Псалъэжь: Бэлэрыгъ и Iыхьэр хьэм фIешх.
ПсынщIэрыпсалъэ: Шыбжииплъ, псы плъыжьыбзэ.
Къуажыхь: Ептмэ, къозыт, къуитмэ, берычэт. (Жэм)
ГушыIэ: Махуэр ауэ кIуэдакъым.

СызэхэщIэ уи псэ гуапэмкIэ…

СызэхэщIэ уи псэ гуапэмкIэ,
КъызэдэхащIэ уи Iэ щабэмкIэ.
Си гъащIэм гуфIэгъуэуэ къыхыхьэ,
НэфI-ней абы щызумыхьэ!
КъызбгъэдэкIуати, тIэкIурэ къызбгъэдэс.
Зыгуэр къыстепIи, щIыIэм сумыгъэс.
Уи гум илъ псори къысхуэIуатэ.
Умышынэ. Къэс. КъызбгъэдэкIуатэ.

Джэду шынауэ, уи блэгущIэм сыщIэсщ.
Дзыхь пхуэсщIащи, уи пщэ сыдэлъщ.
Къутахуэ защIэ сыхъуащи, сощащэ.
КъакIуэ. Сыгъэбэяу. КъызэIущащэ.

Жьапщэ щIыIэу укъыскъуэмыу закъуэ.
ЩIым теуви, нэхъ псынщIэу къэбакъуэ.
Сыхэгъэгъуазэ дунейм и дахэм.
Сыздэшэ укъыщалъхуа лъахэм.

Уафэгум зэгъусэу дыдэгъэлъэтей.
ЩIым сехыжыну ауи сыхуэмей.
ЗыхэщIэ си псэр псэкIэ, къысхуэкIуэж.
Си макъыр Iэтауэ соджэ: «УмыкIуэж!»

ЩIыр шэрхъщи, мэкIэрахъуэ, къэмыувыIэу.
Зехъуэж, нэхъ дахэ мэхъур, еш имыIэу.
Зехъуэжыр гъащIэми, ди нобэр мэхъу дыгъуасэ…
ХэкIыпIэр армэ, сэрыншэу псэу… зегъасэ…

Щыуагъэ къэбгъуэтам къыхэгъэщи ипIытIэ сэмэгумкIэ щыт Ctrl-рэ+Enter-рэ.


Зыхыхьэр: «Шыхулъагъуэ» хасэм хэтхэм я усэхэр, Нэгъуей Людмилэ, Нэгъуей Людмилэ и усэхэр

Уи цIыхугъэхэм къегъащIэ!




Зыгуэр къэптхыным:

ЦIыхуу еплъар: 401

Сообщить об опечатке

Текст, который будет отправлен нашим редакторам: