Псалъэжь: Уи шхын зыхэлъыр уиIу илъ хуэдэщ.
ПсынщIэрыпсалъэ: Лэныстэ-мастэ-къэбыстэ пIастэ.
Къуажыхь: Джэд хужь цIыкIу щIокIацIэ. (Бжьыныху)
ГушыIэ: Зыри жызмыIэм щыуэну къыщIэкIынкъым.

ИлъэсыщIэ

ИлъэсыщIэКъэсащи иужь махуэр дыгъэгъазэм,
Еух дызэрыт гъэм и иужь мазэр,
ДыхуокIуэ илъэсыщIэм фIыр ди гъуазэу,
Зэманым къэхьукъым щIыбкIэ къыщигъазэ.

Щогугъ дэтхэнэ зыри илъэсыщIэм
ЩызыхищIэну сыткIи насыпыщIэ,
БлэкIа зэманым дэщIыгъуа мыхъумыщIэр
ЩIихьумэн хуэдэ дыщIохъуэпс уэсыщIэм

Ныжэбэрей жэщыр псоми ди гуфIэгъуэщ,
И гъусэу мазэм изщ уафэгум вагъуэр,
ЗэщIэблэу яхуэпарэ загъэщIагъуэу,
Псей цIыкIухэр щIэтщ дэтхэнэм и унагъуи.

Жэщ ныкърр къэсым, къэсым сыхьэт бжыгъэр,
Едгъэжьэжынщ гъуэгу махуэ илъэсыжьыр,
ЦIыху къэскIэ илъэсыщIэм хуиIэ гугъэр
ЩиIуатэу иIэтынущ и хъуэхъубжьэр.

Си гуапэщ дызыхуэкIуэ илъэсыщIэм
КъытхудэкIуэну псоми насыпыщIэ,
Ди лъэпкъым фыхуэлажьэу къулыкъущIэр,
Бэвыгъэр къывэхъулIэу мэкъумэшыщIэм.

Нэхъыжьхэр фиту псом ди япэ
Ди гъуэгугъэлъагъуэ сыткIи фытхурехъу.
Тхэмыту зыри тезыхын фи напэр,
Адыгэ лъэпкъым тхуэфIын гъэ мыр тхурырехъу!

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, ШэрIужь Аслъэн, ШэрIужь Аслъэн и усэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 195

Сообщить об опечатке

Текст, который будет отправлен нашим редакторам: