ псы хьумапIэр,

Ар фIеймэ, фIейщ дэри ди напэр!

 

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, ШэрIужь Аслъэн, ШэрIужь Аслъэн и усэхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 202

Сообщить об опечатке

Текст, который будет отправлен нашим редакторам: