Псалъэжь: ДаущыфIыр щылъу даущ бзаджэр мэIу.
ПсынщIэрыпсалъэ: Шыбжииплъ, псы плъыжьыбзэ.
ГушыIэ: ЦIыхухэр зэкъуэшщ, ауэ псори акъылкIэкъым.
Къуажыхь: МыкIуэф, мыфий, алащэ, щэныбэ. (Мэкъу Iэтэ)

Къэплъыхъуэр

Аслъэнбэч

ЦIыхуу щыIэу дунейм тетым

Къыхах псоми гъуэгу зырыз,

А гъуэгуанэр зэрикIунум

Щхьэж езыр ирегупсыс.

 

Хэт къыхехыр и гум тхэныр,

Хэти мэхъур уэрэдус.

Хэт егъэкIыр гъавэ бэвыр,

Хэти макIуэр мазэм нэс.

 

Уэ ди щIалэу ди пелуаным

Къыхэпхащи гъуэгу мытынш,

Ар пкIун папщIэ зы маскъалкIи

Уэ уи псалъэм уемыпцIыж.

 

Къуажэ цIыкIу укъыщалъхуами,

Утыкушхуэ уэ уихьащ,

Лъэпкъ мыин укъыхэкIами,

«Ар адыгэщ» жебгъэIащ.

 

Урысейм ис пелуанхэм

Я нэхъ бланэу къыхахам,

Уадытету щIакIуэ кIапэм

ТекIуэныгъэр къэпхьэхуащ.

 

Зэман кIэщIкIэ уэ уи шылъэр

Олимп джэгухэм нэпхусащ,

Iэмал закъуи зым иумыту,

ТекIуэныгъэр къафIэпхьащ.

 

Япэу утыку укъыщихьэр

Зылъагъуахэр щIэупщIат:

“Дэнэ щыщ ар, хэтхэ ей,

КъыздикIар сыт хуэдэ куей?»

 

Дэ адыгэм диIэщ хабзэ

Бзэр нэхъ мащIэущ зэрыдгъабзэр,

Бжьыпэр пIыгъыу утыку уитмэ,

Уэ жумыIэми, укъащIэнщ.

 

Ар адыгэм къахэкIащ,

Къабэрдейми къыщалъхуащ,

Ар пелуанщ икIи Iэчлъэчщ,

езыр Хъущтхэ Аслъэнбэчщ.

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, ШэрIужь Аслъэн, ШэрIужь Аслъэн и усэхэр

Уи цIыхугъэхэм къегъащIэ!




Зыгуэр къэптхыным:

Къытхыхьэ

Сайтым къихьар

Яндекс.Метрика Счетчик PR-CY.Rank Рейтинг@Mail.ru
ЦIыхуу еплъар: 199

Сообщить об опечатке

Текст, который будет отправлен нашим редакторам: