Псалъэжь: Гужь зиIэр вакъэжькIэ мауэ.
ПсынщIэрыпсалъэ: КIыгуугур хьэгуагуэ? ХьэкIагуэ кIыгуугу?
Къуажыхь: ЩабэрыкIуэ мэз кIуэрей. (Iэжьэ)
ГушыIэ: ПсынщIэу къэпщтэжар емыхуэха хуэдэщ.

Иужь уэзджынэ

Гъэ къэскIэ накъыгъэм и тIощIрэ тхум

Нэхъ кIыхьу ди школым уэзджынэр щозу,

Ябгынэ я абгъуэр бэлигъ хъуамэ бзум

Дунейм ар и хабзэщ, езыри чэзущ.

 

Школ пщIантIэм гуфIэгъуэ макъамэр щозу,

ЕджапIэр къаухыр мы гъэм зи чэзум,

ГуфIэгъуэр зи нэгум къыщIих я сабийм

Иохъуэхъур балигъхэр: гъуэгумахуэ апщий!

 

Йохъуэхъу адэ анэр, ныбжьэгъухэр йохъуэхъу:

«Фызэрыхуейуэ фи гъащIэр ирехъу!»

Фи егъэджакIуэхэм мыхьуу я фIэщ,

Ягухэр къекIуауэ я нэпсхэр ялъэщI.

 

Къыфпэплъэр фэ гъащIэм фIы защIэу щрырет

Фэращ зейр къэкIуэныр, фыкъимыкIуэт.

ЩIэныгъэу къэвджахэм хэвгъахьуэ зэпыт,

НэсыпкIэ гъэнщIауэ гъуэгу кIыхь тхьэм къывит!

 

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, ШэрIужь Аслъэн, ШэрIужь Аслъэн и усэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 185

Сообщить об опечатке

Текст, который будет отправлен нашим редакторам: