Псалъэжь: Драхьеймэ, мэгъущIэ, кърахьэхмэ, мэщIытэ.
ПсынщIэрыпсалъэ: Пхъэр сошэр – пхъыр сошхыр.
ГушыIэ: Си нэм езгъэплъати, азбукэр зэзгъэщIэну къызжаIащ.
Къуажыхь: Шууищэм зы шу къахоуэ. (Гухъу)

Къэплъыхъуэр

Автобус къэувыIэпIэм

ЩыIэкъым цIыхубз мылъагъугъуафIэ,
Сыт хуэдэ ныбжьми ахэр ирырет,
Сабийуэ зи цIыкIугъуэу ар ягъафIэу
Е зи щхьэр тхъуауэ нанэу щырырет.

Дахащэщ мо къэса цIыхубз щIыкIафIэр,
Къэрал лэжьакIуэ гуэру къыщIэкIынщ
ЙокIупсыр ириIами щхьэц дьицафэр,
ПлъэмыкIыу, тIэкIу блэкIами, уеплъэкIынщ.

Мо къэувыIэпIэм тет хъыджэбз щхьэцыгъуэм
ХуеплъэкIьгурэ зы щIалэ прсьэрыуащ,
И гупэмкIэ къыщыт жыгышхуэр имылъагъуу,
ЗэрыкIуэм хуэдэу щхьэкIэ жьыхэуащ.

И нэкIум фIэкI къыщIэщу умылъагъуу
Бзылъхугъэ хуэму къакIуэр гъунэгъу къохъу,
Мыгувэу цIыхукIэ зэраIэнур хэхъуэ
ЦIыхубзым и IэплъэпкъкIэ дыболъагъу.

Дунейр яхуримыкъуу къакъэпщIыпщIу
ШколакIуэ хъыджэбз цIыкIухэр къыкъуэкIащ,
ЖаIэж хъыбархэр зэхыбохыр IупщIу,
ГуфIэгъуэр къызэрщ я нэгухэр зэIухащ.

КъыIуохьэ мыдэкIэ мьпцIалэж цIыхубзыр,
Уолъагъу гугъуехь мымащIэу илъэгъуащ,
КIэрылъкъым зы сэхусэплъи, къетхъухащ и щхьэцыр,
Ауэ екIу дыдэу, нэр дихьэхыу зыщIэкъуащ.

Зыгуэр зригъэплъыну ныбжькIи хьэлкIи
Зэрыхэмытыр занщIэу дыболъагъу.
ИтIани уемыплъын абы плъэмыкIыу
И нэгум IэфIагъ гуэрхэр щыболъагъу.

ЩыIэкъым цIыхубз мылъагъугъуафIэ,
ЦIыхугъэ иIэщ абы гу лъызытэфам
Мы дуней гъащIэр къыдэзыту дызыгъафIэм
ГуфIэгъуэ гуэр дунейм щезытыфам.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, ШэрIужь Аслъэн, ШэрIужь Аслъэн и усэхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 219

Сообщить об опечатке

Текст, который будет отправлен нашим редакторам: