Псалъэжь: Зэзри зи хущхъуэ щыIэщ.
ПсынщIэрыпсалъэ: КIыгуугур хьэгуагуэ? ХьэкIагуэ кIыгуугу?
ГушыIэ: Зэ къэзгъэпцIэфам иджыри хузэфIэкIынущ.
Къуажыхь: Фыз фIыцIэ нэгъуд, щIым дыд хэзыIу. (Уэшх)

Къэплъыхъуэр

Насып

Упсэу, ирехъу уи гъащIэр кIыхь,

Насыпым ущымыщIэу —

ЖреIэ лIыжьым и къуэрылъхум,

Iэ дилъэу, хуэгумащIэу.

 

Ар къызжыбоIэ сыкъепсыху

Зэ закъуи пщымыгъупщэу,

Дадэ насыпыр сыт езыр?

Слъагъуауэ къысхуэмыщIэ.

 

Тэмэму укъызэупщIащ

Упсэу уэ илъэсищэ,

Зы псалъэу ар жызыIэфа

Къэхъуауэ къысхуэмьщIэ.

 

УзиIэщ, уэ утетщ дунейм,

Си дежкIэ ар мылъкушхуэщ,

У и адэ-анэр пхуэузыншэм,

Уи дежкIэ насыпышхуэщ.

 

Насыпщ, дунейр мамыру щытым,

Зауэншэу зиузэщIым.

Гъатхэм и дахэр цIыхуу хъуам

Я гущIэм къедахащIэм.

 

Бжьыхьэм и бэвыр Iэнэ къэс

ЩымыщIэу къытыралъхьэм,

ГуфIэгъуэ иIэм зым, адрейр

КъыхуэкIуэу къыхуэхъуахъуэм.

 

Насыпщ щIалэгъуэу къэушам

ГурыщIэ дахэ щищIыр,

Абыхэм щыщу къехъулIам

И IэфIыр щизэхшцIэр.

 

Псэр зытхьэкъуауэ гум фIэIэфI

Iуэхугъуэу узыIущIэм…

Насыпщ зэреджэр, си щIалэфI,

А псом уэ ущремыщIэ!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, ШэрIужь Аслъэн, ШэрIужь Аслъэн и усэхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 230

Сообщить об опечатке

Текст, который будет отправлен нашим редакторам: